Exodo 7:5 - Ing Mayap a Balita Biblia

⁵ Abalu da kanita ding tau Ehipto king aku ing Ginu potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Exodo 7:5 Iomraidhean Croise

Ding Dalit 138:7

Makapadurut ku man king kagutgutan; ining bie ku keka yang ingatan. Kalaban kung mua kaku keka lang sasabatan, at liligtas mu ku kapamilatan ning upaya mu.

Ding Dalit 9:16

King pamanatul na makikilala ya ing Ginu; ding e mayap antimu rin makilala la karing dapat da.

Exodo 10:2

at ban akua mung asabi karing anak yu at karing apu yu nung makananu ku lang pepalto mangmang ding tau Ehipto inyang gewa ku la deting bage pagmumulalan; ban akilala yu ngan king aku ing Ginu.

Exodo 10:7

Ngara ding opisyal na ning ari, Angga pa kapilan ing guguluan na katamu ning taung iti? Paburen yu na lang mako ding Israelita ban asamban da ne ing Ginung karelang Dios. E yu pu wari akakit king ala nang berding tanaman king mabilug a Ehipto?

Exodo 14:18

Potang sambutan ku na la den, akilala da ring tau Ehipto king aku ing Ginu.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 18:8

Sinabi nang Moises kang Jetro ing sablang depatan na ning Ginu king ari, at karing memalen na ning Ehipto ban iligtas na la ring Israelita. Belita na naman ing kasakitan a pekiarapan da kabang dalan at nung makananu na lang linigtas ning Ginu.

Exodo 3:20

Inya gamitan ku ing upaya ku at ipagpa ku king mabilug a Ehipto ing makapangilabut a parusa. Kaybat na nita, paintulutan na na kayung mako.

Exodo 6:1

Kanita ngana ning Ginu kang Moises, Akit mu mu rin nung nanu ing daptan ku king ari. Mapilit yang palakuan na la. Puersan keng itabi na la king kayarian na.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 7:17

Ngeni, Makamal a Ari, pasabi na ning Ginu king akilala me nung ninu ya king kapamilatan ning daptan na. Lawan yu, ibarug ke ining tukud a ini king babo ning danum ning ilug at maging daya ing danum.

Exodo 8:10

Nganang mekibat ning ari, Ipanalangin mu ku bukas mu rin. Nganang Moises, Daptan ku ing aduan yu at kanita yu akilala king alang aliwang Dios a kalupa na ning Ginung kekaming Dios.

Exodo 8:19

Ngara ding salamangkeru king ari, Ing Dios ya ing makirapat kaniti! Oneng masias ya pa mu rin pusu ing ari, antimo ing sinabi na na ning Ginu, at e ya bisang makiramdam kari Moises at Aaron.

Exodo 8:22

Oneng milisia ya kaniti ing sakup ning Gosen nung nu la manuknangan ding taung pinili ku; e mika lango karin ban akilala mu king aku, ing Ginu, ing maki upaya king bansang iti.

Ezekiel 25:17

Parusan ku lang alang kalupa at bengansahan ku lang ganap. Panamdaman da ing kanakung mua. Kanita ra akilala king aku ing Ginu.

Ezekiel 28:22

Sabian mu karing memalen karin, king aku, ing Ginung Dios, ngakung magsalita karela: Sidon, aku ing kekang kalaban; purian da ku ding tau uli na ning daptan ku keka. Abalu ra king aku ing Ginu potang ipakit ku nung makananu kung banal king kapamilatan na ning pamamarusa ku karetang manuknangan keka.

Ezekiel 32:15

Potang gawan ku neng alang ulagang bansa ing Ehipto at apate ku na la ding sablang manuknangan karin, kanita ra akilala king aku ing Ginu.

Ezekiel 36:23

Potang ipakit ku na karing bansa ing kabanalan na ning marangal kung lagyu, ing lagyung kekong leko dangalan libutad da, akilala ra kanita king aku ing Ginu. Aku, ing Ginung Dios, ing migsalita. Gamitan da kayu ban ipakit karing bansa king aku banal ku.

Ezekiel 39:22

Kanita ra akilala ding tau Israel king aku ing Ginung karelang Dios.

Ezekiel 39:7

Pakasiguraduan ku king ing kanakung balen Israel akilala ne ing banal kung lagyu, at e ku na paintulut ing malapastangan ya ing lagyu ku. Kanita ra akilala ding bansa king aku, ing Ginu, ing banal nang Dios ning Israel.