Exodo 7:3 - Ing Mayap a Balita Biblia

³ Oneng pasiasan ke pusu ing ari at e na ka pakiramdaman agyang nu pa anti karakal ing daptan kung miyayaliwang makapagmulalang bage karin Ehipto.

Exodo 7:3 Iomraidhean Croise

Nehemias 9:10

Ginawa kang bage pagmumulalan laban king karelang ari, karing pamuntuk at memalen na, uling pigbagsikan da la ring kekaming makatua. At ing Lagyu mu angga ngeni pikabaluan ya.

Ding Dalit 135:9

Karin dinapat yang milagru at bage makapagmulala, ban parusan ne ing Ari at ding opisyal na.

Ding Dalit 78:12

Ginawa yang mala ing Dios king akakit ding makatua ra karin Ehipto, king kapatagan karin Zoan.

Exodo 11:10

Gewa da la ngan di Moises at Aaron deting sablang bage pagmumulalan king arapan na ning ari, oneng pepasiasan ne pusu ning Ginu, at e ya mebisang palakuan na la ding Israelita king bansang sasakupan na.

Exodo 11:9

Kanita ngana ning Ginu kang Moises, Tanggi yang pasibayung makiramdam keka ing ari ban aku makarapat kung lalung dakal a bage pagmumulalan king sasakupan na ning Ehipto.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 3:20

Inya gamitan ku ing upaya ku at ipagpa ku king mabilug a Ehipto ing makapangilabut a parusa. Kaybat na nita, paintulutan na na kayung mako.

Exodo 4:21

Ngana ning Ginu, Moises, anti na ning magbalik na ka Ehipto, e mu la sana kakalinguan gagawan detang sablang bage pagmumulalan king arapan ning ari. Dininan da kang upayang makarapat kareti. Makanyan man, pasiasan ke lub ing ari at e na la paintulutan mako ding Israelita.

Exodo 4:29

Meko la ilang adua at minta Ehipto at saka ra la tinipun ding sablang manimuna na ning Israel.

Exodo 4:7

Kanita ngana ning Ginu, Ipalub meng pasibayu ing gamat mu king baru mu tulid ning salu mu. Memintu ya i Moises, at inyang ilual neng pasibayu ala ne ing sakit a ketung; kalupa na ne ning sadia.

Exodo 7:13

Menatili ya pa mu ring masias a pusu ing ari, at e ya bisang makiramdam kari Moises at Aaron, antimo ing sinabi na ning Ginu.

Exodo 9:16

Oneng pekikuanan kung e ka mate ban apakit ku keka ing upaya ku at mikalat king mabilug a yatu ing kabantugan ku.

Ding Kasebian 21:1

Tatairan ne ning Ginu ing pamisip na ning ari. Anti ing mamagus a danum payagusan ne ketang lugal a buri na.

Isaias 51:9

Migising ka, Ginu, at saupan mu kami! Gamitan mung kekang upaya at iligtas mu kami; gamitan mu antimo ing king panaun a malambat nang milabas. Ika ing memirasung malati king Rahab, ing dambuala ning dagat.

Mikeas 7:15

Gawa kang milagru para kekami, O Ginu, antimo ing depat mu, kanitang leko mu kami ibat Ehipto.

Juan 4:48

Nganang Jesus, Subali mu nung manakit kayung tanda at milagru e kayu maniwala.

Ding Dapat 2:22

Pakiramdaman yu iting sasabian ku, memalen ning Israel! I Jesus ning Nazaret ya ing taung tinubud na ning Dios. At ing pangatuburan na king Dios mipakilalang masala kekayu king kapamilatan da ring milagru, ding makapagmulalang bage, at ding tanda a depat na ning Dios king kapamilatan na. Ikayu mismu balu yu iti uling keti mismu libutad yu karin mepalyari.

Ding Dapat 7:36

Tinaid na la at liwal Ehipto at dinapat yang milagru at makapagmulalang bage karin at king Dagat a Malutu at king disyerto kilub ding apat apulung banua.

Roma 15:19

king kapamilatan da ring mayupayang waga at milagru at king upaya na ning Banal a Espiritu. Inya lubus keng penaral ing Mayap a Balita tungkul kang Cristo, manibat karin Jerusalem at karing sablang lugal a libutan ku angga na karin Ilirico.

Roma 9:18

Inya dinan neng lunus ning Dios itang buri nang dinan at pasiasan ne buntuk itang buri na.

Deuteronomio 4:34

Atin na waring metung mu mang dios a migkapilit ilual na la ding memalen nang atyu libutad ning aliwang bansa king kapamilatan na ning pagsubuk, tanda, gera, at bage pagmumulalan a anti ing ikit yung depat ning Ginung kekayung Dios karin king Ehipto?

Deuteronomio 7:19

E yu la kakalinguan detang makapangilabut a pesti a peparala na at detang bage makapagmulala a depat na bayu na kayu liwal karin. Makanyan munaman ing daptan na ning Ginung kekayung Dios kareting taung katakutan yu.