Exodo 7:16 - Ing Mayap a Balita Biblia

¹⁶ Anti kaniti ing sabian mu king ari, Ing Ginu, ing Dios ding Hebreo, tiburan na ku ban sabian ku keka king paburen mu na lang mako ding memalen na ban makasamba la king Dios keta king disyerto. Oneng angga ngeni e ka pa bisang makiramdam.

Exodo 7:16 Iomraidhean Croise

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Exodo 13:15

Kanitang pepakit yang kesiasan a pusu ing ari ning Ehipto at e ya mebisang palakuan na katamu, pete na la ning Ginu ding balang pangane lalaki king kayarian na ning Ehiptotau at animal. Ita ing sangkan nung inya yayain ta ya ing balang anak a pangane lalaki para king Ginu, oneng atbusan lang pasibayu ding anak a lalaking pangane.

Exodo 14:5

Inyang abalitan na ning ari na ning Ehipto king ikua ra nang mekatakas ding Israelita, ya ampon ding tauan na migbayu la isip. Ngara, Nanu iting depatan tamu? Pepaburen ta lang mekatakas ding Israelita. Ngeni ala ta nang ipus a sumuyu kekatamu!

Exodo 3:12

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Exodo 3:13

Nganang Moises, Pota pung miras na ku karing Israelita at sabian ku karela king ikayu, ing Dios ding makatua da, ya ing mitubud kanaku at nung sakaling ikutang da kanaku, Nanu ing lagyu na? nanu mo pu ing ipakibat ku karela?

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Exodo 4:22

Kanita sabian mu king ari king aku, ing Ginu, sasabian ku, Ing Israel ya ing anak kung pangane.

Exodo 4:23

Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Exodo 7:4

Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Exodo 8:1

Kanita ngana ning Ginu kang Moises, Puntalan meng pasibayu ing ari at sabian mu king pasabi na ning Ginu ing anti kaniti: Paburen mu na lang mako ding memalen ku ban makasamba la kanaku.

Exodo 8:20

Ngana ning Ginu kang Moises, Makikit ka bukas abak a maranun king ari potang dulung ya king ilug at sabian mu king ing Ginu pasabi na ing anti kaniti: Paburen mu na lang mako ding memalen ku ban makasamba la kanaku.

Exodo 9:1

Ngana ning Ginu kang Moises, Munta ka king ari at sabian mu king ing Ginu, ing Dios ding Hebreo, pasabi na ing anti kaniti: Paburen mu na lang mako ding taung pinili ku ban makasamba la kanaku.

Exodo 9:13

Kanita ngana ning Ginu kang Moises, Bukas abak a maranun pakikitan me misan pa ing ari. Sabian mu king ing Ginu, ing Dios ding Hebreo, pasabi na ing anti kaniti: Paburen mu na lang mako ding taung pinili ku ban makasamba la kanaku.

Isaias 45:13

Aku mismu ing misubung kang Ciro ban kimut ya, ban ing kakung parasan tuparan na at itulid ing sabla. Kakung tuliran ing balang dalan a dalanan na. Italakad ne at larinan ing siudad kung Jerusalem, at ibulus ing mebihag kung balen. Ala metung man ing menupa o minie suhul ban iti daptan na. Ing Ginung Mayupaya migsalita ya.

Jeremias 50:33

Ngana ning Ginung Mayupaya, Meyalipit la ding memalen na ning Israel at ning Juda. Pakabanten da la ring mekabihag karela at e da la paintulutan mako.