Exodo 7:13 - Ing Mayap a Balita Biblia

¹³ Menatili ya pa mu ring masias a pusu ing ari, at e ya bisang makiramdam kari Moises at Aaron, antimo ing sinabi na ning Ginu.

Exodo 7:13 Iomraidhean Croise

2 Cronica 36:13

Mig-rebeldi ya i Zedekia laban kang Aring Nebucadenesar a memilit sumpa ya king lagyu ning Dios king pamintuan ne. Meging masias ya buntuk at pusu at e bisang mibalik lub king Ginu, ing Dios ning Israel.

Exodo 10:1

Kanita ngana ning Ginu kang Moises, Pakikitan me pa ing ari. Pepasias ke pusu at ding opisyal na ban akua ku lang arapat deting bage pagmumulalan libutad da,

Exodo 10:20

Oneng pepasiasan na ne naman a pusu ning Ginu ing ari, at e na la peintulutan mako ding Israelita.

Exodo 10:27

Pepasias na ne naman a pusu ning Ginu ing ari, at e na la peintulutan mako ding Israelita.

Exodo 14:17

Pasiasan ku la lub ding tau Ehipto ban dulung la naman para tagal kekayu, at kaybat mirangal ku king kapamilatan na ning pamagtagumpe ku king ari, karing sundalus na, karing karung panggera na, at karing pakasake kareti.

Exodo 4:21

Ngana ning Ginu, Moises, anti na ning magbalik na ka Ehipto, e mu la sana kakalinguan gagawan detang sablang bage pagmumulalan king arapan ning ari. Dininan da kang upayang makarapat kareti. Makanyan man, pasiasan ke lub ing ari at e na la paintulutan mako ding Israelita.

Exodo 7:12

Inatsa da la naman ding tukud da, at meging ubingan la. Oneng inakmul na la ngan deti nitang kang Aaron.

Exodo 7:14

Kanita ngana ning Ginu kang Moises, Tutu yang masias a pusu ing ari at e na la buring mako ding Israelita.

Exodo 7:22

Pikiapusan da naman iti ding salamangkeru na ning ari king kapamilatan ning gelingan da, at lalu yang mesias a pusu ing ari. Antimo ing asabi na na ning Ginu, e ya mebisang makiramdam kari Moises at Aaron.

Exodo 8:11

Ikayu, ding opisyal yu, at ding memalen yu e yu na la akit pa ding tugak puera mu detang mitagan king Ilug ning Nilo.

Exodo 8:15

Inyang ikit na ning ari king mete na la ding tugak, mesias ne naman a pusu, antimo ing sinabi na na ning Ginu, at e ne naman mebisang makiramdam kari Moises at Aaron.

Exodo 8:19

Ngara ding salamangkeru king ari, Ing Dios ya ing makirapat kaniti! Oneng masias ya pa mu rin pusu ing ari, antimo ing sinabi na na ning Ginu, at e ya bisang makiramdam kari Moises at Aaron.

Exodo 8:28

Ngana ning ari, Palakuan da kayu ban miyain ain-sakripisyu king Ginung kekayung Dios karin king disyerto, nung e yu masiadung pakalaut. Pakipanalangin yu ku naman.

Exodo 9:12

Oneng pepasiasan ne pa mu rin a pusu ning Ginu ing ari, antimo ing sinabi na kanita, at e ya mu rin mebisang makiramdam ing ari kari Moises at Aaron.

Exodo 9:35

antimo ing sinabi na ning Ginu kang Moises kanita pa. E na la pa mu rin peintulutan ning ari ing mako la ding Israelita.

Exodo 9:7

Kitang ning ari nung nanu ing milyari, at pekibat da king alang mete metung man karing animal da ring Israelita. Oneng masias ya pa mu rin a pusu ing ari, at e na la peintulutan mako ding tau.

Roma 1:28

At uling e la bisang kilala king Dios, pepaburen na la ning Dios king e mayap dang pamisip angga na ketang daraptan da ing e ra sukat daptan.

Roma 2:5

Oneng uli na ning kesiasan mung buntuk at ning pusu mung e biasang sumisi, lalu mung bubuntun king kekang sarili ing maragul a kaparusan a tanggapan mu king Aldo a mibugnus ing milalablab nang mua ning Dios at mipakilala ing matulid nang kayatulan.

Deuteronomio 2:30

Oneng e na katamu peintulutan dumalan Aring Sihon king kayarian na. Pepasias ne lub ning Ginung Dios at e ya mebisa ban mika matulid tamung lusuban ya at sakupan ing gabun a sakup tamu angga ngeni.

Hebreo 3:13

Sukat kayung mituturuanan aldo-aldo kabang atin pang panaun, antimo ing sasabian na ning Kasulatan, ban ing ninuman kekayu e ya malinlang king kasalanan, at e maging masias a pusu.

1 Samuel 6:6

E yu apusan ing kesiasan dang buntuk ding tau Ehipto at ning ari da. E wari inyang parusan na nong e makanyan-kanyan pepaburen da lang meko ding Israelita?