Exodo 7:11 - Ing Mayap a Balita Biblia

¹¹ Pepayaus na la kanita ning ari ding pantas na ampon salamangkeru, at arapat da naman ing anti kanita king kapamilatan ning gelingan da.

Exodo 7:11 Iomraidhean Croise

Genesis 41:8

E ya mipaindatun itang kayabakan. Pepatubud ya at pepayaus na la ring sablang salamangkeru at ding taung mangabiasa ning Ehipto. Kinwentu na la ning ari karela ding apaninap na, oneng ala metung man karela ing mekaibie kabaldugan karing peninap na.

Exodo 7:12

Inatsa da la naman ding tukud da, at meging ubingan la. Oneng inakmul na la ngan deti nitang kang Aaron.

Exodo 7:22

Pikiapusan da naman iti ding salamangkeru na ning ari king kapamilatan ning gelingan da, at lalu yang mesias a pusu ing ari. Antimo ing asabi na na ning Ginu, e ya mebisang makiramdam kari Moises at Aaron.

Exodo 8:18

Buri dang gamitan ding salamangkeru ing gelingan da ban palto la namang niknik, oneng mebigu la. Atyu la ding niknik nukarin mang lugal.

Exodo 8:3

Kumatmu ya karing tugak ing Ilug ning Nilo angga king sumaka la deti at miras king palasyu mu, king kuartung pitutudturan mu, king katri mu, karing bale da ring opisyal at bale ding memalen mu, at angga na karing ornu ampon kasangkapan a pigagawan tinape.

Exodo 8:7

Oneng ginamit da ring salamangkeru ing gelingan da at mekapalto la namang tugak.

Daniel 2:2

Inya pepayaus na la ding mamamanula na, ding salamangkeru, ding enkantador, at ding Caldeo ban datang la at ipalino ra ing peninap na. Inyang dinatang la at tinalakad arap ning ari,

Daniel 2:27

Mekibat ya i Daniel, Makamal a Ari, alang biasa, salamangkeru, mamamanula o astrologo a malyaring makapagsalita kekayu tungkul kanyan.

Daniel 4:6

Inutus kung iyarap da la kanaku ding heganaganang mangabiasa king mabilug a Babilonia ba rang sabian kanaku nung nanu ya kabaldugan ing peninap ku.

Daniel 5:11

Ating metung a lalaki king kekang kayarian nung kenu ya atyu ing espiritu ding banal a dios. Pepakit yang talino inyang i tata mu ya ing ari; maki kabiasnan ya at beluan anti ing beluan da ring dios. At ing Aring Nebucadenesar a tata mu, gewa neng pamuntuk da ring mamamanula, ding salamangkeru, ding Caldeo, at ding astrologo.

Daniel 5:7

Kinulisak yang masikan at inutus nang idala da la ring salamangkeru, ding Caldeo, at ding astrologo. Inyang dinatang la ngana karela ning ari, Ing ninumang makabasa king misulat at makaibie kanaku king kabaldugan na mipiblasan yang imalan a purpura, mipasuluran yang gintung kwintas ning dangalan king batal na, at maging katlu ya karing ating upaya king kayarian.

Mateo 24:24

Lunto la ding Cristo a e tutu at propetang e tutu. Pakit lang miyayaliwang tanda at milagru a tutung pagmumulalan ba ra lang alinlang pati na ding pinili ning Dios, nung malyari mu sa.

Galacia 3:1

Mengasira na kayu wari buntuk, ikayung tau Galacia? Ninu ing mekagayuma kekayu? Mipamalino masala king daramdaman yu ing pangamate nang Jesu-Cristo king krus!

Efeso 4:14

E ta na kanita anak a mangalati a balamu bangkang sapul-sapulan na ning angin, at pitange-tange ning alun ampon ning maling turu da ring taung mapaglinlang. E ta na mapirait karing taung ating kapagnasan a inabu da katamu king e ustu.

2 Tesalonica 2:9

Lunto ya ing Marawak a kayabe ing upaya nang Satanas at dapat yang miyayaliwang maling tanda at bage pagmumulalan.

2 Timoteo 3:8

At nung makananu lang sinalangsang di Janes at Jambres kang Moises, makanyan la namang sasalangsang deting tau king katutuan, marok la pamisip at mapagkunwaring talasalpantaya.

2 Timoteo 3:9

Oneng e ra malyaring asundung malambat ing karelang dewakan uling ing karelang kamulangan akit dang malino ding sabla antimo ing milyari na kari Janes at Jambres.

Kapahayagan 19:20

Merakap ya ing animal a mabagsik at ing e tutung propetang dinapat milagru arap na. (Deting milagru ilang ginamit na king pamaglinlang karing taung ating tatak ning animal a mabagsik at karing sinamba king larawan na.) Inugse da lang mabie deting adua king dagat-dagatan ning api at ning milalablab a asupri.

1 Samuel 6:2

Kanita pepayaus da la ring Filisteo ding karelang pari at mamamanula at ngarang kinutang, Nanung gawan tamu king Kaban ning Ginu? Nanu ing parala tamu potang pabalik ta ya king sarili nang lugal?