Exodo 6:8 - Ing Mayap a Balita Biblia

⁸ Idala da kayu king gabun a tapat kung pengakung ibie kang Abraham, Isaac, at Jacob. Ibie ke kekayu iting gabun at maging bandi ye. Aku ing Ginu.

Exodo 6:8 Iomraidhean Croise

Genesis 14:22

Pekibat nang Abram king ari ning Sodoma, Pengaku kung taimtim king Ginu, ing Dios a Kakataskatasan a miglalang king banua at yatu,

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

Genesis 26:3

Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 35:12

Ibabie ke keka at karing lahi mu ing gabun a binie ku kang Abraham at kang Isaac.

Nehemias 9:15

Inyang meranup la, peparala kang tinapeng ibat banua, at inyang mau lang danum king batung ating sibul karin mu la pepainum. Sinabi mu karela king bandian de ing gabun a pengaku mung ibie karela.

Exodo 13:5

Tapat nang pengaku ning Ginu karing makatua yu king ibie ne kekayu ing bansa da ring Cananeo, Hiteo, Amoreo, Heveo, at Jebuseo. Gabun yang masanting at mataba. Potang ikua na na kayung adala king lugal a ita, sukat yeng pagselebran iting piesta king mumuna nang bulan ning balang banua.

Exodo 32:13

Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Exodo 6:2

Migsalita ya ing Dios kang Moises. Ngana, Aku ing Ginu.

Exodo 6:4

Ginawa ku namang kasunduan karela at pengaku ku karela king ibie ke ing Canaan, ing gabun nung nu la mekipamalen bilang dayuan.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Ezekiel 20:15

Inya tapat kung pengaku karin king disyerto king e ku la idala king bansa a binie ku karela, ing mabandi at matabang gabun, ing pekamasanting a gabun.

Ezekiel 20:23

Inya ginawa kung aliwang taimtim a pangaku karin king disyerto. Tapat kung pengaku king iyugse ku la ngan karing miyayaliwang bansang dayuan.

Ezekiel 20:28

Dela ku la king gabun a pengaku kung ibie karela. Minie lang ain karing sablang ikit dang matas a bunduk-bundukan at berding tanaman. Pepamua da ku king kapamilatan da ring ain a karelang dilukan at king kapamilatan na ning alak a dela ra bilang ain da.

Ezekiel 20:42

Potang abalik da na kayu king Israel, king gabun a pengaku kung ibie karing makatua yu, akilala yu kanita king aku ing Ginu.

Ezekiel 36:7

Aku, ing Ginung Dios, tapatan kung sasabian king mainsultu la ding makapaligid a bansa.

Ezekiel 47:14

Kaybat, piparaparehu yu ing dake da ring aliwa. Pengaku ku karing makatua yu king ibie ke kekayu iting gabun bilang mana yu.

Ding Bilang 10:29

Nganang migsalitang Moises kang Hobab, ing bayo na, Makasadia na kaming maglakbe papunta ketang lugal a pengaku nang ibie kekami ning Ginu. Tuki na ka kekami at e ra ka paburen uling masanting karin.

Ding Bilang 11:12

Aku wari ing ima ra? Aku wari ing makipasari king pangalto ra keti king yatu ban ingatan ku la at kilikan anting anak a pasusuan angga king miras la king gabun a pengaku yung ibie karing pipumpunan da?

Ding Bilang 14:30

Ala metung man ing miras kekayu king gabun a pengaku ku, subali mu kang Caleb a anak nang Jefune at i Josue a anak nang Nun; ila mu ring miras karin.

Ding Bilang 23:19

E ne kalupa ning tau ing Dios, uling ing tau maglaram ya at pabayubayu kaisipan. Itang sasabian ning Dios daraptan na, at ing pengaku na tutuparan na.

Deuteronomio 32:40

Tatas ke ing gamat ku banua, at kakung sasabian, Aku ing mabie Dios kapilan man,

Deuteronomio 4:31

Malunusan ya ing Ginung kekayung Dios, e na kayu gulutan o gisanan paten o kalinguan itang kasunduan a pengaku nang tuparan karing makatua yu.

Josue 24:13

Binie ke kekayu ing gabun a e yu bitasang pegobran at ding siudad a e yu naman telakad. Ngeni mabibie kayu king gabun a binie ku. Mamangan kayu karing ubas a e yu tenam at karing olibo a e yu naman tenam.

Kapahayagan 10:6

at sinumpa ya king lagyu ning Dios a mabibie kapilan man, ing linalang king banua, yatu, dagat, at karing sablang bage atyu kareti. Nganang sinabi, E na lumuat!

1 Samuel 15:29

E ya maglaram o magbayu isip ing Dios ning Israel uling e ne man tau a kailangan magbayu isip.