Exodo 6:7 - Ing Mayap a Balita Biblia

⁷ Gawan da kayung sarili kung memalen, at aku ing maging Dios yu. Abalu yu kanita king aku ing Ginung kekayung Dios a migligtas kekayu king panga-ipus yu Ehipto.

Exodo 6:7 Iomraidhean Croise

Genesis 26:3

Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

1 Ari 20:28

Lepitan neng pasibayu ning propeta ing ari na ning Israel at ngana, Ing Ginu sasabian na king agpang karing tau Siria, dios ya kanu king kabundukan at e ya dios king kapatagan. Inya masambut la kekayu ding e mabilang-bilang dang sundalus, at kanita yu akilala king ya ing Ginu.

1 Ari 8:60

King anti kaniting paralan da abalu ding sablang tau ning yatu king ing Ginu ya ing Dios, at ala nang aliwa pa.

Nehemias 1:10

Ila ding kekang talasuyu at ding sarili mung memalen. Ila ding linigtas mu king kapamilatan na ning kekang upaya at sikanan.

Ding Dalit 100:3

Kilalanan yu king ing Ginu ya ing Dios. Ya ing linalang kekatamu at bandi na katamu; itamu ding memalen na at tupang papastulan na.

Ding Dalit 81:6

Aku ing milako king pupusanan mung mabayat; kildas ku la ding laryu a kekang pupusanan.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 14:18

Potang sambutan ku na la den, akilala da ring tau Ehipto king aku ing Ginu.

Exodo 14:4

Pasiasan ke lub at tagalan na kayu, at aku naman tanggap kung dangalan uli na ning pamagtagumpe ku king ari ampon karing sundalus na. Abalu da kanita ding tau Ehipto king aku ing Ginu. Depatan da ring Israelita itang sinabi na karela.

Exodo 15:16

Ing takut at galgal karela ngan digpa. O Ginu, kekang sikanan ikit da, at e la makakimut king takut da; anggang ing balen mu e ra ikuang linabas king arapan da balen a kinabus mu king panga-ipus na.

Exodo 15:2

Ing Ginu ya ing mayupaya kung talapaglualu, ya ing migligtas kaku. Ya ing kakung Dios, at kaku yang purian; ya ing Dios ding makatua ku, king degulan na pagkanta keng kapurian.

Exodo 16:12

Dimdam ku ing reklamu da ring Israelita. Sabian mu karela king manikua lang karning apangan da potang sisilim na, at mika tinape anggang bisa la neng abak. Kanita ra akilala king aku, ing Ginu, ing Dios da.

Exodo 16:6

Inya ngarang sinabing Moises at Aaron karing sablang Israelita, Akilala yu ngening bengi king ing Ginu ya ing milual kekayu ibat Ehipto,

Exodo 2:11

Inyang meragul ne i Moises linual ya ban dalawan na la ding kabalen na, at ikit na nung makananu lang mengapuersa ding Israelita king obrang mangabayat. Ikit nia naman nung makananu neng pete ning tau Ehipto ing metung a Hebreo.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 7:17

Ngeni, Makamal a Ari, pasabi na ning Ginu king akilala me nung ninu ya king kapamilatan ning daptan na. Lawan yu, ibarug ke ining tukud a ini king babo ning danum ning ilug at maging daya ing danum.

Isaias 41:20

Akit da iti ding tau at karelang abalu king aku, ing Ginu, ing pepasari kaniti. Akua rang aintindian king ing Banal nang Dios ning Israel ya ing mekapalyari kaniti ngan.

Isaias 49:23

Maging anti lang tata kekayu ding ari; ding reyna lingapan da kayung anting ima yu. Duku la arapan yu at parangalan da kayu; king kababan lub ipakit da ing kagalangan kekayu. Akilala yu kanita king aku ing Ginu; ala metung mang mipakarine karetang manenayang saup kaku.

Isaias 49:26

Agkatan ku lang mipatayan la ding kekayu manggipit; lasing la king pamakamate at king mua. Kanita ding tau akilala ra king aku ing Ginu, ing magligtas at magpalaya kekayu. Akilala ra kanita king aku ing Mayupayang Dios ning Israel.

Isaias 51:15

Aku ing Ginung kekang Dios; aku ing gogogo king dagat, at babie biung karing alun. Ginung Mayupaya ing lagyu ku!

Isaias 60:16

Anti ing metung a imang pasusu king anak na ding bansa at ding ari lingapan da ka. Abalu mu king aku, ing Ginu, ing migligtas keka, ing mayupayang Dios ning Israel ya ing keka magpalaya.

Isaias 63:8

Nganang sinabi ning Ginu, Ila ding taung pinili ku; e ra ku pagtaksilan. Inya naman linigtas na la

Jeremias 30:22

Ila ding maging memalen ku, at aku ing maging Dios da. Aku, ing Ginu, ing migsalita.

Jeremias 31:33

Anti ya kaniti ing bayung kasunduan a gawan ku karing memalen ning Israel: Ibili ke ing kautusan ku king mabilug dang pangatau at isulat ke iti karing karelang pusu. Aku ing maging karelang Dios at ila naman ding maging memalen ku.

Ezekiel 20:19

Aku ing Ginung kekayung Dios. Pamintuan yu la ding utus ku at ding kanakung tuntunan.

Hosea 1:10

Maging anti la king balas ning dagat ding memalen na ning Israel; e la malyaring bilangan o sukdan man. Ngeni sasabian na ning Dios karela, E ra na kayu memalen, oneng datang ya ing aldo a sabian na karela, Ikayu ding anak na ning Dios a mabie!

Levitico 11:44

Aku ing Ginung kekayung Dios; inya ingatan yung malinis ing sarili yu, uling aku banal ku.

Levitico 11:45

Aku ing Ginu a milual kekayu ibat Ehipto ban aku ing maging Dios yu. Inya sukat kayung maging banal, uling aku banal ku.

Zacarias 13:9

Paniubukan ke ing katlung dake a mitagan at gawan keng puru antimo ing pilak a madadalise king api. Paniubukan ku la antimo nung makananu yang masusubuk ing gintu. Kanita maus la kanaku at pakibatan ku la. Sabian ku karela king ila ding kanakung memalen, at ibalita da king aku ing karelang Dios.

Ding Bilang 15:41

Aku ing Ginung kekayung Dios; aku ing milual kekayu king Ehipto ban aku ing maging Dios yu. Aku ing Ginung kekayung Dios.

Mateo 22:32

Aku ing Dios nang Abraham, ing Dios nang Isaac, at ing Dios nang Jacob. Buri nang sabian niti king e re Dios ding mete nune Dios de ring mabie.

Roma 8:31

King heganaganang iti, nanu ing malyari tamung asabi? Nung ing Dios atyu king panig tamu, ninu ing laban kekatamu?

Deuteronomio 14:2

Tau kayung banal king Ginung kekayung Dios. Pinili na kayu karing sablang tau ning yatu ban bukud mung maging bandi na.

Deuteronomio 26:18

At sinabi na naman ning Ginu ngening aldong iti king ikayu ding taung bukud nang bandi, antimo ing pengaku na kekayu. Inya sukat yu lang pamintuan ding sablang kautusan na

Deuteronomio 29:12

Atyu kayu keti ban mangaku at pailalam king aduan na ning kasunduan ning Ginung kekayung Dios.

Deuteronomio 29:13

King kapamilatan na niting kasunduan, ikayu ing maging memalen nang pinili manibat ngening aldong iti. At ya ing maging Dios yu, antimo ing pengaku na karing makatua tamung i Abraham, Isaac, at Jacob.

Deuteronomio 29:5

Penimunan da kayu king disyerto kilub ding apat apulung banua; e melaun ing imalan yu at e la mepudpud ding sandalyas karing bitis yu.

Deuteronomio 4:20

Gewa na kayung malaya ngeni ning Ginu king pangayalipan yu karin king Ehipto, itang mikakalukung ornu, ban maging memalen na.

Deuteronomio 7:6

E yu kakalinguan king tau kayung pinili na ning Ginung kekayung Dios; pinili na kayu karing aliwang bansa ban maging bukud mung bandi na.

Hebreo 11:16

Oneng ali, ing panintunan da metung yang bansa a lakuas mayap at iti ya ing bansa dang maligaya karin banua. Inya e na pikarine ning Dios ing ausan deng Dios da, uling atin yang sasadiang metung a siudad para karela.

1 Pedro 2:10

Kanitang misan e kayu man metung a balen, oneng ngeni balen kayung pinili na ning Dios; kanitang misan e yu man balu ing lunus na ning Dios, oneng ngeni tinggap yu ing lunus na.

Kapahayagan 21:3

Kabud-abud dimdam ke ing masikan a siwalang ibat king tronu. Ngana, Ngeni, ing tuknangan na ning Dios atyu libutad da ring tau! Manuknangan yang kayabe da ring tau at maging balen na la. Akayabe re ing Dios at ya ing maging Dios da.

Kapahayagan 21:7

Iti ya ing tanggapan na ning magtagumpe: Aku ing maging Dios na at ya ing maging anak ku.