Exodo 6:6 - Ing Mayap a Balita Biblia

⁶ Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 6:6 Iomraidhean Croise

1 Ari 8:42

a dinatang uli na ning pikabaluan mung lagyu at uli da ring makapagmulalang bage depat mu para karing kekang memalen. Nung datang ya keting Templo iting dayuan ban samba keka at manalangin,

2 Ari 17:36

Aku ing samban yu, ing Ginu milual kekayu king Ehipto king kapamilatan na ning maragul kung kayupayan at makapagmulalang dapat. Bukud mung aku ing dukuan yu at dinan ain.

1 Cronica 17:21

Alang aliwang bansa keti king yatu a kalupa na ning Israel a linigtas mu king panga-ipus ban gawan meng sarili mung balen. Meging pikabaluan ka king mabilug a yatu uli na ning maragul at makapagmulalang dapat a gewa mu para karela. Linigtas mu la ding memalen mu king Ehipto at tinabi ding paganung disnan da.

Nehemias 1:10

Ila ding kekang talasuyu at ding sarili mung memalen. Ila ding linigtas mu king kapamilatan na ning kekang upaya at sikanan.

Ding Dalit 77:16

O Dios, inyang ikit na ka ning danuman ginalgal yang e makanyan-kanyan pati na itang laman ning dagat.

Ding Dalit 81:11

Oneng ing balen ku e ya mekiramdam kaku, ing Israel e ya bisang mamintu.

Ding Dalit 81:6

Aku ing milako king pupusanan mung mabayat; kildas ku la ding laryu a kekang pupusanan.

Ding Dalit 81:7

King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Exodo 1:11

Inya mibili lang kapatas karing Israelita ban pasakitan da la king kapamilatan na ning mabayat a obra. Makanyan lang mengapuersa ding Israelita king pamitalakad karing siudad ning Pitom at Rameses a pipagponduan nang kabiayan at kagamitan ning ari.

Exodo 12:41

Meko la Ehipto ding sablang memalen na ning Ginu king aldo a miyangganan la deting apat a ralan at atlung pulung banua.

Exodo 12:51

King aldong ita liwal na la Ehipto ning Ginu ding tribu na ning Israel.

Exodo 13:14

King daratang a panaun, potang ikutang na ning anak yung lalaki nung nanu kabaldugan iting daraptan yu, ipakibat yu, King pamangamit na king maragul nang upaya, liwal na katamu ning Ginu king Ehipto, ing lugal nung nukarin tamu meging ipus.

Exodo 13:16

Metung yang pamigaganaka iting panugali; mengari ya king metung a bage tinali tamu king kekatamung gamat o kaya karing kanuan tamu ban ipaganaka na kekatamu king liwal na katamu ning Ginu king Ehipto uli na ning maragul nang upaya.

Exodo 13:3

Nganang sinabing Moises karing tau, Tandanan ye ing aldong iti, ing aldo pamaglako yu Ehipto, ing lugal nung nukarin kayu me-ipus. Iti ya ing aldo a liwal na kayu ning Ginu king kapamilatan na ning maragul nang upaya. Alang mapangan tinape ating lebadura.

Exodo 15:13

Kekang pengaku kekang tutuparan, inya ing balen a kekang segipan keka yang pitnubayan, at linub king bansa mung banal.

Exodo 16:6

Inya ngarang sinabing Moises at Aaron karing sablang Israelita, Akilala yu ngening bengi king ing Ginu ya ing milual kekayu ibat Ehipto,

Exodo 18:1

Abalitan nang Jetro, ing pari ning Midian at katuangan nang Moises, ing sablang depatan na ning Dios para kang Moises at karing memalen na ning Israel kanitang liwal na la king Ehipto.

Exodo 2:11

Inyang meragul ne i Moises linual ya ban dalawan na la ding kabalen na, at ikit na nung makananu lang mengapuersa ding Israelita king obrang mangabayat. Ikit nia naman nung makananu neng pete ning tau Ehipto ing metung a Hebreo.

Exodo 3:17

Inari ku king lub ku king ilual ku la king bansang babie kasakitan karela. Idala ku la king gabun nung nu labis-labis ing kabiayan, ing gabun a ngeni tutuknangan da ring Cananeo, Hiteo, Amoreo, Perezeo, Heveo, at Jebuseo.

Exodo 3:8

Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Exodo 32:11

Oneng menigapu ya i Moises king Ginung keyang Dios. Ngana, Ginu, obat mua ka kaniting sarili mung balen a liwal mu king Ehipto king kapamilatan na ning maragul mung sikanan at upaya?

Exodo 6:2

Migsalita ya ing Dios kang Moises. Ngana, Aku ing Ginu.

Exodo 6:29

Ngana, Aku ing Ginu. Sabian mu king ari ning Ehipto ing sablang sabian ku keka.

Exodo 6:8

Idala da kayu king gabun a tapat kung pengakung ibie kang Abraham, Isaac, at Jacob. Ibie ke kekayu iting gabun at maging bandi ye. Aku ing Ginu.

Exodo 7:4

Kaybat na nita, ipagpa ku ing mangabayat a parusa king Ehipto at panimunan ku la ding taung pinili ku, ing balen ning Israel, king paglual da Ehipto.

Exodo 7:5

Abalu da kanita ding tau Ehipto king aku ing Ginu potang ipagpa ku neng mitmung beyatan karela ing gamat ku, at ilual ku la ding Israelita king bansa da.

Isaias 9:12

ing Siria king dane aslagan at ing Filistia king dane albugan na ning Israel. Biklat da la ring asbuk da ba reng laklakan ing Israel. Makanyan man, e mu rin tuknang ing mua na ning Ginu; manatili yang makayatiat ing gamat na ban mamarusa.

Isaias 9:17

Inya metung man karing kayanakan a lalaki ala yang paintulutan makaligtas ing Ginu. E ya pakit lunus kenu pa mang mebalung babai at ulila, uling ala lang takut ding sablang tau king Dios, at e la mayap. E mayap ing sablang lulual king asbuk da. Makanyan man, e tuknang ing mua na ning Ginu; manatili yang makayatiat ing gamat na ban mamarusa.

Isaias 9:21

Lusuban de ring memalen na ning Manase at ding memalen na ning Efraim ing metung at metung, at miyabe lang lumusub king Juda. Makanyan man, e mu rin tuknang ing mua na ning Ginu; manatili yang makayatiat ing gamat na ban mamarusa.

Jeremias 21:5

Labanan da ka king mabilug kung sikanan, mua, kasbu, at bigsikan.

Jeremias 27:5

Aku, king kapamilatan na ning maragul kung upaya at sikanan, lelangan ke ing yatu, ding tau, at ding sablang animal a mabibie king yatu, at malyari keng ibie iti king ninumang pilinan ku.

Jeremias 32:21

King kapamilatan da ring milagru at bage pagmulalan a minie takut karing kekaming kalaban, ginamit mu ing kekang upaya at sikanan ban ilako la ding memalen mung Israel karin king Ehipto.

Ezekiel 20:33

Kabang aku, ing Ginung Dios, ing mabie Dios, ini ing pakatandanan yu: uli na ning kanakung mua dirinan da kayung babala king panibalan da kayu king mabayat a gamat at ning sabla kung upaya.

Ding Dapat 13:17

Pinili na la ning Dios da reting Israelita ding kekaming makatua, at gewa na lang marangal a bansa ding kekaming kalahi kanitang atyu la pa antimong dayuan karin Ehipto. Linual na la ning Dios karin Ehipto king kapamilatan na ning maragul nang upaya,

Deuteronomio 11:2

Ganakan yu ngening aldong iti nung nanu ing apagaralan yu king Ginu king kapamilatan da ring sibukan a delanan yung abe na. Ikayu at aliwa ding anak yu ing dinalan kareting sibukan. Ikit yu nung nu ya karagul at kayupaya ing Dios.

Deuteronomio 15:15

E yu sa kakalinguan king meging ipus kayu naman karin king Ehipto, oneng gewa na kayung malaya ning Ginung kekayung Dios. Iti ing sangkan nung inya babie ke iting kautusan.

Deuteronomio 26:8

Linigtas na kami ibat Ehipto king kapamilatan na ning upaya na, ning bage makapangilabut, at dapat a pagmumulalan.

Deuteronomio 4:23

Mu pin, mingat kayu, pota kalinguan ye ing kasunduan a gewa na kekayu ning Ginung kekayung Dios o makagawa kayung larawan at kaybat samban ye. Iti babawal na ning Ginung kekayung Dios.

Deuteronomio 4:34

Atin na waring metung mu mang dios a migkapilit ilual na la ding memalen nang atyu libutad ning aliwang bansa king kapamilatan na ning pagsubuk, tanda, gera, at bage pagmumulalan a anti ing ikit yung depat ning Ginung kekayung Dios karin king Ehipto?

Deuteronomio 5:15

E yu sa kakalinguan king meging ipus kayu naman king Ehipto at aku, ing Ginung kekong Dios, linigtas da kayu karin king kapamilatan na ning kanakung upaya at sikanan. Inya inutus ku king ipangiling ye ing Aldo ning Sabbath.

Deuteronomio 6:12

mingat kayu pota akalinguan ye ing Ginung migligtas at milual kekayu king pangayalipan karin king Ehipto.

Deuteronomio 7:19

E yu la kakalinguan detang makapangilabut a pesti a peparala na at detang bage makapagmulala a depat na bayu na kayu liwal karin. Makanyan munaman ing daptan na ning Ginung kekayung Dios kareting taung katakutan yu.

Deuteronomio 7:8

Oneng tune kaluguran na kayu ning Ginu at buri na ing tuparan na itang pangaku a binie na karing makatua yu. Inya linigtas na kayu at leko king pangayalipan yu king ari na ning Ehipto king kapamilatan na ning upaya na.

Deuteronomio 9:29

Maygit king sabla, bandi mu la at pinili deting tau at liwal mu la king Ehipto king kapamilatan na ning kekang upaya at makapagmulalang dapat.