Exodo 6:2 - Ing Mayap a Balita Biblia

² Migsalita ya ing Dios kang Moises. Ngana, Aku ing Ginu.

Exodo 6:2 Iomraidhean Croise

Genesis 15:7

Kanita sinabi na, Abram, aku ing Ginu a kinangwa keka ibat Ur da ring Caldeo ban ibie keka iting gabun a iti bilang bandi mu.

Exodo 12:12

King benging ita, lumabas ku king mabilug a Ehipto; paten ku la ding sablang anak dang pangane lalaki ding tau at animal; pagpa ku ing parusa karing dios na ning Ehipto. Aku ing Ginu.

Exodo 14:18

Potang sambutan ku na la den, akilala da ring tau Ehipto king aku ing Ginu.

Exodo 15:3

Mengari yang gerero ing Ginu, Ginu ing lagyu na.

Exodo 17:1

Meko ya ing mabilug a balen na ning Israel keta king disyerto ning Sin, at miglipat-lipat ya karing miyayaliwang lugal agpang ketang yuyutus na ning Ginu. Migkampu la karin Refidim, oneng alang danum a ainum da karin.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 3:14

Ngana ning Dios kang Moises, Aku ing Aku. At ngana pa ning Dios, Sabian mu karela ini: Ing ausan dang i Aku tinubud na ku kekayu.

Exodo 3:15

Sabian mu karing memalen ning Israel king aku, ing Ginu, ing Dios ding makatua da, ing Dios nang Abraham, Isaac, at Jacob ya ing mitubud keka karela. Iti ing lagyu ku king kapilan pa man; iti ya ing yaus dang lagyu kanaku ding sablang lahi king kapilan pa man.

Exodo 6:29

Ngana, Aku ing Ginu. Sabian mu king ari ning Ehipto ing sablang sabian ku keka.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 6:8

Idala da kayu king gabun a tapat kung pengakung ibie kang Abraham, Isaac, at Jacob. Ibie ke kekayu iting gabun at maging bandi ye. Aku ing Ginu.

Isaias 42:8

Aku, ing Ginu, iti ya ing lagyu ku. Alang aliwang dios a malyaring makirake king kakung ligaya; e ku paintulut karing idolo ing makirake la king kakung kapurian.

Isaias 43:11

Aku mung bukud ing Ginu; alang makapagligtas kekayu nung aliwa mu aku.

Isaias 43:15

Aku ing Ginu, ing kekong banal a Dios. Lelangan da ka Israel, at aku ing kekang ari.

Isaias 44:6

Ing Ginung sasakup at mimingat king Israel, ing Ginung Mayupaya, sasabian na, Aku ing mumuna, ing tauli, ing bukud mung Dios, ala nang aliwang dios subali kaku.

Jeremias 9:24

Nung ing ninuman bisa yang magmayabang, ing sukat nang pagmayabang ya ing keyang beluan at aintindian tungkul kaku, uling ing lugud ku e kukupas at ing mayap at matulid ya ing kakung daraptan. Ila deti ring bage a makaibie tula kaku. Aku, ing Ginu, ing migsalita.

Ezekiel 20:5

Sabian mu karela ing sasabian ku. Minie kung pangaku karela kanitang pinili ke ing Israel. Pepakilala ku ing sarili ku karela karin king Ehipto at sinabi ku karela: Aku ing Ginung kekayung Dios.

Malakias 3:6

Aku ing Ginu at e ku mibabayu. Inya ikayung lahi nang Jacob e kayu pa lubus megisan.