Exodo 5:9 - Ing Mayap a Balita Biblia

⁹ Dagdagan yu pa ing obra da at e yu la paintulutan makapagpaynawa ban kanita e la mika panaun makiramdam king nanu pa mang kalaraman.

Exodo 5:9 Iomraidhean Croise

2 Ari 18:20

Isipan mu galang king ding amanu malyari dang sambutan ing gelingan at ing dakal a bilang da ring sundalos? Ninu ing panaligan mung sumaup keka laban kanaku?

Job 16:3

Ala na waring kayangganan ing pamagsalita yung kayabangan? Nanu naman ing sangkan ba't e ko tutuknang makibat?

Exodo 5:10

Inya ding tau Ehipto a manibala karing ipus ampon ding Israelita a peka kapatas da linual la at ngara karela, Pasabi na ning ari king e ra na kayu dinan pang are.

Exodo 5:8

Oneng e yu la babawasan a bilang ding laryu a sukat dang ayari. Matamad la mu inya e ra ku patugutan pakisabian ban paintulutan ku lang mako at miyain ain-sakripisyu king Dios da!

Jeremias 43:2

Kanita i Azaria a anak nang Hosaias at i Joanan a anak nang Karea at ding aliwa pang masias a buntuk a tau, sinabi da kanaku, Malaram ka. E na ka tinubud ning Ginung kekaming Dios ban sabian mu kekami king e ke pupunta at manuknangan king Ehipto.

Zacarias 1:6

King kapamilatan da ring propetang kanakung talasuyu, pepayabut ku la karing kekayung makatua ding kanakung kautusan at babala, oneng e ra la pinsinan. Uli na niti, misakitan la. Kanita la pa mu sinisi at kilalanan king aku, ing Ginung Mayupaya, perusan ku la agpang ketang karapatdapat karela at ketang inari ku na king lub ku.

Malakias 3:14

Sinabi yu, Alang kwenta ing susuyu king Dios. Nanung kwenta na ning pamamintu tamu king sasabian na o ing pamagkapilit tamung ipakit king Ginung Mayupaya king malungkut tamu king e ustung depat tamu

Efeso 5:6

E kayu paipirait kenuman king kapamilatan na ning mangasanting dang amanu, uling king dapat a anti kaniti karin ya mimimua ing Dios karing taung e mamintu keya.