Exodo 5:6 - Ing Mayap a Balita Biblia

⁶ King aldo mu ring ita inutus na ning ari karing tau Ehipto a manibala karing ipus at karing kapatas a Israelita ing anti kaniti:

Exodo 5:6 Iomraidhean Croise

2 Cronica 26:11

Dakal la ding sundalus na a sane at makasadia king pamakilaban, agpang king karelang grupu a binilang da ri Jeiel, ing kalihim, at i Maaseia, ing opisyal a atyu lalam nang upayang Hanania, ing metung karing pagkatiwalan na ning ari.

Exodo 1:11

Inya mibili lang kapatas karing Israelita ban pasakitan da la king kapamilatan na ning mabayat a obra. Makanyan lang mengapuersa ding Israelita king pamitalakad karing siudad ning Pitom at Rameses a pipagponduan nang kabiayan at kagamitan ning ari.

Exodo 3:7

Kanita ngana ning Ginu, Ikit ku nung makananu lang mipasakitan ding memalen kung Israelita karin Ehipto; dimdam ku ing saingsing da king gamat da ring babie kasakitan karela at balu ku ing kasakitan a daralanan da.

Exodo 5:10

Inya ding tau Ehipto a manibala karing ipus ampon ding Israelita a peka kapatas da linual la at ngara karela, Pasabi na ning ari king e ra na kayu dinan pang are.

Exodo 5:19

Ikit da ring kapatas a Israelita ing masakit dang kabilian inyang dimdam dang kailangan lang palto laryu a kasing dakal da ring sadia rang gagawan.

Exodo 5:7

Tuknang na kayung babie are karing taung mangawang laryu; paburen yu lang manintun dili ra.

Ding Kasebian 12:10

Ingatan na la ning taung mayap ding sese nang animal, oneng ing taung e mayap keya lang panasakitan.

Ding Bilang 11:16

Ngana ning Ginu kang Moises, Pamili mu kung pitung pulung lalaki karing makatua ning Israel a balu mung kikilalanan dang manimuna at gagalangan da ring tau. Kaybat ituki mu la karin king Toldang tuknangan ku.

Deuteronomio 1:15

Inya kinua ku la ding biasang manimuna da ring kekong tribu a makaintindi at ating agyu ban maging talapanimuna yu. Ila ding maging manimuna karing tia libu-libu, karing tia dinalan, karing tia limang pulu, at karing tia pulung tau. Mibili ku munamang pamuntuk king balang tribu.

Deuteronomio 16:18

Mamili kayung ukum at aliwa pang pamuntuk karing balang balen a ibie na kekayu ning Ginung kekayung Dios. Ila ding munie atul a alang pamangabiran karing memalen.

Josue 24:1

Tinipun na lang Josue karin Sikem ding sablang tribu na ning Israel. Inaus na la ding makatua, ding manimuna, ding ukum, at ding opisyal ning Israel, at minta la king arapan na ning Dios.

Josue 24:4

at binie ke kang Isaac i Jacob at Esau. Binie ke kang Esau ing bulubundukan ning Edom bilang bandi na, pero ing makatua yung i Jacob at ding anak na dinulung la Ehipto.

Josue 8:33

Ding sablang Israelita, ding karelang makatua, ding pamuntuk, at ukum, antimu rin ding dayuan a kayabe ra, tinalakad la mingatba na ning Kaban ning Kasunduan ning Ginu, arapan da la ring paring Levita a magdala king Kaban. Makatalakad la ding kapitna karing tau; gugulutan de ing Bunduk ning Gerizim. Makatalakad la ding kapitna at gugulutan da ne man ing Bunduk ning Ebal. Makanyan ing inutus na karelang Moises, ing talasuyu ning Ginu, potang datang na ing oras ning pamananggap da king bendisyun.