Exodo 5:22 - Ing Mayap a Balita Biblia

²² Pasibayu yang linapit i Moises king Ginu at ngana, Ginu, obat paburen yu lang misasakitan ding taung pinili yu? Obat tiburan yu ku pa karela?

Exodo 5:22 Iomraidhean Croise

1 Ari 19:10

Nganang mekibat, Mangatmu kung katapatan keka, O Ginung Dios a Mayupaya. E re tiparan ding memalen ning Israel ing kasunduan a gewa mu karela, lesak da la ring altar mu, at pete ding propeta mu king kapamilatan na ning espada. Aku na mu ing mitagan at panintunan da ku pa ban paten.

1 Ari 19:4

at linakad yang dili na kilub ning metung a aldo pamaglakbe papunta king ilang. Tinuknang ya at linukluk lalam ning tanaman a retama at buri na ing mate ne sana. Nganang menalangin, O Ginu, mapagal na ku; kuanan mu na ing bie ku, mas mayap pa ing mete na ku!

Ding Dalit 73:25

Ninu mo ing asahan ku banua nung e mu ika? At keti king yatu neng kayabe da ka ala na kung aliwang panintunan pa.

Exodo 17:4

Inya nganang menalangin taimtim Moises king Ginu, Nanu ing daptan ku karing taung deni? Buri da na kung pamasibasan.

Jeremias 12:1

Ginu, nung makipagmatulid ku keka tungkul king kakung kasu, mayakit king ika ing maki matulid. Makanyan man buri da ka pang pangutnan tungkul king hustisia. Baket mipapala la ding taung makasalanan? Baket magtagumpe la ding taung e tapat?

Jeremias 20:7

Ginu, lininlang mu ku, at melinlang na ku man. Mas masikan ka kesa kaku, at adaig mu ku. Pagsisti da ku ding sabla; kaylian da ku kilub ning patingapun.

Jeremias 4:10

Kanita, sinabi ku, O Ginung Dios, tune mu lang alinlang ding memalen ning Jerusalem! Sinabi mung mika kapayapan, oneng makaumang ya ing espada karela.

Habakuk 2:3

Isulat mu uling e pa miras ing panaun para mipatutuan iti. Oneng mabilis neng daratang ing panaun ban ing papakit ku keka mipaltutu. Balamu mabagal ing paniatang na, oneng panayan me, siguradung marapat; e ya mayantala.

Ding Bilang 11:11

Inya kitang na king Ginu, Obat sinubu yu ku kaniting maragul a pakibatan karing tau? Nanu waring kasalanan ku ba't kakanianan yu ku?

Josue 7:7

At nganang Josue, O Ginung Dios, obat delakit mu ke pa sumangid na ning Ilug ning Jordan? Ban paburen mu kaming manabu karing Amoreo? Ban mapuksa kame? Ba't e na kami mu menatili lipat na ning Jordan?

1 Samuel 30:6

Meligalig yang e mu nanu i David; buri deng pamasibasan batu ding tauan na uling tutu rang penamdaman ing pangabihag da ring karelang anak a lalaki at babai. Oneng pesiknangan ne ning Ginung Dios na.