Exodo 5:19 - Ing Mayap a Balita Biblia

¹⁹ Ikit da ring kapatas a Israelita ing masakit dang kabilian inyang dimdam dang kailangan lang palto laryu a kasing dakal da ring sadia rang gagawan.

Exodo 5:19 Iomraidhean Croise

Exodo 5:18

Sulung, magbalik kayu king obra yu! E kayu mirinan nanumang are, oneng palto yu la't palto ding laryu a kasing dakal da ring sadia yung gagawan.

Exodo 5:20

Inyang likuan da ne ing ari, asaganan de i Moises at i Aaron a manenaya karela.

Exodo 5:8

Oneng e yu la babawasan a bilang ding laryu a sukat dang ayari. Matamad la mu inya e ra ku patugutan pakisabian ban paintulutan ku lang mako at miyain ain-sakripisyu king Dios da!

Ecclesiastes 4:1

Ikit ku munaman king alang hustisia keti king yatu. Kikiak la ding megipit at ala mang bisang sumaup karela uling mayupaya la detang menggipit karela!

Ecclesiastes 5:8

E ka sa mabibigla nung akit mu king metung a probinsia ing pamanabusu karing kalulu at ing alang hustisia ampon katuliran. Uling ing matas a pamuntuk pagdipensa ne ning mas matas a katungkulan keting tau, at ating mas matas a katungkulan a magdipensa karela.

Deuteronomio 32:36

Iligtas na la ning Ginu ding taung pinili na; karetang susuyu malunus ya potang mewala na ing sikanan da, at karela ala nang makatagan, malaya o ipus man.