Exodo 5:1 - Ing Mayap a Balita Biblia

¹ Kaybat na nita, minta ya i Moises at i Aaron king ari ning Ehipto. Ngara, Ing Ginu, ing Dios ning Israel, pasabi na keka ing paintulutan mu lang mako ding memalen na ban malyari lang magpiesta king disyerto bilang parangal king Dios.

Exodo 5:1 Iomraidhean Croise

1 Ari 21:20

Inyang ikit neng Ahab i Elias, sinabi na, A, atyu ne naman ing kakung kalaban! Ngana namang mekibat Elias, Wa, ikit da ka uling migbabad ka king dapat a e mayap king akakit na ning Ginu.

Ding Dalit 119:46

Karing ari kaku lang sabian ding kekang kautusan, at iti e ku pikarine dit' man.

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Exodo 10:4

Nung e ka pa mu rin mabisa, paratang kung durun bukas king kayarian mu.

Exodo 10:9

Mekibat ya i Moises, Ikami ngan at pati na ding anak mi ampon ding makatua mi. Ituki mi la ding anak mi, ding kekaming tupa, kambing, at ding kekaming baka, uling kailangan kaming magpiesta ban parangalan ya ing Ginu.

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Exodo 33:13

Nung tutu pin king matutula kayu kanaku, sabian yu kanaku ing babalakan yu ban asuyuan da kayu at asundu ra kayung pamatulan. Ganakan yu naman king iting bansa ya ing pinili yung maging sarili yung bandi.

Exodo 4:23

Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Exodo 6:11

Sulung, sabian mu king ari ning Ehipto king paintulutan na lang mako ding Israelita king kayarian na.

Exodo 6:27

Ila naman ding sinabi king ari ning Ehipto king palakuan na na la Ehipto ding Israelita.

Exodo 7:16

Anti kaniti ing sabian mu king ari, Ing Ginu, ing Dios ding Hebreo, tiburan na ku ban sabian ku keka king paburen mu na lang mako ding memalen na ban makasamba la king Dios keta king disyerto. Oneng angga ngeni e ka pa bisang makiramdam.

Exodo 7:2

Sabian mu kang Aaron ing sablang yutus ku keka, at ya ing sumabi king ari king paintulutan na na lang mako ding Israelita king sasakupan na.

Exodo 8:1

Kanita ngana ning Ginu kang Moises, Puntalan meng pasibayu ing ari at sabian mu king pasabi na ning Ginu ing anti kaniti: Paburen mu na lang mako ding memalen ku ban makasamba la kanaku.

Exodo 8:16

Ngana ning Ginu kang Moises, Sabian mu kang Aaron king ibarug ne king gabun ing tukud na at maging niknik ing alikabuk king mabilug a Ehipto.

Exodo 8:17

Inya berug neng Aaron king gabun ing tukud na, at meging niknik ing heganaganang alikabuk ning Ehipto, at digpanan da la ngan ding tau ampon ding animal.

Exodo 8:20

Ngana ning Ginu kang Moises, Makikit ka bukas abak a maranun king ari potang dulung ya king ilug at sabian mu king ing Ginu pasabi na ing anti kaniti: Paburen mu na lang mako ding memalen ku ban makasamba la kanaku.

Exodo 8:27

Kailangan ing maglakad keng atlung aldo libutad ning disyerto ban makayain kaming ain-sakripisyu king Ginung kekaming Dios, antimo nung makananu nang inutus kekami.

Exodo 9:1

Ngana ning Ginu kang Moises, Munta ka king ari at sabian mu king ing Ginu, ing Dios ding Hebreo, pasabi na ing anti kaniti: Paburen mu na lang mako ding taung pinili ku ban makasamba la kanaku.

Exodo 9:2

Nung pasibayu mu lang e paintulutan,

Isaias 25:6

Keting Bunduk ning Zion magsadia yang dakal a pamangan at inuman ing Ginung Mayupaya para karing sablang bansa keti king yatu. Maniaman a pamangan at mangamal diling alak ing pepasadia na.

Ezekiel 2:6

Oneng ika, anak ning tau, e ka sukat mitatakutan karela o king nanu pa mang sabian da. Salangsang la keka at insultuan da ka; anti kang manuknangan libutad da ring alakdan king pamakiabe mu karela. Makanyan man, e ka tatakut kareting mag-rebeldi o king nanumang bage sabian da keka.

Mateo 10:18

Ikaladkad da kayung iyarap karing gobernador at karing ari king uli ku ban ihayag yu karela at karing paganu ing Mayap a Balita.

Mateo 10:28

E yu la pitatakutan ding makapate king katawan, oneng ali ra ne man ing kaladua; nune ing sukat yung pitakutan ya ing Dios a makapamarusa king kaladua at katawan king impierno.

Ding Dapat 4:29

Ngeni, O Ginu, pansinan mu ing babala ra kekami at saupan mu kami, ikaming talasuyu mu ban asabi ming mitmung tetagan a lub ing kekang amanu.

1 Corinto 5:8

Inya, pagselebran ta ya ing kekatamung Pamaglagpus e king tinape a atin matuang lebadura, ing lebadura na ning pamikasala at imoralidad, nune king tinape a alang lebadura, ing tinape na ning kalinisan at katapatan.