Exodo 40:3 - Ing Mayap a Balita Biblia

³ Ibili me kilub na ing Kaban ning Kasunduan a datukanan karing Apulung Utus at pampanan me king tabing.

Exodo 40:3 Iomraidhean Croise

1 Cronica 17:5

E ku pa menuknangan king metung a bale manibat na kanitang linual ke ing Israel king Ehipto; menuknangan ku king tolda a pilipat-lipat da karing miyayaliwang lugal.

Exodo 25:10

Gawa kayung metung a Kaban king dutung a akasia; apat apulu't limang pulgada ya king kaba, aduang pulu't pitu ya pulgada king lapad, at aduang pulu't pitu ya pulgada king katas.

Exodo 25:22

Karin da ka pakikitan at karin king babo na ning takap, pilatan da ring aduang kerubin, ibie ku la keka ding sablang kautusan ku para karing memalen na ning Israel.

Exodo 26:31

Gawa kayung tabing king telang purpura a kule asul, muradu, at malutu; paburda meng ating kerubin.

Exodo 31:7

Ila ding gawa king Toldang tuknangan ku, king Kaban ning Kasunduan at ing takap na, ding sablang kasangkapan ning Tolda,

Exodo 35:12

ing Kaban ning Kasunduan at ding tambayuk na, ing Luklukan ning Lunus, at ing tabing na;

Exodo 35:4

Nganang Moises karing sablang memalen na ning Israel, Oyni ing inutus na ning Ginu:

Exodo 39:32

Makanyan meyari ing sablang obra king Toldang tuknangan ning Ginu. Gewa ra ngan ding Israelita ing sablang sukat magawa, agpang king inutus na ning Ginu kang Moises.

Levitico 16:14

Kuma yang ditak king daya na ning toro at king kapamilatan na ning taliri na ipisik na king tulid ning takap, at kaybat ipisik na namang pitung besis ing daya king arap na ning Kaban ning Kasunduan.

Ding Bilang 4:5

Potang oras na ban lumipat king aliwang lugal, i Aaron at ding anak nang lalaki ila ring lungub king Tolda ban kalag king tabing arap ning Kaban ning Kasunduan at takpan de ing Kaban kaniting tabing.

Hebreo 9:3

Ing kaduang dake a atyu king kagulutan na ning kaduang tabing ya itang ausan dang Kabanal-banalan a Lugal.

Kapahayagan 11:19

Kanita mibuklat ya ing Templo ning Dios karin banua at ikit ke ing Kaban ning Kasunduan na. Sinalisi ing kildap, duldul, ing masikan a alingongo, ing ayun, at minuran dakal a yelu.