Exodo 4:8 - Ing Mayap a Balita Biblia

⁸ Nganang sinabi ning Dios, Nung e la bisang maniwala keka king mumunang bage pagmumulalan a gawan mu, mapalyaring maniwala na la king kadua.

Exodo 4:8 Iomraidhean Croise

2 Ari 5:7

Inyang abasa ne ning ari ning Israel ing sulat, ginabak ne ing imalan a susulud na uli ning lungkut at nganang sinabi, Dios ku wari a ating upayang makamate at munie bie? Obat tinubud ne kanaku ining taung sakitan lepra ban uluan ke? Pota galang bisa yang gawang sangkan ban mipate kame?

Job 5:18

Uluan na la ding sigatan na; nung king gamat na menamdaman ka, king gamat na naman mipaldan ka.

Exodo 4:28

Sinabi na ngan Moises kang Aaron ing sablang sinabi na ning Ginu inyang sinabi nang magbalik ne Ehipto. Sinabi na la namang Moises kang Aaron detang bage pagmumulalan a parapat ning Ginu.

Exodo 4:7

Kanita ngana ning Ginu, Ipalub meng pasibayu ing gamat mu king baru mu tulid ning salu mu. Memintu ya i Moises, at inyang ilual neng pasibayu ala ne ing sakit a ketung; kalupa na ne ning sadia.

Exodo 4:9

Nung sakaling e la pa maniwala kareting aduang bage pagmumulalan at e la bisang makiramdam king sasabian mu, kuma kang ditak a danum king Ilug ning Nilo at ibulus mu king gabun. Maging daya ing danum.

Isaias 28:10

Pagnasan nang ituru na katamu letra por letra, gulis por gulis, at lisyun por lisyun.

Juan 12:37

Agyang dakal ing milagrung depat na king akakit da, makanyan man e la meniwala keya.

Deuteronomio 32:39

Akit yu ngeni king Aku, ya pin i Aku, at ala nang dios subali kaku. Makamate ku at babie bie; manyugat ku at pakayap karing sugat, at alang makasabat king kakung gamat.

Ukum 6:17

Mekibat ya i Gideon, Nung metula kayu kanaku, dinan yu kung palatandanan king ikayu pin ing Ginu a kasabi ku.