Exodo 4:5 - Ing Mayap a Balita Biblia

⁵ Ngana ning Ginu, Gawan mu ing anti kanyan ban patunayan mu karing Israelita king ing Ginu, ing Dios ding makatua da, ing Dios nang Abraham, Isaac, at Jacob pepakit ya keka.

Exodo 4:5 Iomraidhean Croise

Genesis 12:7

Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Genesis 18:1

Kabang makalukluk ya i Abraham lele na ning pasbul ning tolda na pepakit ya ing Ginu kang Abraham lele da ring sagradung tanaman ning Mamre. Kapalipalian na ning aldo kanita.

Genesis 26:2

Pepakit ya ing Ginu kang Isaac at ngana, Isaac, e ka pupunta Ehipto nune manatili ka king lugal a ituru ku keka.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 48:15

At binendisyunan ne i Jose at ngana: Bendisyunan na ko sana ning Dios a pemintuan da ring pipumpunan kung di Abraham at Isaac, ing Dios a kakung talataid ibat na kanitang mibait ku angga na king aldong iti.

Genesis 48:3

Kanita nganang Jacob kang Jose, Pepakit ya kanaku ing Dios a Mayupaya karin Luz, king sakup ning Canaan at binendisyunan na ku.

1 Ari 18:36

Inyang miras ing oras ning pamiyain king ain, linapit ya i propeta Elias king altar at ngana, O Ginung Dios nang Abraham, Isaac, at Israel, patunayan mu ngening aldong iti king ika ing Dios king Israel, at king aku ing kekang talasuyu, at king depatan ku ngan iti uling iti utus mu.

2 Cronica 20:20

Migising lang maranun itang kabukasan, at minta la ketang ilang a lugal malapit king Tekoa. Bayu la linakad, inarapan na lang Jeosafat at ngana karela, Memalen na ning Juda at Jerusalem, makiramdam kayu kanaku. Manalig kayu king Ginung kekayung Dios at saupan na kayu. Magtiwala kayu karing propeta na at magtagumpe kayu.

Exodo 19:9

Ngana ning Ginu kang Moises, Datang ku keka libutad na ning makapal a biga ban damdaman da ring tau ing pamakipagsalita ku keka, at maniwala na la keka manibat ngeni. Sinabi nang Moises king Ginu itang pekibat da ring tau,

Exodo 3:15

Sabian mu karing memalen ning Israel king aku, ing Ginu, ing Dios ding makatua da, ing Dios nang Abraham, Isaac, at Jacob ya ing mitubud keka karela. Iti ing lagyu ku king kapilan pa man; iti ya ing yaus dang lagyu kanaku ding sablang lahi king kapilan pa man.

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Exodo 3:4

Inyang ikit na ning Ginu king lalapit ya i Moises, inaus ne ibat king milalablab a tanaman. Ngana, Moises, Moises! Nanu pu? nganang mekibat Moises.

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Exodo 4:1

Kanita nganang mekibat Moises, O nu mo pung e ra ku paniwalan ding Israelita at e la makiramdam king sabian ku karela? Nanu pu ing gawan ku potang sabian da king e ya tutung pepakit kanaku ing Ginu?

Exodo 4:31

Meniwala la ding tau at inyang dimdam da king ing Ginu ya ing dinalo karela at king ikit na ing kasakitan a daralanan da Ehipto, dinuku la ngan at simban de ing Ginu.

Exodo 4:4

Kanita ngana ning Ginu kang Moises, Damputan me king iki ing ubingan. Inya dimput ne king iki at pasibayu yang meging tukud.

Isaias 7:9

Ninu wari ing pangangas na ning Israel? Ing siudad ning Samaria a kabisera nang maina! Ninu naman ing pangangas na ning Samaria? Aliwa mu wari ing mainang i Aring Peka? Nung maina ing kekang kasalpantayanan, maina ka naman.

Jeremias 31:3

pepakit ku karela ibat king marayung lugal. Memalen ning Israel, menatili kung malugud kekayu, inya menatili kung papakit kekayu ing lugud kung e kukupas.

Juan 11:15

Oneng king uli yu matula ku king ala ku karin ban maniwala kayu. Tara, puntalan ta ya.

Juan 11:42

Balu ku king pakiramdaman mu ku kapilan man, oneng sinabi ku iti king uli da ring taung atyu keti ba lang maniwala king ika ing mitubud kanaku.

Juan 20:27

At saka na sinabi kang Tomas, Lawen mu la deng gamat ku at itagkil me keni ing taliri mu. Dala me keni ing gamat mu at itagkil me king katalindikingan ku. E na ka magalinlangan, maniwala na ka!

Juan 20:31

Misulat la ding atyu keting libru ban maniwala kayu king i Jesus ya ing Cristo, ing Anak ning Dios at king pamaniwala yu mika bie kayu king kapamilatan na.

Juan 5:36

Ating pamipatutu tungkul kanaku a maygit king pamipatutu nang Juan: ila pin ding dapat a parapat na ning Ibpa kanaku a kanaku namang daraptan. Ila deti ring patutu kanaku king ing Ibpa ya ing mitubud kanaku.

Ding Dapat 7:2

Nganang mekibat Esteban, Mangatua ku at kapatad! Pakiramdaman yu sa ining sabian ku! Ing Dios a panibatan na ning ligaya pepakit ya king makatua tamung i Abraham kanitang iting penibatan tamu kasalukuyan na pang manuknangan karin Mesopotamia; kanitang bayu ya linipat karin Haran,

Hebreo 11:16

Oneng ali, ing panintunan da metung yang bansa a lakuas mayap at iti ya ing bansa dang maligaya karin banua. Inya e na pikarine ning Dios ing ausan deng Dios da, uling atin yang sasadiang metung a siudad para karela.