Exodo 4:23 - Ing Mayap a Balita Biblia

²³ Sinabi ku na keka king paintulutan meng mako ing anak ku ban kanita asamban na ku, oneng e ka mebisa. Ngeni paten ke ing anak mung lalaking pangane.

Exodo 4:23 Iomraidhean Croise

Ding Dalit 105:36

Ding pangane rang lalaki king bansang ita pete na la, ding sablang mumunang anak king balang pamilya.

Ding Dalit 135:8

Karin Ehipto sablang pangane pete na la anak a pangane ding tau at sese dang animal.

Ding Dalit 136:10

Pete na la king Ehipto ding sablang pangane; uling ing lugud na alang angga.

Ding Dalit 78:51

Ding pangane karin Ehipto pete na la ngan, ding sablang pangane ibat king lahi nang Ham.

Exodo 10:3

Inya minta lang pasibayu king ari di Moises at Aaron. Ngara king ari, Ing Ginu, ing Dios ding Hebreo, sasabian na, Angga kaya kapilan ing e ka bisang pailalam king kaburian ku? Paburen mu na lang mako ding taung pinili ku ban makasamba la kanaku.

Exodo 10:4

Nung e ka pa mu rin mabisa, paratang kung durun bukas king kayarian mu.

Exodo 11:5

at mate ya ing balang anak a lalaking pangane keti Ehipto manibat king pangane nang lalaki ning ari a talapagmana na ning tronu na angga king anak ning babaing ipus a gigiling trigu. Mate la naman ding pangane ra ding sablang baka.

Exodo 12:29

Inyang kapitangan nang bengi, pete na la ngan ning Ginu ding lalaking pangane king Ehipto, manibat king pangane talapagmana na ning ari angga na king pangane ning taung makasukul king bartolina at pati ding pangane da ring sablang animal.

Exodo 13:15

Kanitang pepakit yang kesiasan a pusu ing ari ning Ehipto at e ya mebisang palakuan na katamu, pete na la ning Ginu ding balang pangane lalaki king kayarian na ning Ehiptotau at animal. Ita ing sangkan nung inya yayain ta ya ing balang anak a pangane lalaki para king Ginu, oneng atbusan lang pasibayu ding anak a lalaking pangane.

Exodo 18:8

Sinabi nang Moises kang Jetro ing sablang depatan na ning Ginu king ari, at karing memalen na ning Ehipto ban iligtas na la ring Israelita. Belita na naman ing kasakitan a pekiarapan da kabang dalan at nung makananu na lang linigtas ning Ginu.

Exodo 3:18

Makiramdam la ding memalen ku king sabian mu karela. Kaybat na nita, ika at ding manimuna ning Israel puntalan ye ing ari ning Ehipto at sabian yu ing anti kanini: Ing Ginu, ing Dios ding Hebreo, pepakit ya kekami. Ngeni ipakisabi ming mayap king paintulutan yu kami sanang maglakbe atlung aldo king disyerto ban makaibie kaming ain-sakripisyu king Ginung kekaming Dios!

Exodo 5:1

Kaybat na nita, minta ya i Moises at i Aaron king ari ning Ehipto. Ngara, Ing Ginu, ing Dios ning Israel, pasabi na keka ing paintulutan mu lang mako ding memalen na ban malyari lang magpiesta king disyerto bilang parangal king Dios.

Exodo 6:11

Sulung, sabian mu king ari ning Ehipto king paintulutan na lang mako ding Israelita king kayarian na.

Exodo 7:16

Anti kaniti ing sabian mu king ari, Ing Ginu, ing Dios ding Hebreo, tiburan na ku ban sabian ku keka king paburen mu na lang mako ding memalen na ban makasamba la king Dios keta king disyerto. Oneng angga ngeni e ka pa bisang makiramdam.

Exodo 8:1

Kanita ngana ning Ginu kang Moises, Puntalan meng pasibayu ing ari at sabian mu king pasabi na ning Ginu ing anti kaniti: Paburen mu na lang mako ding memalen ku ban makasamba la kanaku.

Exodo 8:16

Ngana ning Ginu kang Moises, Sabian mu kang Aaron king ibarug ne king gabun ing tukud na at maging niknik ing alikabuk king mabilug a Ehipto.

Exodo 8:17

Inya berug neng Aaron king gabun ing tukud na, at meging niknik ing heganaganang alikabuk ning Ehipto, at digpanan da la ngan ding tau ampon ding animal.

Exodo 8:20

Ngana ning Ginu kang Moises, Makikit ka bukas abak a maranun king ari potang dulung ya king ilug at sabian mu king ing Ginu pasabi na ing anti kaniti: Paburen mu na lang mako ding memalen ku ban makasamba la kanaku.

Exodo 9:1

Ngana ning Ginu kang Moises, Munta ka king ari at sabian mu king ing Ginu, ing Dios ding Hebreo, pasabi na ing anti kaniti: Paburen mu na lang mako ding taung pinili ku ban makasamba la kanaku.

Exodo 9:13

Kanita ngana ning Ginu kang Moises, Bukas abak a maranun pakikitan me misan pa ing ari. Sabian mu king ing Ginu, ing Dios ding Hebreo, pasabi na ing anti kaniti: Paburen mu na lang mako ding taung pinili ku ban makasamba la kanaku.

Exodo 9:2

Nung pasibayu mu lang e paintulutan,

Hosea 11:1

Nganang sasabi ning Ginu, Liguran ke ing Israel kanitang anak ya pang malati, at manibat king Ehipto inaus ku neng anak ku.