Exodo 4:22 - Ing Mayap a Balita Biblia

²² Kanita sabian mu king ari king aku, ing Ginu, sasabian ku, Ing Israel ya ing anak kung pangane.

Exodo 4:22 Iomraidhean Croise

Ding Dalit 89:27

Aku naman ibilang keng anak a pangane ku, ya ing mayupayang diling ari ning yatu.

Exodo 6:11

Sulung, sabian mu king ari ning Ehipto king paintulutan na lang mako ding Israelita king kayarian na.

Exodo 7:16

Anti kaniti ing sabian mu king ari, Ing Ginu, ing Dios ding Hebreo, tiburan na ku ban sabian ku keka king paburen mu na lang mako ding memalen na ban makasamba la king Dios keta king disyerto. Oneng angga ngeni e ka pa bisang makiramdam.

Isaias 63:16

Ika ing kekaming tatang. E ra ke kikilalanan agyang di Abraham at Jacob a makatua mi, oneng ika, Ginu, ing kekaming tatang, e mu ke tiknangan liligtas.

Isaias 64:8

Oneng ika, Ginu, ing kekaming tatang. Mengari kaming pila at ika ing miyuyubug kekami. Ika ing linalang kekami,

Jeremias 2:14

E ya ipus ing Israel; e ya mibait king panga-ipus. Obat ngeni panintunan de ring kalaban na?

Jeremias 31:9

Kikiak lang datang ding taung kakung memalen; manalangin la kabang kaku lang tatairan. Tairan ku la karing sibul ning danum, karing patag a dalan, at e la misakab. Uling anti kung tata para king Israel, at ing Efraim ya ing kakung pangane.

Hosea 11:1

Nganang sasabi ning Ginu, Liguran ke ing Israel kanitang anak ya pang malati, at manibat king Ehipto inaus ku neng anak ku.

Malakias 1:6

Nganang sasabi ning Ginung Mayupaya karing pari, Gagalangan ne ning anak ing tata na, at ing ipus ing panginuan na. Aku ing kekayung tata, obat e yu ku gagalangan? Aku ing kekayung panginuan, obat e yu ku gagalangan? Lalapastanganan yu ku, makanyan man kukutang yu kanaku, Makananu da kang lalapastanganan?

Mateo 2:15

Menatili la karin angga king mete ya i Herodes. Makanyan metupad ing amanung sinabi na ning Ginu king kapamilatan ning propeta, Inaus keng lumual ibat Ehipto ing kanakung Anak.

Roma 9:4

Ila ding taung pinili na ning Dios; inampun na la bilang sariling anak na at pepabalu na karela ing kaligayan na; tinatag na la ding kasunduan kayabe ra at binie ne karela ing Kautusan; atyu karela ing tune kapanyamban; tinggap da ing dakal nang pengaku ning Dios;

2 Corinto 6:18

Maging Ibpa yu ku, at maging anak da kayu, ngana ning Ginung Mayupayang tutu.

Deuteronomio 14:1

Ikayu ding anak na ning Ginung Dios. E yu paniugatan ing sarili yu o lalabahasan ding kanuan yu bilang tanda ning kalungkutan yu king mete a pakamalan yu.

Deuteronomio 32:6

Makanyan wari ing ablas yu king Ginu, ikong mangmang at alang isip a tao? Aliwa wari ya ing tata yung linalang kekayu, at ing tata yung matatag migdipensa kekayo?

Hebreo 12:23

Miras kayu king masaya rang pamitipun ding bibilang nang pangane ning Dios a makasulat a lagyu karin banua. Miras kayu king Dios a ukum da ring sablang tau, at miras kayu karing espiritu da ring taung banal a ganap nang mipabanalan.

Santiago 1:18

King sarili nang kaburian beit na katamu king kapamilatan na ning amanu ning katutuan ban itamu ding maging mumunang diling bunga na ning sablang lelangan na.