Exodo 4:15 - Ing Mayap a Balita Biblia

¹⁵ Pakisabian me at sabian mu itang sukat nang sabian. Parehu da kayung saupan magsalita at ituru ku kekayu nung nanu ing sukat yung gawan.

Exodo 4:15 Iomraidhean Croise

2 Samuel 14:3

Kaybat, puntalan me ing ari at sabian mu ing sabian ku keka. At sinabi nang Joab itang sukat nang sabian ning babai king ari.

Ding Dalit 25:12

Ing ninuman king Ginu tatakut at gagalang, abalu re ing dalan a sukat dang dalanan.

Ding Dalit 51:15

O Ginu, saupan mu kung magsalita at ikanta ku ing kapurian keka.

Exodo 3:12

Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Exodo 4:12

Sulung, lumakad na ka! Saupan da kang magsalita at ituru ku keka nung nanu ing sukat mung sabian.

Exodo 4:28

Sinabi na ngan Moises kang Aaron ing sablang sinabi na ning Ginu inyang sinabi nang magbalik ne Ehipto. Sinabi na la namang Moises kang Aaron detang bage pagmumulalan a parapat ning Ginu.

Exodo 4:30

Sinabi nang Aaron karela ing sablang sinabi na ning Ginu kang Moises at kaybat gewa na lang Moises detang sablang bage pagmumulalan king akakit da ring tau.

Isaias 51:16

Lidlad ke ing banua, at binili ding pundasyun ning yatu. Ngaku king Jerusalem, Ika ing balen a pinili ku! Binie ku la keka ding amanu ku, at ingatan da ka karing gamat ku.

Isaias 59:21

At gawa kung kasunduan kekayu: binie ku kekayu ing upaya ku at ding turu ku ban maging kekayu la king kapilan pa man. At pamintuan yu la manibat ngeni at ituru karing anak yu at karing lahi yu ban mamintu kanaku king kapilan pa man.

Jeremias 1:9

Kanita, inatiat ne ning Ginu ing gamat na; tigkil na la ding labi ku at ngana kanaku, Makiramdam ka. Ibabie ku la keka ding amanung sukat mung sabian.

Jeremias 36:32

Kanita kinangwa kung aliwang lulun at binie ke kang Baruk a kalihim ku. At sinulat na ing sablang pepasulat ku. Sinulat na ing sablang misulat na king minunang lulun at ing aliwa pang mensahing pepasulat ku kang Baruk.

Ding Bilang 16:28

Nganang Moises karing memalen, Abalu yu ngeni king tinubud na ku ning Ginu ban daptan ku la deting bage at iti e king sarili kung kaburian.

Ding Bilang 22:38

Nganang mekibat Balaam, Oyni, atyu na ku arapan mu, oneng ala kung upayang magsalita subali mu ketang pasabi na kanaku ning Dios.

Ding Bilang 23:12

Nganang Balaam, Ala kung akarapat nung e mu ing sabian ku itang pasabi na ning Ginu.

Ding Bilang 23:16

Pekitagpuan ne ning Ginu i Balaam at sinabi na nung nanu ing sukat nang sabian. Kaybat ngana, Magbalik na ka at sabian mu kang Balak itang pasabi ku.

Ding Bilang 23:5

Atin yang sinabi ing Ginu kang Balaam. Ngana, Balikan mu ne i Balak at sabian mu itang pasabi ku.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Lucas 21:15

uling dinan da kayung amanu at kabiasnan a e na agyung labanan o tutulan ning ninuman karing kekayung kalaban.

1 Corinto 11:23

Uling ing turu a binie ku kekayu tinggap ku naman king Ginu: king ing Ginung Jesus, kanitang benging mipagtaksilan ya, kinua ne ing tinape,

1 Corinto 15:1

Kapatad, ngeni buri kung ipaganaka kekayu ing Mayap a Balita a penaral ku kekayu a kekayu namang tinggap, at ngeni katatalakaran nang matibe ning kasalpantayanan yu.

Deuteronomio 18:18

Mitubud kung propetang kalupa mu a manibatan karing mismung kalahi ra. Sabian ku itang buri kung sabian na at ipayabut na karing tau itang sablang iyutus ku.

Deuteronomio 5:31

Oneng ika malakuan ka keti at sabian ku la ngan keka ding kautusan ku at ding tuntunan. Ituru mu la deti karela ban maging tuntunan da la king gabun a ibie ku karela a maging bandi ra.

1 Samuel 16:3

Kumbiran me i Jese king ain-sakripisyung iyain mu at ituru ku ing daptan mu. Lanian me bilang ari itang ituru ku keka.