Exodo 4:13 - Ing Mayap a Balita Biblia

¹³ Nganang tinutul Moises, Ginu, nung malyari pu sana mitubud na kayu mung aliwa.

Exodo 4:13 Iomraidhean Croise

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Genesis 41:35

Patipun yu karela ing sablang pupul kabang labis-labis ing kabiayan, at dinan yu lang upayang tumipun king pupul at ikamalig karing siudad at saka ra ingatan.

Genesis 48:16

Bendisyunan no sana ning anghel a mikabus kanaku king heganaganang e mayap ding anak a reti; karela ya sana manatili ing lagyu ku antimu rin ing lagyu ra di Abraham at Isaac a kanakung pipumpunan, dakal la sana ding ayanak da keti king yatu.

1 Ari 19:4

at linakad yang dili na kilub ning metung a aldo pamaglakbe papunta king ilang. Tinuknang ya at linukluk lalam ning tanaman a retama at buri na ing mate ne sana. Nganang menalangin, O Ginu, mapagal na ku; kuanan mu na ing bie ku, mas mayap pa ing mete na ku!

Exodo 23:20

Itubud keng makauna kekayu ing metung a anghel ban ingatan na kayu king pamaglakbe yu, at isadsad ketang lugal a sidia ku para kekayu.

Exodo 4:1

Kanita nganang mekibat Moises, O nu mo pung e ra ku paniwalan ding Israelita at e la makiramdam king sabian ku karela? Nanu pu ing gawan ku potang sabian da king e ya tutung pepakit kanaku ing Ginu?

Exodo 4:12

Sulung, lumakad na ka! Saupan da kang magsalita at ituru ku keka nung nanu ing sukat mung sabian.

Exodo 4:14

Inya mimua ya ing Ginu kang Moises. Ngana, Atyu ne man ing kapatad mung i Aaron a Levita! Balu ku king biasa yang magsalita. King kamatutuanan papunta ne keti ban makikit keka; matula yang akit na ka.

Jeremias 1:6

Pekibat ku, Ginung Dios, e ku biasang magsalita; anak ku pa mu.

Jeremias 20:9

Oneng potang kakung sabian, Kalinguan ku ne ing Ginu, e ku ne banggitan pa ing lagyu na, kanita ing keka namang amanu mengari ya king aping milalablab king libutad ning pusu ku; magalsa kilub dang busbus ding butul ku, mangaina na ku king pamamigil. E ku na bitasang ayaguanta.

Jonas 1:3

Oneng minta ya i Jonas king aliwang lugal ban atakasan ne ing Ginu. Minta ya king Jopa nung nukarin ne disan ing metung a barkung malapit nang mako para munta Tarsis. Binayad na ing pasahi na, at sinake yang kayabe ra ding mamahala king barku ban maglayag munta Tarsis. Isipan nang Jonas king e na ne akit ning Ginu.

Jonas 1:6

Ikit ne ning kapitan ning barku at ngana kang Jonas, Obat atyu ka ken at matudtud? Talakad ka at maniawad kang saup king kekang dios; magkang malunus ya kekatamu at iligtas na katamu.

Mateo 13:41

Itubud na la ning Anak ning Tau ding anghel na, at tipunan da la ngan at simen king Kayarian na ding sablang babie pamikasala karing tau, at ding sablang darapat e mayap,

Juan 6:29

Nganang mekibat Jesus, Iti ya ing parapat na ning Dios: maniwala kayu king tinubud na.

Ukum 2:1

Menibat king Gilgal minta ya ing anghel ning Ginu king Bokim. At ngana karing Israelita, Liwal da kayu manibat Ehipto at dela ra kayu king gabun a pengaku ku karing makatua yu. Sinabi ku, E ke labagan kapilan man ing kasunduan ku kekayu.