Exodo 36:3 - Ing Mayap a Balita Biblia

³ Tinggap da ngan kang Moises ing sablang ambag a inatad da ring Israelita para king pangagawa na ning sagradung Tolda. Sindu ra ding memalen na ning Israel ing magdalang ambag kang Moises balang abak.

Exodo 36:3 Iomraidhean Croise

Ding Dalit 101:8

Aldo-aldo kaku lang paten ding sablang taung e mayap ning kekatang bansa; king siudad ning Ginu kaku la ngan itabi ding taung darapat e mayap.

Ding Dalit 5:3

Neng abak pakiramdaman mu ku; uling keka mamaus ku, at panayan ku ing saup mu.

Exodo 35:27

Minie no mang batung onyx ding makatuang manimuna at miyayaliwang iyas a itampuk king efod at king takap-salu.

Exodo 35:29

Inatad da ring sablang memalen na ning Israel a maki pusung maganaka ing babie da king Ginu para king obrang pagawa na kang Moises.

Exodo 36:2

Inaus ne kanitang Moises i Besalel, i Oholiab, at ding sablang mangagaling a pangamat king obra a dininan nang gelingan ning Ginu at maki pusung malam bisang sumaup; sinabi nang Moises karela king magumpisa na lang magobra.

Exodo 36:4

Inya likuan da ring mangagaling a pangamat ing obra da at minta la kang Moises.

Ding Kasebian 8:15

King uli ku ding ari atyu la king tronu, at pamuntuk patupad dang kautusan a makatuliran.

Isaias 50:4

Tiru na ku ning Ginung Dios nung nanu ing sukat kung sabian ban apasiknangan ku la ding mibabayatnan. Dirinan na kung sikanan balang abak ban itang ituru na kaku kakung pakiramdaman.

Jeremias 21:12

Aku ing Ginu, makiramdam kayu king kanakung sabian. Ing sanang matulid ya ing sikasuan yung marapat aldo-aldo. Labanan yu la ding manggipit, idipensa ye ing ninumang alipitan da. Nung ali, ding e mayap a bage a kekayung daraptan ilang makapasari king mua kung anting aping milalablab at e na apatda ning ninuman.

Amos 4:5

Sulung, iyain yu la ding kekong tinape ating lebadura bilang kekong ain-a-kapasalamatan king Dios at pagparangalan yu la ding aliwa yu pang ain! Uling iti ing bage a tutu yung kapad daraptan.