Exodo 34:9 - Ing Mayap a Balita Biblia

⁹ Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.

Exodo 34:9 Iomraidhean Croise

Ding Dalit 135:4

Pinili ne i Jacob maging bandi na, ing balen ning Israel ban maging sarili nang bandi.

Ding Dalit 25:11

Alang-alang king kekang lagyu, O Ginu, dakal kung kasalanan keka sanang patawaran.

Ding Dalit 28:9

Ginu, iligtas me ing balen mu, bendisyunan me iting bandi mu. Ika sa ing karelang pastul ban karela lingun kapilan man.

Ding Dalit 33:12

Maligaya ya ing bansa, nung ing Dios ya ing Ginu na. Maligaya ya ing balen a pinili na.

Ding Dalit 78:62

Pepaburen na lang pete ra ding karelang kalaban uling kemuan ne ing sarili nang bansa.

Ding Dalit 94:14

E na la gulutan ning Ginu ding memalen na ni lakuan ding taung pakamalan na.

Exodo 19:5

Ngeni, nung makiramdam kayu kanaku at tupad king kanakung kasunduan, ikayu ing maging sarili kung balen. Kanaku ya ing mabilug a yatu, oneng ikayu mung bukud ding taung pinili ku,

Exodo 32:9

Balu ku nung nu la anti pangasias a buntuk ding taung deti.

Exodo 33:12

Nganang Moises king Ginu, Ikayu ing sinabi kanaku king panimunan ku la ding taung deti king gabun a ita, oneng e yu naman sinabi kanaku nung ninung itubud yung akayabe ku. Sinabi yu naman kanaku king tune yu kung balu at king tutula kayu kanaku.

Exodo 34:7

Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

Isaias 48:4

Balu ku kanita pa ing pakit mung masias ka buntuk; masias anting bakal, at e anting tangsung abayutuk.

Jeremias 10:16

E re kalupa ing Dios nang Jacob; ya ing linalang king sabla-sabla at pinili ne ing Israel ban maging sarili nang bansa. Ginung Mayupaya ing lagyu na.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Zacarias 2:12

Pasibayu yang maging makapasubaling pibandian na ning Ginu ing Juda king banal nang bansa, at maging siudad yang kaluguran nang dili ing Jerusalem.

Ding Bilang 14:19

Patawaran yu la sana, Ginu, ding memalen yu king kasalanan da, agpang king degulan na ning e kukupas yung lugud, antimo ing pamamatawad yu karela manibat na inyang likuan de ing Ehipto.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Deuteronomio 32:9

Uling ing dake ning Ginu ya ing pili nang balen; i Jacob a bandi nang pakamalan.

Deuteronomio 4:20

Gewa na kayung malaya ngeni ning Ginu king pangayalipan yu karin king Ehipto, itang mikakalukung ornu, ban maging memalen na.

Deuteronomio 9:18

Kaybat na nita, migsakab ku arapan na ning Ginu kilub ding apat apulung aldo at apat apulung bengi. E ku bitasang mengan at minum. Depat ku iti uli na ning kasalanan yu a pepasari king pangamua na kekayu.

Deuteronomio 9:26

Menalangin ku. Ngaku, O Ginung Dios, e mu la sana gigisanan papaten ding sarili mung memalen, ding taung linigtas mu at liwal king Ehipto king kapamilatan na ning kekang sikanan at upaya.

Deuteronomio 9:29

Maygit king sabla, bandi mu la at pinili deting tau at liwal mu la king Ehipto king kapamilatan na ning kekang upaya at makapagmulalang dapat.