Biblia Todo Logo
Bìoball air-loidhne

- Sanasan -




Exodo 34:7 - Ing Mayap a Balita Biblia

7 Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

Faic an caibideil Dèan lethbhreac




Exodo 34:7
57 Iomraidhean Croise  

Urung-sulung ya pa i Lot. Melunus ya ing Ginu kang Lot, inya tinaid de ring lalaking mekipanuknangan, at ing asawa na, at ding adua nang anak a babai. Linual da la at linaut king siudad.


Pakiramdaman mu sana ing panalangin ku, at ing panalangin da ring kekang memalen neng mamarap la keting lugal. Ken king banuang kekang tuknangan pakiramdaman mu kami at patawaran ing kasalanan mi.


Ken king banua, makiramdam ka sana, O Ginu, at ika ing gawa at munie atul king karelang kasu. Parusan me itang mikasala at payalan sala ing e mikasala.


Nung magbalik kayu king Ginu, kanita ding mekabihag at migdala karing kekong kamaganak at anak pakitanan da lang lunus at ibalik da la kekayu, uling maganaka ya at malunusan ing Ginung kekayung Dios, at nung magbalik kayu tanggapan na kayu.


Ngaku, O Ginung Dios ning Banua, mayupaya ka at gagalgal kami king kekang arapan. Tutuparan mu ing kekang pangaku karetang malugud keka at tutupad karing utus mu.


Inya, ika, ing kekeng Dios, Dios kang marangal, mayupaya ka, at makapangilabut; tapat tutupad king kekang pangaku. E mu sana lalawan mayan ing digpang kasakitan karing kekeng ari, manimuna, pari, at propeta; karing kekeng makatua, at karing sablang kekang memalen memagkasakit la uli ning pamaniakup da ring ari ning Asiria.


Makabante kang lawe-lawe nung aku mikasala ku ban mika oportunidad kang e mu ku payalang sala.


Ing sabla kung kasalanan keyang patawaran, at pakayapan nang sabla kung kapanamdaman.


Ing kasalanan ding makatua na ing Ginu e no sa kalinguan; at ing pamikasala nang ima na e sa makalinguan kapilan man!


Oneng ika patawaran mu kami, nung inya kailangan da kang pamintuan.


Pete na la king Ehipto ding sablang pangane; uling ing lugud na alang angga.


Oneng ing ari ning Ehipto at ding sundalus na linumud na la; uling ing lugud na alang angga.


Alang-alang king kekang lagyu, O Ginu, dakal kung kasalanan keka sanang patawaran.


Oneng ika, O Ginu, Dios kang mapaglunus; mapibabata ka at parati kang malugud at tapat.


O Ginung kekaming Dios, pekibatan mu lang kekang memalen; pepakit mu karela king Dios kang mapamatawad agyamang perusan mu la uling mikasala la.


Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.


E kayu gagawang maling paratang ni paburen miyatulan kamatayan ing taung alang kasalanan. Parusan ke ing ninumang darapat king anti kaniting e ustung dapat.


Ngana ning Ginu, Palabasan ku ngan king arapan mu ing kabilugan kung kamalan at sabian ke king arapan mu ing banal kung lagyu: Ginu. Maging maganaka ku at malunusan karetang buri kung pakitanan kaniti.


Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.


Me ko keni at iyarap ing kasu yu king husgadu; paburen lang mikukutnanan ding midimanda. Ninu king milabas a panaun ing sinabi king bage mapalyari? Aliwa wari aku, ing Ginu, ing Dios a magligtas king balen na? Ala nang aliwa pang dios subali kaku.


Datangan da kayu at iligtas. Lasakan ku la ngan ding sablang bansa nung nu ra kayu inugse, oneng e ra kayu gisanan paten. E ku paintulut ing e kayu miparusan; oneng potang parusan da na kayu, ing karapatdapat ya ing iyatul ku kekayu. Aku, ing Ginu, ing migsalita.


Pepakit mu ing lugud mung e kukupas karing libu-libung tau, oneng paparusan mu la naman uli da ring kasalanan ding pengari da. Metung kang maragul at mayupayang Dios; ika ing Ginung Mayupaya.


Nung ing ninuman bisa yang magmayabang, ing sukat nang pagmayabang ya ing keyang beluan at aintindian tungkul kaku, uling ing lugud ku e kukupas at ing mayap at matulid ya ing kakung daraptan. Ila deti ring bage a makaibie tula kaku. Aku, ing Ginu, ing migsalita.


Menalangin ku king Ginung kanakung Dios at kilala ku la king arapan na ding kasalanan da ring kabalen ku. Ngaku, Ginung Dios, mitmu kang dangalan at ikami gagalangan da ka. Tapat ka king kasunduan mu at papakit kang lugud a e kukupas karetang malugud keka at tutupad karing kekang kautusan.


Mapaglunus ka at mapamatawad agyang linaban kami keka.


Makananu ku lang patawaran ding taung gagamit king e ustung paniukad at timbangan?


Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.


Potang mua ya, ninu ing miligtas? Ninu ing makapibata king bagsik ning mua na? Ibulus na ing mikakalabkab nang mua; arapan na batu malaso la.


Inya sasabian ku kekayu: malyari lang mipatawaran ding tau king isanu mang kasalanan at king isanu mang e mayap a sasabian da; oneng e ya mipatawaran ing ninumang magsalitang kalapastanganan king Banal a Espiritu.


At patawaran mu la ding kasalanan mi keka, antimo ing pamamatawad mi karing mikasala kekami.


Ala lang pamayad deting adua, inya parehu na lang pepatawaran king karelang utang. Ninu kareting adua ing lalung lugud king mematawad?


Kanita sinabi nang Jesus king babai, Mipatawaran la ding kasalanan mu.


Ikayu ngan, kapatad ku, sukat yung abalung malino king mipanaral kekayu ing amanu tungkul king pangapatawad da ring kasalanan uli nang Jesus. Sukat yung akilala king ing ninumang maniwala kang Jesus maging malaya ya karing sablang kasalanan a e yu malyaring aligtasan king kapamilatan na ning Kautusan nang Moises.


Tinas ne ning Dios king banda nang wanan ban maging Pamuntuk at Talapagligtas da ring tau ban kanita mika oportunidad lang makasisi ding Israelita at tanggap kapatawaran karing kasalanan da.


Inatbus na katamung Cristo king kapamilatan na ning kamatayan na. Uli na niti, mipatawaran ing kekatamung kasalanan! Kasagid na ning lugud a binie ning Dios kekatamu!


Nune, maging maganaka kayu sana at mapaglunus king metung at metung, at mipapamatawad kayu antimo ing pamamatawad na kekayu ning Dios king kapamilatan nang Cristo.


Kaku ing pamanablas; aku ing manyingil; datang ing panaun a mibagsak la, ing aldo ning kawakasan da malapit na.


oneng anting ablas karela e ya mikakunung gisanan na lang paten detang masama.


E yu sana kakalinguan king ing Ginung kekayung Dios ya ing bukud mung Dios at tapat ya. Tune neng tuparan ing pangaku na at parala na ing lugud nang e kukupas karing libu-libung lahi a malugud at mamintu karing utus na,


uling ing kekatamung Dios anti ya king aping manyilab.


Oneng nganang Josue karing memalen, E ye malyaring asuyuan ing Ginu, uling Dios yang banal at mapangalalu; e na la patawaran ding kekayung kasalanan


Nung ikumpisal tamu ing kekatamung kasalanan, ayasahan tamu king ipatawad na la kekatamu ning Dios, at linisan na katamu king sabla tamung kasalanan uling tapat ya.


Miyugse ya king dagat-dagatan na ning api ing ninumang e makasulat a lagyu king libru na ning bie.


Oneng makatakut ing miras karing duag, karing taksil, karing magpasasa king e mayap, karing makamate tau, karing makipangalugud, karing mangkukulam, karing sasambang idolo, at karing sablang malaram. Miyugse la king dagat-dagatan na ning api at asupri; ing kaduang kamatayan.


Lean sinn:

Sanasan


Sanasan