Exodo 34:6 - Ing Mayap a Balita Biblia

⁶ Linabas ya kanita ing Ginu king arapan nang Moises at kilait na, Aku, ing Ginu, metung kung Dios a mapaglunus ampon maganaka, e agad mimimua, at papakit kung maragul a lugud a e kukupas, at katapatan.

Exodo 34:6 Iomraidhean Croise

Genesis 24:27

at ngana, Purian ya ing Ginu, ing Dios nang Abraham a panginuan ku. E na kelinguan ing pangaku na nune tiparan na. Tinaid na ku at selangi ning Ginu king bale da ring kamaganak na ning panginuan ku.

2 Samuel 24:14

Nganang David, E ku balu ing daptan ku. Anti na ning malunusan ya ing Ginu, ya na ing balang mamarusa kekatamu kesa king ding memalen ilang mamarusa kanaku.

1 Ari 19:11

Ngana ning Ginu, Elias, lumual ka ken at talakad king arapan ku king taluktuk ning bunduk. Kaybat na nita, linabas ya ing Ginu at tiniup ya ing maragul at masikan a angin, at inaspak na la ding bunduk at piglasilasi ding batu king arapan ning Ginu; oneng alayu ing Ginu king angin. Kalabas na ning angin, minayun; oneng alayu ing Ginu king ayun.

1 Ari 8:30

Pakiramdaman mu sana ing panalangin ku, at ing panalangin da ring kekang memalen neng mamarap la keting lugal. Ken king banuang kekang tuknangan pakiramdaman mu kami at patawaran ing kasalanan mi.

2 Cronica 30:9

Nung magbalik kayu king Ginu, kanita ding mekabihag at migdala karing kekong kamaganak at anak pakitanan da lang lunus at ibalik da la kekayu, uling maganaka ya at malunusan ing Ginung kekayung Dios, at nung magbalik kayu tanggapan na kayu.

Nehemias 9:17

Karing utus mu e la memintu; kelinguan da ing sablang bage pagmumulalan a depat mu; buntuk da pepasias da la, at memili lang karela manimuna ban king Ehipto maging ipus pasibayu. Oneng metung kang Dios a makasadiang mamatawad, maganaka, at malunusan, e agad mimua, at tune malugud. Inya e mu la pepaburen.

Ding Dalit 108:4

Uling ing lugud mung alang kupas susukdul king banua; ing kekang katapatan mamabut karing biga.

Ding Dalit 111:4

Ding makapagmulalang depat na kekatamu paganaka na la, maganaka ya at malunusan.

Ding Dalit 111:8

Manatili la kapilan man, uling tutu la at makatuliran.

Ding Dalit 112:4

Uling ing sala saslag para karing taung banal, karing maganaka, mapaglunus, at makatuliran.

Ding Dalit 116:5

Mapaglunus ya ing Ginu at makatuliran; ing kekatamung Dios, Dios yang malunusan.

Ding Dalit 138:2

Arapan ke ing banal mung Templo; duku ku at purian ing kekang lagyu, uling pepakilala mu king sablang bage makapaygit ya ing lagyu at kautusan mu.

Ding Dalit 145:8

Malugud ya at mapaglunus ing Ginu; banayad ya king pamimua, at maglapo king e kukupas ing lugud na.

Ding Dalit 146:6

ing miglalang king banua at yatu, at king dagat at king sablang atyu karela; tapat ya kapilan man.

Ding Dalit 31:19

O Ginu, ing kayapan mu alang kalupa, makasadia para karetang ating takut keka! Balu ding sabla ing kekang ganaka a kekang babie karetang manalig keka.

Ding Dalit 57:10

Uling ing lugud mung e kukupas miraras king banua, at ing kekang katapatan lalagpus king biga.

Ding Dalit 86:15

Oneng ika, O Ginu, Dios kang mapaglunus; mapibabata ka at parati kang malugud at tapat.

Ding Dalit 86:5

Uling maganaka ka at mapamatawad, O Ginu, karing sablang mamaus keka mitmu kang lugud.

Ding Dalit 91:4

Karing pakpak na lukuban na ka; ingat na keka ibie na; ing katapatan na ya ing mingat keka.

Exodo 20:5

E kayu duruku karing idolo o sasamba kareti, uling aku, ing Ginung kekayung Dios, Dios kung mapangalalu. Parusan ku la detang masama kanaku, at pati na ding lahi ra angga na karing apu ra at apu king tud.

Exodo 22:27

uling ing balabal ya mu kabud ing malyari nang panakap king katawan na ban e ya dimla. Nanu ing ulasan na potang matudtud ya? Nung maus yang pasaup kanaku, pakiramdaman ke uling aku tune kung mapaglunus.

Exodo 33:19

Ngana ning Ginu, Palabasan ku ngan king arapan mu ing kabilugan kung kamalan at sabian ke king arapan mu ing banal kung lagyu: Ginu. Maging maganaka ku at malunusan karetang buri kung pakitanan kaniti.

Ding Kasebian 3:3

E mu tatanggian ing katapatan at ing kapanaligan. Isabit mu lang anting kwintas king kekang batal at itanam king kekang pusu.

Ecclesiastes 8:11

E ya agad miyatulan ing taung dinapat kasalanan, inya darakal la ding taung darapat e mayap.

Isaias 12:4

King aldong ita ikanta mu: Pasalamat kayu king Ginu! Maus kayu king lagyu na! Ibalita yu karing sablang bansa ing depat na! Ipamalita yu ban miparangalan ya ing lagyu na!

Isaias 65:16

Ing ninuman king bansa a maniawad bendisyun, aduan na king mabendisyun ya king Dios a tapat. Ing ninumang sumpa, sumpa ya king lagyu na ning Dios a tapat. Mawala na la at makalinguan ding kaligaligan king milabas.

Jeremias 32:18

Pepakit mu ing lugud mung e kukupas karing libu-libung tau, oneng paparusan mu la naman uli da ring kasalanan ding pengari da. Metung kang maragul at mayupayang Dios; ika ing Ginung Mayupaya.

Jeremias 9:24

Nung ing ninuman bisa yang magmayabang, ing sukat nang pagmayabang ya ing keyang beluan at aintindian tungkul kaku, uling ing lugud ku e kukupas at ing mayap at matulid ya ing kakung daraptan. Ila deti ring bage a makaibie tula kaku. Aku, ing Ginu, ing migsalita.

Ding Tagulele 3:23

Sasagiwa ya balang abak, at siguradu yang sunlag anti ing aldo neng abak.

Joel 2:13

At gabakan ding pusu at aliwa ing imalan yu. Magbalik kayu king Ginung kekong Dios. Maganaka ya at mitmu king lunus; mapibabata ya at tutuparan na sablang pengaku na; manatili yang mamatawad kapilan man at e biasang mamarusa.

Jonas 4:2

Inya nganang menalangin, Ginu, bayu ke likuan ing kanakung tuknangan e ku wari sinabi keka king iti ya ing marahil mung daptan? Iti ya ing sangkan nung inya migkapilit kung tinakas papunta king Tarsis! Balu ku king Dios kang malugud at mapaglunus, king manatili kang mapibabata, maganaka, at manatiling makasadiang magbayu balak at e mamarusa.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Mikeas 7:20

Ipakit mu ing katapatan mu at ing ala mung kupas a lugud karing kekang memalen, ding lahi nang Abraham at Jacob, antimo ing pengaku mu kanitang minunang panaun karing makatua mi.

Nahum 1:3

E nia kabud mimimua ing Ginu agyamang mayupaya ya, at e na paintulut ing e la magdusa ding mikasala. Lalto ing bagyu nung nu ya lalakad ing Ginu, ding biga alikabuk da la ring bitis na!

Ding Bilang 12:8

Makipagsalita ku kang Moises arap-arapan, tapatan, at e king malabug a pamakipagsalita. Ikit na ing itsura ku. Inya ala kayung matulid magsalitang laban king talasuyu kung i Moises.

Juan 1:17

Binie ne ning Dios ing Kautusan king kapamilatan nang Moises, oneng ing lugud na at katutuan miras karing tau king kapamilatan nang Jesu-Cristo.

Roma 2:4

Pota galang payalan mung ulaga ing maragul nang ganaka, pamanupaya, at kapibabatan? E mu wari balu king maganaka ya ing Dios uling pakikuanan na lang apabalik a lub?

Deuteronomio 32:3

Ing lagyu ning Ginu kaku yang purian, at ing balen na patutuan na ing kayupayan na.

Deuteronomio 4:31

Malunusan ya ing Ginung kekayung Dios, e na kayu gulutan o gisanan paten o kalinguan itang kasunduan a pengaku nang tuparan karing makatua yu.

Deuteronomio 5:10

Oneng papakit kung lugud a e kukupas karing libu-libung tau a malugud kanaku at mamintu karing utus ku.

Santiago 5:11

Ausan ta lang mapalad uling mebiasa lang mibata angga king kawakasan. Dimdam yu na ing tungkul king kapibabatan nang Job. Balu yu nung makananu neng inablasan ning Ginu bandang tauli. Ipakilala na niti king malugud ya ing Ginu at mapaglunus.