Exodo 34:5 - Ing Mayap a Balita Biblia

⁵ Tinipa ya ing Ginu king biga at tinalakad ya siping nang Moises at sinabi ne ing lagyu na: Ginu.

Exodo 34:5 Iomraidhean Croise

Ding Dalit 102:21

Inya ding tau king Zion lagyu na karela yang ipasiag, at ding tau Jerusalem karela yang pasalamatan

Exodo 19:18

Mitakpan ya king asuk ing kabilugan a Bunduk ning Sinai, uling kinuldas ya karin ing Ginu libutad na ning api. Minta babo ing asuk kalupa na ning asuk ning metung a ornu, at ginalgal lang e mu nanu ding tau.

Exodo 19:9

Ngana ning Ginu kang Moises, Datang ku keka libutad na ning makapal a biga ban damdaman da ring tau ing pamakipagsalita ku keka, at maniwala na la keka manibat ngeni. Sinabi nang Moises king Ginu itang pekibat da ring tau,

Exodo 23:21

Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.

Exodo 33:19

Ngana ning Ginu, Palabasan ku ngan king arapan mu ing kabilugan kung kamalan at sabian ke king arapan mu ing banal kung lagyu: Ginu. Maging maganaka ku at malunusan karetang buri kung pakitanan kaniti.

Exodo 33:9

Kabud milub ya i Moises king Tolda, magbaba ya ing asias a biga at magdatun king tulid nang pasbul ning Tolda, at makipagsalita ya ing Ginu libutad ning biga.

Ding Kasebian 18:10

Mengari ya ing lagyu ning Ginu king toreng matibe; kambilan ne ing taung banal king oras ning pamangailangan.

Isaias 1:10

Jerusalem, mengari la ding kekang pamuntuk ampon ding taung keka manuknangan karing tau na ning Sodoma at Gomorra! Makiramdam ka sa king sasabian na keka ning Ginu. Pakiramdaman mu ing tuturu na keka ning Dios.

Ding Bilang 11:17

Tipa ku at makipagsalita ku keka karin. Kuma ku king espiritung binie ku keka at ibie ku karela ban e ka magdili-diling magobra.

Ding Bilang 11:25

Kaybat tinipa ya king biga ing Ginu at migsalita ya kang Moises. Kinangwa ya ketang espiritung binie na kang Moises at binie na karing pitung pulung manimuna. Inyang tinggap de ing espiritu, megumpisa lang migsalitang anting propeta, oneng ita e naman migluat.

Ding Bilang 12:5

Tinipa ya at minta munaman karin ing Ginu king kapamilatan na ning asias a biga, at migpuestu ya arap ning pasbul. Inaus na la ri Aaron at Miriam. At inyang milapit na la,

Ding Bilang 14:17

Inya manigapu ku kekayu, Ginu, ipakit yu ing maragul yung upaya at tuparan itang pengaku yu inyang sinabi yu,

Deuteronomio 32:3

Ing lagyu ning Ginu kaku yang purian, at ing balen na patutuan na ing kayupayan na.

1 Samuel 3:18

Kanita sinabi na ngan Samuel ing sinabi na ning Ginu; ala yang linihim kang Eli. Nganang Eli, Ita mung matulid ya ing gawan na ning Ginu.