Exodo 34:16 - Ing Mayap a Balita Biblia

¹⁶ E yu la paintulutan makiasawa ding anak yung lalaki karing karelang babai a manamuyut mu karela king pamanyamba karing kikilalanan dang dios, at uli na nita magtaksil la kanaku.

Exodo 34:16 Iomraidhean Croise

Genesis 24:3

at isumpa mu kanaku king lagyu na ning Ginu, ing Dios ning banua at yatu, ing e me panintun ayasawa na ing anak ku karing memalen na ning Canaan nung nu ku manuknangan.

1 Ari 11:1

Mahilig ya i Solomon kareng babaing dayuan. E mu ing anak nang prinsesa ning ari ning Ehipto ing ayasawa na; mekiasawa ya naman karing babai na ning bansang Moab, Ammon, Edom, Sidon, at Hiteo,

1 Ari 21:25

Ala pang kalupa nang Ahab a dinapat dakal a e ustu kesa king akakit na ning Ginu uli na ning pamanamuyut ning asawa nang i Jezebel.

2 Cronica 21:11

Pepagawa ya pang pisasamban da ring paganu karing bulubundukan ning Juda, at penimunan na la ding memalen na ning Juda at ning Jerusalem king pamikasala laban king Ginu.

Ezra 9:12

Inya e yu la paintulutan makapakiasawa ding anak yu karing anak da. E kayu gagawang kasunduan karela ni makiabiayan man karela. King anti kaniting paralan kayu sikan, mangabiayan labis-labis, at apamana ing gabun karing anak yu king kapilan pa man.

Ezra 9:2

Mekiasawa la at pati na ding anak dang lalaki kareting taung deti. Inya misamutan yang aliwang lahi ing balen na ning Dios. Ding menimuna kaniting kataksilan ila kabud ding pamuntuk at talapamahala.

Nehemias 10:30

E mi la paintulutan makiasawa ding anak ming lalaki at babai karing dayuan a manuknangan king kekaming lugal.

Nehemias 10:31

E ke sali nung ding dayuan magtinda lang binutil o nanumang paninda neng Aldo ning Sabbath o king isanu mang aldo pangilinan. E mi ya tamnanan ing asikan king kapitung banua, at e mi na la singilan detang ating utang kekami.

Nehemias 13:23

King panaun munamang ita, atuklasan ku king dakal la ding Judio a mekiasawa karing babaing tau Asdod, Ammon, at Moab.

Nehemias 13:25

Inya sebianan ku la, belan, berug, at ginut a buak. Kaybat pepangakuanan ku la king lagyu na ning Dios king e da la paintulutan makiasawa ding anak dang lalaki o babai at ila man karing e ra kalahi.

Ding Dalit 106:39

King depat da karelang dinatan ing sarili da, at king Ginu meging taksil la.

Hosea 1:2

Ngana ning Ginu kang Hosea kanitang kapupurmeruan nang migsalita king Israel king kapamilatan na, Sulung, makiasawa ka; oneng pagtaksilan na ka ning maging asawa mu at mamuli la ding anak mu king ugali nang ima ra. Makanyan ing depat da kanaku ding taung pinili ku; gilutan da ku at pigtaksilan.

Levitico 21:15

ban e la mapintas ding anak na king arapan da ring kabalen na. Aku ing Ginu a mibukud keting tau bilang Pamuntuk da ring Pari.

Josue 23:12

Nung magtaksil kayu at makiabe karing taung mitagan pa libutad yu at makiasawa karela,

Josue 23:13

asahan yu king e na na la itabi ning Ginung kekayung Dios deting tau king arapan yu king paniulung yu. Nune maging panganib la kekayu antimong silu o kulkul a makaumang at maging masakit la anting barug king gulut yu o anti lang suksuk a makatusuk karing mata yu. At iti manatili angga king ala nang mitagan kekayu keting mayap a gabun a binie na kekayu ning Ginung kekayung Dios.

Ukum 14:3

Nganang tata na at ima na, Samson, ala na waring babai kareng anak da reng kamaganak tamu o kareng kabalen tamu, at kailangan ka pang munta kareng paganung Filisteo ban manintun maging asawa mu? Nganang sinabing Samson kang tata na, Ya ing buri kung maging asawa.

Ukum 3:5

Inya menuknangan la ding Israelita libutad da ring Cananeo, ding Hiteo, ding Amoreo, ding Perezeo, ding Heveo, at ding Jebuseo;

Ukum 3:6

at tinggap da la ring anak dang babai deti ban maging asawa ra, at peintulutan da la ring anak dang babai ding Israelita a makiasawa karing anak dang lalaki, at sinamba la karing kikilalanan dang dios.

Ukum 8:27

Pepagawa yang idolo king gintu at binili ne king Ofra, ing siudad na. Ginulut la ding Israelita king Dios king kapamilatan ning pamamunta ra karin at pamanyamba kaniting idolo. Meging bitag ya iting idolo kang Gideon at king pamilya na.