Exodo 34:10 - Ing Mayap a Balita Biblia

¹⁰ Ngana ning Ginu kang Moises, Gawa ku ngening kasunduan karing memalen na ning Israel. King arapan da gawa kung miyayaliwang pagmumulalan a kapilan man e pa merapat nukarin man keti king yatu o king isanu pa mang bansa. Akit da kanita ding sablang taung makapadurut kekayu nung nanu ing agyu kung daptan, uling aku, ing Ginu, gawa kung makapangalgal a bage para kekayu.

Exodo 34:10 Iomraidhean Croise

2 Samuel 7:23

At ninu ing apakilimpi mu king balen mung Israel? Ya mung bukud ing bansa keti king yatu a inatbus mu king panga-ipus ban maging bandi mu. At mibantug ka king mabilug a yatu uli na ning maragul at makapagmulalang bage depat mu para karing memalen mu antimo ing pamanabi mu karing paganu at karing kikilalanan dang dios. Ikit da iti ring taung inatbus mu king Ehipto.

Ding Dalit 106:22

Tune makapagmulala ing depat na king bansang ita, at king Dagat da ring Timbu makapangilabut ing pepasari na.

Ding Dalit 136:4

Ya mung bukud ing makarapat karing maragul at makapagmulalang milagru; uling ing lugud na alang angga.

Ding Dalit 145:6

Ipamalita ding tau ing mayupaya mung dapat, at ing kekang degulan kaku namang sabian.

Ding Dalit 147:20

Karing aliwang bansa iti e na gewa, e ro akikilala ding utus na. Purian ya ing Ginu!

Ding Dalit 65:5

O Dios a kekeng talapagligtas, kekaming kayaduanan kekang pakibatan kapamilatan ding makapag- mulalang kekang depatan. Ika ing kapanayan ding sablang tau pati ding atyu king lipat ning dagat.

Ding Dalit 66:3

Sabian iti king Dios, Tutu lang makapagmulala ding kekang daraptan! Uling maragul ing kekang kayupayan, inya duruku la't gagalgal arapan mu ding kekang kalaban.

Ding Dalit 66:5

Me ko keni at lawan yu ing makapagmulalang dapat ning Dios king libutad da ring tau.

Ding Dalit 68:35

Karin ketang santuaryu nang tuknangan ing Dios tune yang pagmulalan; karing memalen na yang babie upaya at sikanan. Ing Dios kekatamu yang purian!

Ding Dalit 72:18

Purian ya ing Ginu, ing Dios ning Israel a bukud pepalto karing makapagmulalang dapat.

Ding Dalit 76:12

Ibaba na lang mayabang a prinsipi, at pamatakutan na la ding marangal a ari.

Ding Dalit 77:14

Ika ing Dios a darapat karing bage pagmulalan; pepakit mu ing kekang upaya karing sablang bansa.

Ding Dalit 78:12

Ginawa yang mala ing Dios king akakit ding makatua ra karin Ehipto, king kapatagan karin Zoan.

Exodo 34:27

Ngana pa ning Ginu kang Moises, Isulat mu la deting amanu king metung a kasulatan, uling kareting amanu ya makabasi ing kasunduan a tatatag ku king kayabe mu at ning Israel.

Exodo 34:28

Menatili ya karin i Moises a kayabe ning Ginu kilub ding apat apulung aldo at apat apulung bengi; e ya bitasang mengan at minum. Sinulat na la karing tinabas a batu ding amanu na ning kasunduan, ding Apulung Utus.

Isaias 64:3

Kanitang misan a panaun tinipa ka at ginawang miyayaliwang makatakut a bage a e mi panenayan; ikit da ka ring bunduk at ginalgal la king takut.

Jeremias 32:21

King kapamilatan da ring milagru at bage pagmulalan a minie takut karing kekaming kalaban, ginamit mu ing kekang upaya at sikanan ban ilako la ding memalen mung Israel karin king Ehipto.

Mikeas 7:15

Gawa kang milagru para kekami, O Ginu, antimo ing depat mu, kanitang leko mu kami ibat Ehipto.

Deuteronomio 10:21

Purian ye at pasalamatan; ya ing kekayung Dios. Ikit yu la ding dakal at makapagmulalang bage depat na para kekayu.

Deuteronomio 32:30

Makananu na lang adaig ning metung a tau ding libu, at ding adua sambutan da la ring apulung libung tau subali mu nung gulutan na la at paburen ning Dios a Ginu ra.

Deuteronomio 4:13

Sinabi ne kekayu ing kasunduan na a pagnasan nang tuparan yu a alang aliwa nune ding Apulung Utus a sinulat na karing aduang tinabas a batu.

Deuteronomio 9:19

Mitakutan ku king maragul a mua na ning Ginu, pota king mua na gisanan na kayu. Oneng misan pa, pekiramdaman na ku ning Ginu.

Josue 6:20

Kanita tiniupan da la ring pari ding trumpeta. Kabud dimdam da la ring tau kinulisak lang masikan, at melasak ya ing pader. Minukiat lang deretsu ding sablang sundalus king bunduk-bundukan at liban de ing siudad at binihag de.