Exodo 33:3 - Ing Mayap a Balita Biblia

³ Gabun yang mataba at masanting ing lugal a dasnan yu. Aku mismu e ra kayu tukian pota paten da kayu kabang dalan uling metung kayung balen a ating kesiasan a buntuk.

Exodo 33:3 Iomraidhean Croise

2 Ari 17:14

Oneng e la mekiramdam; masias la buntuk anti ding makatua dang e menalig king Ginu karelang Dios.

Ding Dalit 78:8

Kanita e la mangari karing karelang makatua; king Dios e la maging masias a buntuk at lahing mapaglaban; maging lahi lang matatag at manatiling tapat king Dios.

Exodo 13:5

Tapat nang pengaku ning Ginu karing makatua yu king ibie ne kekayu ing bansa da ring Cananeo, Hiteo, Amoreo, Heveo, at Jebuseo. Gabun yang masanting at mataba. Potang ikua na na kayung adala king lugal a ita, sukat yeng pagselebran iting piesta king mumuna nang bulan ning balang banua.

Exodo 23:21

Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.

Exodo 3:17

Inari ku king lub ku king ilual ku la king bansang babie kasakitan karela. Idala ku la king gabun nung nu labis-labis ing kabiayan, ing gabun a ngeni tutuknangan da ring Cananeo, Hiteo, Amoreo, Perezeo, Heveo, at Jebuseo.

Exodo 3:8

Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Exodo 32:14

Inya migbayu ya isip ing Ginu at e na na pepagpa karing memalen na ing kasiran a bela nang ipagpa karela.

Exodo 33:5

Uling ngana ning Ginu kang Moises, Sabian mu kareting Israelita, Tau kayung masias a buntuk! Nung tukian da kayu agyang metung mung saglit, pota paten da kayu ngan. Ngeni mu rin ilukas yu la ding susulud yung alahas at saka ku na arian king lub ku nung nanu ing sukat kung daptan kekayu.

Exodo 34:9

Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.

Isaias 48:4

Balu ku kanita pa ing pakit mung masias ka buntuk; masias anting bakal, at e anting tangsung abayutuk.

Jeremias 11:5

Tuparan ku kanita ing pangakung binie ku karing karelang makatua, king ibie ke ing mayap at matabang gabun a ngeni bandi ra na. Ngaku, Opu, Ginu.

Ezekiel 20:6

Kanita ku pengaku karela king ilako ku la Ehipto at idala king pinili kung gabun a mataba at labis-labis ing kabiayan.

Levitico 20:24

Pengaku ku kekayu king ibie ke kekayu iting gabun a masanting at mataba ban maging bandi yu. Aku ing Ginung kekayung Dios at aku ing memili kekayu bilang memalen ku.

Jonas 3:10

Ikit na ning Dios ing depatan da ring tau; ikit na king likuan da na ing dapat dang e mayap. Inya binayu na ning Dios ing banta na, at e na na belaus ing sinabi nang parusan na la.

Jonas 3:4

Melaus neng miglakad kilub ning siudad. Kaybat nang mekalakad metung a aldo nganang migsalitang masikan, Kilub ding apat apulung aldo malasak ya ing Nineve!

Ding Bilang 13:27

Ngarang memalita kang Moises, Selugsugan mi ya ing gabun nung nu mu kami tinubud. Mataba ya at labis-labis ing kabiayan karin. Oreni ding mapilan karing bungang tanaman karin.

Ding Bilang 14:12

Paten ku la king kapamilatan na ning salut a ipagpa ku karela. Ilako ku ing mana ra, oneng ika gawan da kang tata na ning metung a bansa at mas mayupaya kesa karela.

Ding Bilang 14:8

Nung tumula ya kekatamu ing Ginu idala na katamu karin at ibie ne kekatamu. Gabun yang mataba at labis-labis king kabiayan.

Ding Bilang 16:13

E pa wari sapat ing leko mu kami king bansa ning Ehipto a labis-labis king kabiayan at dela keti king ilang ban paten mu kami mu king danup? Ngeni, bisa ka pang maging panginuan me?

Ding Bilang 16:21

Dumayu kayu kareng taung deti, uling paten ku na la ngeni mu rin.

Ding Bilang 16:45

Dumayu kayu kareng taung deti uling paten ku na la ngeni mu rin! Migsakab ya king gabun i Moises at i Aaron.

Ding Dapat 7:51

Mangasias kayu wari lub; tutu na la waring alang pakiramdam ding pusu yu? Tutu na kayu waring mengaklak ban e yu pansinan ing amanu na ning Dios? Ala kayung keyaliwa karing kekayung makatua; e ye munaman patugutan sasagkan ing Banal a Espiritu!

Deuteronomio 4:24

Uling mengari ya ing Ginung kekayung Dios king api a maglaklak, Dios yang mapangalalu.

1 Samuel 2:30

Inya pakiramdaman mu ngeni ing pasabi na keka ning Ginu, ing Dios ning Israel: Kanitang milabas sinabi ku king ing pamilya mu at ing pamilya nang tata mu ilang sumuyu kanaku angga king alang angga, oneng ngeni e na makanyan. Ding parangalan ku ila mu detang parangal kanaku, at e ku la parangalan detang misasakuil kanaku.