Exodo 33:2 - Ing Mayap a Balita Biblia

² Itubud ke ing metung a anghel ban manimuna kekayu; itabi ku la ding Cananeo, Amoreo, Hiteo, Perezeo, Heveo, at ding Jebuseo.

Exodo 33:2 Iomraidhean Croise

Genesis 15:21

Amoreo, Cananeo, Girgaseo, at Jebuseo.

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

1 Cronica 1:14

I Canaan ya naman ing penibatan da ring Jebuseo, Amoreo, Girgaseo,

Exodo 23:20

Itubud keng makauna kekayu ing metung a anghel ban ingatan na kayu king pamaglakbe yu, at isadsad ketang lugal a sidia ku para kekayu.

Exodo 3:17

Inari ku king lub ku king ilual ku la king bansang babie kasakitan karela. Idala ku la king gabun nung nu labis-labis ing kabiayan, ing gabun a ngeni tutuknangan da ring Cananeo, Hiteo, Amoreo, Perezeo, Heveo, at Jebuseo.

Exodo 3:8

Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Exodo 32:34

Sulung magbalik na ka at panimunan mu na la ding taung papunta ketang lugal a sinabi ku keka. Tandanan mu, ing anghel ku ya ing mantabe kekayu, oneng king aldo a buri ku lang parusan, parusan ku la uli na ning depat dang kasalanan.

Exodo 33:12

Nganang Moises king Ginu, Ikayu ing sinabi kanaku king panimunan ku la ding taung deti king gabun a ita, oneng e yu naman sinabi kanaku nung ninung itubud yung akayabe ku. Sinabi yu naman kanaku king tune yu kung balu at king tutula kayu kanaku.

Exodo 34:11

Pamintuan yu la ding utus a babie ku kekayu king aldo ngeni at itabi ku la ding taung darasan yu, ding Amoreo, ding Cananeo, ding Hiteo, ding Perezeo, ding Heveo, at ding Jebuseo.

Exodo 34:24

Potang ikua ku na lang atabi ding taung darasan yu, at ikua yu neng aparagul ing bansa yu, ala nang mangangas pang salake king bansa yu king panaun da reting atlung pamagselebra.

Zacarias 12:8

King aldong ita ingatan na la ning Ginu detang manuknangan king Jerusalem; pati ing mainang dili karela maging masikan yang anti i David kanitang milabas a panaun. Ding manimuna karela ila ring lahi nang David, anti la ing anghel ning Ginu, anti ing Dios mismu.

Deuteronomio 7:22

Tunggal ditak na lang itabi ning Ginung kekayung Dios deting tau. E yu la agad agisan; nung agad yu lang agisan dakal no man ding mabangis a animal at mibili kayu king panganib.

Josue 24:11

Delakitan ye ing Ilug ning Jordan at miras kayu Jerico. Lebanan da kayu ding memalen na ning Jerico at antimu rin ding Amoreo, ding Perezeo, ding Cananeo, ding Hiteo, ding Girgaseo, ding Heveo, at ding Jebuseo. Pero pepagtagumpen da kayu karela ngan.

Josue 3:10

King kekayung panyulung, siguradung itabi na la ning Dios ding Cananeo, ding Hiteo, ding Heveo, ding Perezeo, ding Girgaseo, ding Amoreo, at ding Jebuseo. Akilala yu king ing mabie Dios atyu libutad yu

Ukum 6:9

Linigtas da kayu karing tau Ehipto at karing taung linaban kekayu king kayarian a iti. Tinabi ku la king kekayung paniulung at binie ke kekayu ing gabun da.