Exodo 32:9 - Ing Mayap a Balita Biblia

⁹ Balu ku nung nu la anti pangasias a buntuk ding taung deti.

Exodo 32:9 Iomraidhean Croise

2 Ari 17:14

Oneng e la mekiramdam; masias la buntuk anti ding makatua dang e menalig king Ginu karelang Dios.

2 Cronica 30:8

E kayu sana masias a buntuk antimo ila; mamintu kayu king Ginu. Munta kayu king Templo na a gewa nang banal para king kapilan pa man. Karin ye samban ing Ginung kekayung Dios ban milako na ing mua na kekayu.

Nehemias 9:16

Oneng ding makatua mi migmaragul la, at pepasias da lang buntuk da, at e memintu karing utus mu.

Nehemias 9:17

Karing utus mu e la memintu; kelinguan da ing sablang bage pagmumulalan a depat mu; buntuk da pepasias da la, at memili lang karela manimuna ban king Ehipto maging ipus pasibayu. Oneng metung kang Dios a makasadiang mamatawad, maganaka, at malunusan, e agad mimua, at tune malugud. Inya e mu la pepaburen.

Ding Dalit 78:8

Kanita e la mangari karing karelang makatua; king Dios e la maging masias a buntuk at lahing mapaglaban; maging lahi lang matatag at manatiling tapat king Dios.

Exodo 33:3

Gabun yang mataba at masanting ing lugal a dasnan yu. Aku mismu e ra kayu tukian pota paten da kayu kabang dalan uling metung kayung balen a ating kesiasan a buntuk.

Exodo 33:5

Uling ngana ning Ginu kang Moises, Sabian mu kareting Israelita, Tau kayung masias a buntuk! Nung tukian da kayu agyang metung mung saglit, pota paten da kayu ngan. Ngeni mu rin ilukas yu la ding susulud yung alahas at saka ku na arian king lub ku nung nanu ing sukat kung daptan kekayu.

Exodo 34:9

Nganang migsalita, Ginu, nung tutu ping tutula kayu kanaku, aduan ku ing mantabe kayu sa kekami agyang masias la buntuk ding taung deti. Patawaran yu ing e ustung gewa mi at kasalanan at tanggapan yu ke sana bilang sarili yung balen.

Ding Kasebian 29:1

Ing taung maralas misasabianan, oneng buntuk na lalu neng pasiasan, e lumuat miras ya king kapahamakan at e ne makabangun pa.

Isaias 48:4

Balu ku kanita pa ing pakit mung masias ka buntuk; masias anting bakal, at e anting tangsung abayutuk.

Jeremias 13:27

Ikit na kayung darapat karing bage kasaman na. Ikit na kayung minta karing dios da ring paganu a atyu karing bunduk-bundukan at marangle; ikit na kayung anti ing lalaking magnasa king asawa na ning kasiping nang bale o anti ing kabayung bulugan a tatagal king kabayung babai. Memalen ning Jerusalem, mitakda na ing kapahamakan a dugpa kekayu! Kapilan kayu pa kaya magbayung bie?

Hosea 6:10

Karumaldumal ing ikit ku king Israel; dinatan da ring taung kanakung pinili ing karelang sarili king kapamilatan na ning karelang pamanyambang idolo.

Ding Bilang 14:11

Ngana ning Ginu kang Moises, Kapilan la tuknang maninsultu kanaku deting tau? Angga kapilan la manatiling e maniwala kanaku agyang dinapat kung dakal a milagru para karela?

Ding Dapat 7:51

Mangasias kayu wari lub; tutu na la waring alang pakiramdam ding pusu yu? Tutu na kayu waring mengaklak ban e yu pansinan ing amanu na ning Dios? Ala kayung keyaliwa karing kekayung makatua; e ye munaman patugutan sasagkan ing Banal a Espiritu!

Deuteronomio 10:16

Inya maging mapamintu kayu at e masias a buntuk king Ginu.

Deuteronomio 31:27

Balu ku king mapaglaban kayu at masias a buntuk. Mabie ku pa oneng sasalangsang na kayu king Ginu; lalu kayung salangsang potang mete na ku.

Deuteronomio 9:13

Ngana pa kanaku ning Ginu, Ikit ku la deting tau at talagang masias la buntuk!

Deuteronomio 9:6

E yu sukat kalinguan king inya babie ne ning Ginung kekayung Dios iting matabang gabun e uli na ning mayap kayu. Tune mangasias kayu ngan a buntuk.