Exodo 32:7 - Ing Mayap a Balita Biblia

⁷ Kanita ngana ning Ginu kang Moises, Magmalagua ka at kuldas na ka, uling ding kabalen mu a liwal mu ibat Ehipto mikasala la at sikuil da ku.

Exodo 32:7 Iomraidhean Croise

2 Cronica 27:2

Katanggap-tanggap king akakit na ning Ginu ing depat na, antimo i Uzzia a tata na. Oneng e ya linub king Templo ning Ginu ban duluk insenso. Tiglus da naman ding memalen ing e mayap dang pamibiebie.

Ding Dalit 78:36

Oneng ing amanung sinabi ra pawang kalaraman; pamagkunwari ing atyu karela.

Exodo 19:24

Nganang mekibat ning Ginu, Kuldas na ka at dakitan me i Aaron at ituki keti. Oneng e la sukat lalagpus ding pari at ding tau king angganan ban lumapit la kanaku, nung ali parusan ku la.

Exodo 32:1

Milupung la kang Aaron ding tau inyang apansinan dang e ya kukuldas king bunduk i Moises. Ngara, E tamu balu nung nanu na ing milyari kang Moises a milual kekatamu ibat Ehipto; inya gawa kang metung a dios a manimuna kekatamu.

Exodo 32:11

Oneng menigapu ya i Moises king Ginung keyang Dios. Ngana, Ginu, obat mua ka kaniting sarili mung balen a liwal mu king Ehipto king kapamilatan na ning maragul mung sikanan at upaya?

Exodo 32:4

Tinggap na la ngan Aaron deti at linaso na la; tigtug na ing gintu king metung a moldi at ginawa yang metung a gintung toro. Ngarang sinabi ding tau, O Israel, oyan ing kekatamung dios a milual kekatamu king Ehipto!

Exodo 33:1

Nganang sinabi ning Ginu kang Moises, Mako na kayu king lugal a iti; ilako mu na la keti ding memalen a liwal mu ibat king Ehipto at munta na kayu king gabun a pengaku kung ibie kari Abraham, Isaac, Jacob, at karing lahi ra.

Isaias 1:4

Makalunus ka, ikang bansang makasalanan, ikang balen a mibait king lahi da ring mapamirait at e mayap a memalen. Gilutan me ing Ginu, ing Banal a Dios ning Israel, at lubus kang ginulut keya.

Daniel 9:24

Pitung besis a tiapitung pulung banua ya ing kaba ning panaun a tikda ning Dios para mayatbus la king kasalanan at king e mayap ding kekang kabalen at ing banal a siudad. Mipatawaran ing kasalanan at mag-ari ing alang anggang hustisia ban ing vision at ing ula mipaltutu, at mitalaga yang pasibayu king Dios ing banal a Templo.

Hosea 9:9

Tune e mayap ing pamaniaptan da, kalupa na ning depat da karin king Gibea. E na kalinguan ning Dios ing karelang kasalanan; parusan na la uli na niti.

Deuteronomio 31:29

uling balu ku king potang mete na ku siguradung mangalinguan kayu at lisia kayu ketang dalan a tiru kung tuntunan yu. Datang ing kabiguan kekayu uling daptan yu itang e mayap king akakit na ning Ginu at mapilitan yang mimua kekayu.

Deuteronomio 32:5

Kataksilan ing karelang depat; e la meging tapat, inya e na la karapatdapat bilang anak na. Baluktut la at lahing e mayap.

Deuteronomio 4:16

mingat kayu pota makarapat kayung e ustu king kapamilatan na ning pamangawa yung larawan a dinukit king isanu mang anyu o wangis ning metung a lalaki o babai

Deuteronomio 9:12

Kanita ngana kanaku ning Ginu, Sulung, puntalan mu na lang agad ding kabalen mung liwal mu king Ehipto uling dinapat lang e ustu. E la memintu king utus ku; agad lang ginawang rebultu at simban de.

Deuteronomio 9:8

Pepamua ya naman ing Ginu karin king bunduk ning Horeb at tune yang mimua kekayu, inya digsu na na kayu mu gisan pete.

Ukum 2:19

Oneng kamate na ning ukum, agad lang magbalik ding memalen karing matua rang panugali, at ligpusan da la pa karawak ding tikian dang lahi. Sinuyu la at sinamba karing aliwang dios at king kesiasan da buntuk sindu ra ing karelang e mayap a dapat.