Exodo 32:6 - Ing Mayap a Balita Biblia

⁶ Inyang kabukasan, maranun lang migdalang mapilan a animal ban dulukan da bilang ain-sakripisyu at mapilan a kanan da bilang ain-ning-pamisulusulu. Linukluk la ding tau; misulusulu lang mengan at mininum. Iti minuling metung a pamaglasing at pamagpasasa king pamitan na ning laman.

Exodo 32:6 Iomraidhean Croise

Exodo 32:5

Kaybat na nita, ginawa yang altar i Aaron king arap na ning gintung toro at nganang sinabi, Pagpiestan ta ya bukas ing Ginu.

Amos 2:8

Karing sablang lugal nung nu la sasamba, ing pagkeran da ya ing imalan a singla da karela ding kalulu. King Templo na ning karelang Dios karin da inuman ing alak a kinua ra karing ating utang karela.

Amos 8:10

Gawan ku lang aldo ning pamangutkut mete ding kekong piesta, at alilan ku lang pamanangis ding masaya yung pamagkanta. Pasatsat ku la kekayu ding buntuk yu at papamiblasan da kayung imalan a magaspang. Mangari kayu karing pengaring manangis king pangamate na ning bugtung dang anak a lalaki. Maging maplas ya ing aldong ita angga king kawakasan na.

Ding Bilang 25:2

Deti namang babai inagkat da lang munie ain-sakripisyu karing kikilalanan dang dios. Inya mengan la at sinamba karing kikilalanan dang dios da ring Moabita.

1 Corinto 10:7

E kayu sasambang idolo a antimo ing depat da ring mapilan karela. Antimo ing sasabian na ning kasulatan, Linukluk la ding tau ban mangan la at minum, at tinalakad la ban dapat makasumaming bage.

Kapahayagan 11:10

Magsaya la ding tau na ning yatu uli na ning pangamate ra deting aduang propeta. Magpiesta la at mipapamie regalu uling deting aduang propeta ilang migdalang kasakitan karela.