Exodo 32:5 - Ing Mayap a Balita Biblia

⁵ Kaybat na nita, ginawa yang altar i Aaron king arap na ning gintung toro at nganang sinabi, Pagpiestan ta ya bukas ing Ginu.

Exodo 32:5 Iomraidhean Croise

1 Ari 21:9

Ngana ning makasulat: Mitatag kayung metung a aldo na ning pamag-ayunu at tipunan yu la ding memalen, at kaybat ibie ya kang Nabot ing lugal a pandangal.

2 Ari 10:20

Ngana pang minutus, Mitatag kayung metung a kapulungan para king kapanyamban kang Baal. At memintu la.

2 Ari 16:11

Inya pepagawa neng Uria ing metung a altar agpang ketang planung ibat king Damasco a peparala nang Aring Ahaz. Pepayari ne bayu ya mekapagbalik ing ari.

2 Cronica 30:5

Inya kinumbira da la ngan ding memalen na ning Israel manibat king Beerseba angga king Dan. Sukat lang munta Jerusalem ban pagselebran ya ing Piesta ning Pamaglagpus ning Ginu, uling e ya pa mipagselebran iting ating dakal a dinatang, agpang king aduan na ning Kautusan nang Moises.

Exodo 10:9

Mekibat ya i Moises, Ikami ngan at pati na ding anak mi ampon ding makatua mi. Ituki mi la ding anak mi, ding kekaming tupa, kambing, at ding kekaming baka, uling kailangan kaming magpiesta ban parangalan ya ing Ginu.

Exodo 12:14

Sukat yeng pagselebran ing aldong iti bilang piestang parangal king Ginu ban e yu kalinguan ing depatan ku, ing Ginu. Pagselebran ye king kapilan pa man.

Exodo 17:15

Mitalakad yang altar i Moises at inaus neng Ing Ginu ya ing kanakung Bandera.

Exodo 32:4

Tinggap na la ngan Aaron deti at linaso na la; tigtug na ing gintu king metung a moldi at ginawa yang metung a gintung toro. Ngarang sinabi ding tau, O Israel, oyan ing kekatamung dios a milual kekatamu king Ehipto!

Exodo 32:6

Inyang kabukasan, maranun lang migdalang mapilan a animal ban dulukan da bilang ain-sakripisyu at mapilan a kanan da bilang ain-ning-pamisulusulu. Linukluk la ding tau; misulusulu lang mengan at mininum. Iti minuling metung a pamaglasing at pamagpasasa king pamitan na ning laman.

Hosea 8:11

Nung kapilan la merakal ding altar a telakad da ring memalen na ning Israel para king pangalako ning karelang kasalanan, kanita la lalung merakal ding lugal nung nu la malyaring mikasala!

Hosea 8:14

Menalakad lang palasyu ding memalen na ning Israel, oneng kelinguan de ing karelang Miglalang. Menalakad lang matibe siudad ding memalen na ning Juda, oneng paratang kung api ban masilab la ding karelang siudad at ding karelang palasyu.

Levitico 23:2

Sabian mu karing memalen na ning Israel king ding piestang karelang pagselebran bilang pamitipun king pamanyamba kanaku, ing Ginu, ila reti:

Levitico 23:21

E kayu bitasang magobra king aldong ita, nune mitipun kayu ban samba. Tuparan ye iting tuntunan king kapilan pa man at nu man karin kayu manuknangan.

Levitico 23:37

Ila deti ring piestang tikda ku; aldo lang banal ban mitipun kayu at samba, miyain ain-a-pamangan, ain-a-durulukan, ain-a-binutil, ain-sakripisyu ampon ain-a-inuman, ing balang metung king makatakda nang aldo.

Levitico 23:4

Ila deti ring piestang tikda ku a kekayung pagselebran.

1 Corinto 5:8

Inya, pagselebran ta ya ing kekatamung Pamaglagpus e king tinape a atin matuang lebadura, ing lebadura na ning pamikasala at imoralidad, nune king tinape a alang lebadura, ing tinape na ning kalinisan at katapatan.

1 Samuel 14:35

Mitalakad yang altar i Saul para king Ginu; iti ya ing minunang diling altar a telakad na para king Ginu.