Exodo 32:4 - Ing Mayap a Balita Biblia

⁴ Tinggap na la ngan Aaron deti at linaso na la; tigtug na ing gintu king metung a moldi at ginawa yang metung a gintung toro. Ngarang sinabi ding tau, O Israel, oyan ing kekatamung dios a milual kekatamu king Ehipto!

Exodo 32:4 Iomraidhean Croise

1 Ari 12:28

Kaybat nang pegaralan iting bage, pepagawa yang aduang torong gintu, at kaybat ngana karing memalen, Memalen ning Israel, magkakasakit kayung pupunta Jerusalem. Oreni ding dios a milual kekayu king Ehipto.

1 Ari 12:32

Tinatag nia namang Jeroboam ing metung a piesta neng kalabing limang aldo ning kawalung bulan; kalupa ne niti ing piesta karin king Juda. Karin king Betel miyain yang ain-sakripisyu king gintung toro a pepagawa na. Mitutuk yang pari karing mangatas a lugal a pisasamban a pepagawa na.

2 Ari 10:20

Ngana pang minutus, Mitatag kayung metung a kapulungan para king kapanyamban kang Baal. At memintu la.

2 Ari 10:29

Makanyan man, e na gilutan Jehu ing e mayap a gewa nang Jeroboam a anak nang Nebat a pepasari king pangababad na king pamikasala ning Israel king kapamilatan ning pamanyamba karing gintung biserung baka karin king Betel at Dan.

2 Cronica 11:15

Memili yang sarili nang pari i Jeroboam ban sumuyu karing lugal a pisasamban da ring paganu at ban samba karing demonyu at karing idolong baka a pepagawa na.

2 Cronica 13:8

Ngeni buri yeng labanan ing kayarian ning Ginu a pamahalan da ring anak nang David uli mong dakal kayu kesa kekami at uling kayabe yu la ding gintung torong baka a pepagawa nang Jeroboam ban maging kekayung dios.

Nehemias 9:18

Ginawa lang rebultu a kawangis ning biserung baka, at sinabi ra king iti ya ing dios dang milual karela king Ehipto! Makanyan lang dinapat maragul a kalapastanganan keka.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 20:23

E kayu gagawang dios a pilak o gintu a pakipante yu kanaku at para samban subali kanaku.

Exodo 20:4

E kayu gagawang larawan para kekayu o nanumang kawangis ning nanumang atyu king banua, keti king yatu o king danuman king lalam ning yatu.

Exodo 28:11

Ipadukit mu la deting lagyu ra king metung a magaling a platero at kaybat ipatampuk mu la karing engasteng gintu.

Exodo 28:9

Kuma kang aduang batung onyx at idukit mu la kareti ding lagyu da ring labi nang aduang anak Israel,

Exodo 32:1

Milupung la kang Aaron ding tau inyang apansinan dang e ya kukuldas king bunduk i Moises. Ngara, E tamu balu nung nanu na ing milyari kang Moises a milual kekatamu ibat Ehipto; inya gawa kang metung a dios a manimuna kekatamu.

Exodo 32:24

Inya inawad ku naman karela king idala da la kanaku ding alahas dang gintu. Detang sablang atin likas da la at binie da la kanaku. Linaso ku la deti king api at ing linto ya ing torong yan!

Exodo 32:3

Inya likas da la ngan ding tinggang gintu karing balugbug da at dela da la kang Aaron.

Exodo 32:35

Makanyan yang peparalang sakit ing Ginu karing tau uli na ning pepagawan deng gintung toro i Aaron.

Exodo 32:5

Kaybat na nita, ginawa yang altar i Aaron king arap na ning gintung toro at nganang sinabi, Pagpiestan ta ya bukas ing Ginu.

Exodo 32:7

Kanita ngana ning Ginu kang Moises, Magmalagua ka at kuldas na ka, uling ding kabalen mu a liwal mu ibat Ehipto mikasala la at sikuil da ku.

Exodo 32:8

Kalalagua da ne mang gilutan ing dalan a tildu kung tuntunan da; ginawa lang metung a toro king gintung linaso ra, simban de at dininan ain-sakripisyu. Sasabian da king ita kanu ing dios da a milual karela king Ehipto.

Isaias 30:22

Kuanan yu la kanita ding kekayung idolo a tilbug king pilak at gintu at iyugse yu lang anting basura. Ngayung sumabi, Mabating kayu king arapan ku!

Isaias 46:6

Bubuklat do ring tau ding karelang suput, at gintu ing karelang bubulus; pilak karelang titimbangan. Manupa lang plateru ban gawa lang dios, at kaybat dukuan ampon samban.

Ezekiel 23:8

Sindu na itang pegumpisan na anting babaing magtinda king katawan na karin Ehipto nung nu ya mesira pangadalaga. Manibat na inyang anak ya pa mu kayabe na na lang matudtud ding lalaki, at tinuring da ne man anting babaing magtinda king katawan na.

Hosea 10:5

Mitakutan la at magpaldas ding memalen na ning siudad ning Samaria uli na ning pangawala na ning gintung baka na ning Betaven. Ila at ding paring susuyu karing kikilalanan dang dios tangisan da iti. Manangis la potang iti malubas ya king ginintuan nang leguan.

Hosea 13:2

E tinuknang ing karelang pamikasala king kapamilatan na ning pamangawa rang larawan a bakal ban samban da. Gagawa lang pilak a idolo a bunga na ning karelang pamisip at dapat da ring gamat da. At ngarang sasabi, Munie kayung ain-sakripisyu kareti! Obat ayuyuma da la reting idolo, ding rebultu a kalupa da ring baka?

Ding Dapat 17:29

Anti na ning anak na katamu ngan ning Dios, ala tamung matulid misip king ing kadiosan na kalupa na ning isanu mang megawa king gintu, pilak, at batu a inubug na ning gelingan na pangamat at pandukit ning tau.

Ding Dapat 7:41

Kanita na la ginawang metung a idolo a kaubug biserung baka at dininan deng ain-sakripisyu at pigpiestan de at perangalan ing mismung gewa da ring gamat da.

1 Corinto 10:7

E kayu sasambang idolo a antimo ing depat da ring mapilan karela. Antimo ing sasabian na ning kasulatan, Linukluk la ding tau ban mangan la at minum, at tinalakad la ban dapat makasumaming bage.

Deuteronomio 9:16

Inyang miras ku kekayu, ikit ku ing kasalanan a depat yu laban king Ginu. Ginawa kayung inubug a torong baka.

Ukum 8:24

Ngana pang Gideon karela, Atin kung buring aduan kekayu. Ibie ne kanaku ning balang metung kekayu ding tinggang asamsam na. (Ugali ra kanita ding tau Midian ing magtinggang gintu.)

Ukum 8:27

Pepagawa yang idolo king gintu at binili ne king Ofra, ing siudad na. Ginulut la ding Israelita king Dios king kapamilatan ning pamamunta ra karin at pamanyamba kaniting idolo. Meging bitag ya iting idolo kang Gideon at king pamilya na.