Exodo 32:2 - Ing Mayap a Balita Biblia

² Nganang mekibat Aaron karela, Palukas yu la ding tinggang gintu a susulud da ring asawa yu, anak a lalaki at babai, at saka yu la idala deti kanaku.

Exodo 32:2 Iomraidhean Croise

Genesis 24:22

Kayari dang mininum ding kamelyu, lege ne ning ipus ing metung a mal a gintung singsing at pepasulud ne king arung nang Rebeca. Dininan nia namang aduang mangaragul a gintung pulseras at pepasulud na la karing gamat na.

Genesis 24:47

Kitnan ke nung ninung tata na. Pekibat na king anak neng Betuel a anak nang Nahor at Milka. Pepasingsingan ku ne arung kanita at pepasuluran ku lang pulseras ding takde na.

Exodo 20:23

E kayu gagawang dios a pilak o gintu a pakipante yu kanaku at para samban subali kanaku.

Exodo 32:3

Inya likas da la ngan ding tinggang gintu karing balugbug da at dela da la kang Aaron.

Exodo 35:22

Dinatang la ngan ding lalaki at babai a matulang babie. Atin nang magdalang pendiente, tingga, singsing, pulseras, kwintas, at miyayaliwang uring alahas a gintu, at telaga da la ngan king Ginu.

Ding Kasebian 25:12

Ing mayap a payu a babie ning taung ating sibukan king taung matulang makiramdam maygit ya kaulaga karing singsing a gintu o karing alahas a gewa king gintung puru.

Isaias 3:19

at karing gamat da. Ilako na la ding talikbung da

Isaias 30:22

Kuanan yu la kanita ding kekayung idolo a tilbug king pilak at gintu at iyugse yu lang anting basura. Ngayung sumabi, Mabating kayu king arapan ku!

Ezekiel 16:17

Kinua mu la ding alahas a pilak at gintu a binie ku keka at ginamit mu la ban gawang larawan da ring lalaki at mekipangatawan ka karela.

Hosea 2:8

E na balu king aku ing minie king binutil, king alak, at king larung olibo at king sablang pilak at gintu a ginamit na king pamanyamba na kang Baal.