Exodo 32:16 - Ing Mayap a Balita Biblia

¹⁶ Gewa na la mismu ning Dios deting tinabas a batu; ya ing sinulat kareti at midukit la.

Exodo 32:16 Iomraidhean Croise

Job 19:24

Sana kapamilatan ding matilus a bakal midukit la king tapias a batu ban manatili la king kapilan pa man.

Exodo 31:18

Inyang meyari neng mekipagsalita ing Dios kang Moises king Bunduk ning Sinai, binie na la kang Moises ding aduang tinabas a batu nung nu na la sinulat ning Dios ding kautusan.

Exodo 32:15

Kinuldas ya at meko king bunduk i Moises; darala na la ding aduang tinabas a batu nung nu la makasulat misusumangid ding kautusan.

Exodo 32:17

Inyang dimdam nang Josue ing inge da ring taung kukulisak, sinabi na kang Moises, Balamu ating labanan king kampu.

Exodo 34:1

Ngana ning Ginu kang Moises, Tumabas kang aduang batu a kalupa ra detang minuna at isulat ku la kareti detang amanung misulat karetang minunang tinabas a bilbal mu.

Exodo 34:4

Inya tinabas yang adua pang batu i Moises at itang kabukasan abak a maranun minukiat ya king Bunduk ning Sinai; bibitbitan na la ding tinabas a batu, antimo ing inutus na ning Ginu.

2 Corinto 3:3

Ikayu ing malino nang sulat Cristo, ing sulat a peparala na king kapamilatan mi. Iti makasulat e king tinta nune king Espiritu ning Dios a mabie, at e karing metabas a batu nune karing pusu da ring tau.

2 Corinto 3:7

Nung king kapamilatan na ning Kautusan a makasulat karing tinabas a batu a magdalang kamatayan meyakit ya ing ligaya na ning Dios angga na king e re alawe ding Israelita ing lupa nang Moises, agyang lilipas ing aslag na niting ligaya,

Deuteronomio 10:1

Kanita ngana kanaku ning Ginu, Moises, tumabas kang pasibayung aduang batu a kalupa da retang minuna at gawa kang dutung a Kaban. Kaybat, mukiat ka king bunduk ban makikit kanaku.

Deuteronomio 9:15

Inya kinuldas ku king bunduk a milalablab king api kabang darala ku la ding aduang tinabas a batu nung nu ya makasulat ing kasunduan.

Hebreo 8:10

Iti, ngeni, ya ing kasunduan a itatag ku karing memalen ning Israel king daratang a panaun, ngana ning Ginu: Ibili ku la ding kakung kautusan king kaisipan da, at idukit ku la karing pusu ra. Aku ing maging Dios da, at ila naman maging balen ku la.