Exodo 32:13 - Ing Mayap a Balita Biblia

¹³ Ganakan mu la ding talasuyu mung di Abraham, Isaac, at Jacob. Ganakan mu itang masusing pangakung binie mu karela king dinan mu lang lahing kasing dakal da ring batuin king banua, at king babie mu karing lahi da ing sablang gabun a pengaku mung pabandi karela king kapilan pa man.

Exodo 32:13 Iomraidhean Croise

Hebreo 6:13

Inyang mengaku ya ing Dios kang Abraham, sinumpa yang tuparan na ing pengaku na. Anti na ning ala nang aliwa pang maygit king sarili na, ginamit ne ing sarili nang lagyu inyang sinumpa ya.

Genesis 22:16

Ngana, Susumpa ku king sarili kung amanu, ing Ginu ya ing magsalita, anti na ning e me pigkait kanaku ing anak mung pakamalan,

Genesis 12:7

Pepakit ya karin ing Ginu kang Abram at ngana, Ibie ke ing gabun a iti karing kekang maging lahi. Karin mitalakad yang altar para king Ginung pepakit kang Abram.

Genesis 15:5

Tiki ne i Abram lual na ning tolda at ngana, Talanga ka at lumawe king banua at bilangan mu la ding batuin, nung arapat mu. Makanyan la karakal ding maging lahi mu.

Genesis 15:18

Kanita ya mekipagkasundu ing Ginu kang Abram. Ngana, Babie ke ing gabun a iti karing maging lahi mu, manibat king ilug ning Ehipto angga king maragul a Ilug ning Eufrates

Deuteronomio 7:8

Oneng tune kaluguran na kayu ning Ginu at buri na ing tuparan na itang pangaku a binie na karing makatua yu. Inya linigtas na kayu at leko king pangayalipan yu king ari na ning Ehipto king kapamilatan na ning upaya na.

Levitico 26:42

aku, ing Ginu, ganakan ke itang kasunduan a pikayari mi ri Jacob, Isaac, at Abraham. E kia naman kalinguan itang pengaku kung gabun para karela.

Genesis 48:16

Bendisyunan no sana ning anghel a mikabus kanaku king heganaganang e mayap ding anak a reti; karela ya sana manatili ing lagyu ku antimu rin ing lagyu ra di Abraham at Isaac a kanakung pipumpunan, dakal la sana ding ayanak da keti king yatu.

Genesis 15:7

Kanita sinabi na, Abram, aku ing Ginu a kinangwa keka ibat Ur da ring Caldeo ban ibie keka iting gabun a iti bilang bandi mu.

Deuteronomio 9:27

Ganakan mu la sana ding talasuyu mung i Abraham, Isaac, at Jacob. E mu na sana papansinan ing kesiasan dang buntuk deting tau o ing karelang e ustung dapat o ing kasalanan da.

Genesis 12:2

Gawan da kang metung a maragul a bansa at bendisyunan da ka. Maging pikabaluan ka lagyu at manatad kang bendisyun.

Genesis 17:8

Ibie ke keka at karing lahi mung sasalisi ing gabun nung nu ka manuknangan ngeni, ing mabilug nang gabun ning Canaan bilang pibandian yu king kapilan pa man, at aku ing maging Dios da.

Genesis 24:7

Ing Ginu, ing Dios ning banua at yatu, leko na ku king bale nang tata ku at king gabun na ning kanakung pamilya at pengaku na kanaku king ibie ne ing gabun a iti karing maging lahi ku. Parala neng makauna keka ing anghel na ban saupan na kang manakit ayasawa na ning anak ku karin.

Exodo 13:5

Tapat nang pengaku ning Ginu karing makatua yu king ibie ne kekayu ing bansa da ring Cananeo, Hiteo, Amoreo, Heveo, at Jebuseo. Gabun yang masanting at mataba. Potang ikua na na kayung adala king lugal a ita, sukat yeng pagselebran iting piesta king mumuna nang bulan ning balang banua.

Exodo 13:11

Idala na kayu ning Ginu king bansa da ring Cananeo a tapat nang pengakung ibie kekayu at karing makatua yu. Potang ibie na ne kekayu,

Exodo 33:1

Nganang sinabi ning Ginu kang Moises, Mako na kayu king lugal a iti; ilako mu na la keti ding memalen a liwal mu ibat king Ehipto at munta na kayu king gabun a pengaku kung ibie kari Abraham, Isaac, Jacob, at karing lahi ra.

Deuteronomio 1:10

Peparakalan na kayu ning Ginung kekayung Dios. Ngening aldong iti mengari kayu karing batuin na ning banua a misna king karakal.

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.