Exodo 32:11 - Ing Mayap a Balita Biblia

¹¹ Oneng menigapu ya i Moises king Ginung keyang Dios. Ngana, Ginu, obat mua ka kaniting sarili mung balen a liwal mu king Ehipto king kapamilatan na ning maragul mung sikanan at upaya?

Exodo 32:11 Iomraidhean Croise

Genesis 18:27

Migsalita yang pasibayu i Abraham, Mangangas kung magsalitang pasibayu kekayu a Ginu ku. Alikabuk ku mu at abu.

1 Ari 8:51

uling bandi mu la; ila ring taung liwal mu Ehipto, ing ornung pilalasawan king bakal.

Nehemias 1:10

Ila ding kekang talasuyu at ding sarili mung memalen. Ila ding linigtas mu king kapamilatan na ning kekang upaya at sikanan.

Ding Dalit 106:23

Binalak na ing paten na la, oneng i Moises a talasuyu na tinalakad ya ban mamilatan para karela, at e na belaus ning Dios itang karela buri nang ipagpa.

Exodo 32:7

Kanita ngana ning Ginu kang Moises, Magmalagua ka at kuldas na ka, uling ding kabalen mu a liwal mu ibat Ehipto mikasala la at sikuil da ku.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Exodo 8:8

Pepayaus na la ning ari di Moises at Aaron. Ngana karela, Pakisabi yu king Ginu king ilako na na la sana deting tugak at paburen ku na lang mako ding kalahi yu ban makaibie lang ain-sakripisyu king Ginu.

Isaias 63:17

Baket paintulutan mung mililisia kami karing kekang dalan? Baket paburen mu ing kesiasan ming buntuk at ing pamipainggulut mi keka? King uli ra detang susuyu keka magbalik ka kekami at king uli da ring taung kekang pinili a menatiling bandi mu kapilan man.

Jeremias 15:1

Kanita ngana kanaku ning Ginu, Agyang pang i Moises at i Samuel ilang talakad makisabing mayap kanaku, e ku la pa mu rin pakitanan nanumang lunus deting tau. Itabi mu la; palakuan mu la king arapan ku.

Ding Tagulele 2:20

Lawan mu, O Ginu! Keka lang balikdan ding kekang pasakitan! Ding babai karela lang kakanan ding anak a karelang pakamalan! Ding pari at propeta king mismung Templo paten da la!

Ezekiel 20:9

Oneng e ku depat ita ban e ya milako dangalan ing lagyu ku, uling king durungutan da ring taung kayabe da belita ku king Israel king tairan ku lang lumual Ehipto.

Daniel 9:15

O Ginung kekaming Dios, pepakit mu ing kekang upaya king kapamilatan ning pamilual mu king kekang balen ibat Ehipto, at angga man ngeni e makakalinguan ing upaya mu. Mikasala kami; e mayap ing gewa mi.

Joel 2:17

Ding pari king Ginu susuyu pilatan ning altar, at ning pasbul ning Templo, paburen lang tumangis at manalangin: Ginu, malunus ka king kekang balen, e mu paintulut ing insultuan da kami at kaylian ding aliwang bansa king kapamilatan ning karelang pamagsalita: Nu ya karin ing kekong Dios?

Ding Bilang 11:11

Inya kitang na king Ginu, Obat sinubu yu ku kaniting maragul a pakibatan karing tau? Nanu waring kasalanan ku ba't kakanianan yu ku?

Ding Bilang 14:13

Nganang Moises king Ginu, Nung yan ing gawan yu siguradung abalitan da ring tau Ehipto. Balu da ring tau Ehipto king liwal yu la Ehipto ring Israelita king kapamilatan na ning upaya yu,

Ding Bilang 16:22

Migsakab la king gabun di Moises at Aaron. Kaybat ngara, O Dios a sibul ning sablang bie, paten yu la wari ding sablang tau uli na mu ning kasalanan na ning metung a tau?

Ding Bilang 21:7

Inya lepitan de ring Israelita i Moises at ngara, Moises, mikasala kami king Ginu at keka inyang migsalita kaming laban king Ginu at keka. Aduan mu king Ginu king ilako na la sana deting kamandagan a ubingan. Inya menalangin ya i Moises para karing tau.

Ding Bilang 27:4

Uli mo wari ning ala yang anak a lalaki i tata mi leko ye lagyu king listahan ning Israel? Ibie yu kekami itang dake na kalupa na ning karing kamaganak na.

1 Samuel 15:11

Malungkut ku uling gewa keng ari i Saul; selangsangan na ku at e na la tiparan ding kautusan ku. Mimua ya i Samuel at kabukas yang menalangin king Ginu.