Exodo 30:8 - Ing Mayap a Balita Biblia

⁸ Makanyan munaman ing daptan na potang sindian na la ding sulu karas ning bengi. E yu kakalinguan iting pamiyain insenso aldo-aldo at pati ding maging lahi yu.

Exodo 30:8 Iomraidhean Croise

2 Cronica 26:18

ban pigilan de. Ngara king ari, Uzzia, ala kang matulid duluk insenso para king Ginu. Bukud mung ding paring menibatan king lahi nang Aaron ilang mitalaga para kaniti. Mako na ka keting sagradung lugal. Lepastangan me ing Ginung Dios at e na na ka bendisyunan.

Ding Dalit 141:2

Sana tanggapan mu ing panalangin ku antimong mabanglung insenso, at ding gamat kung makatas king panalangin antimong pambenging ain-sakripisyu.

Exodo 12:6

Kaybat sesen yu la angga king sisilim na ning kalabing apat a aldo ning bulan at paten na la ning mabilug a balen ning Israel deting mesabing animal.

Exodo 25:37

Igawa yeng pitung sulu iting tumpakan-sulu at ibili yu la babo; ita sanang makatangad la aslag papunta arap na.

Exodo 27:21

I Aaron at ding anak nang lalaki ilang mibili king sulu kilub na ning kanakung Tolda nung nu ku atyu ketang lual na ning tabing a atyu king arapan na ning Kaban ning Kasunduan. Sukat lang milalablab ding sulu neng bengi angga itang kabukasan karin king arapan ku. Iti kautusan yang sukat dang tuparan king kapilan pa man ding Israelita ampon ding lahi ra.

Exodo 30:7

Balang abak, potang dirinan na lang laru ding sulu, kailangan ing duluk yang mabanglung insenso i Aaron keting altar.

Exodo 30:9

E ye didinan iting altar king insensong e makapaintulut o king nanu pa mang animal a durulukan o nanu pa mang ain-a-kakanan; e ye tutugtuganan nanumang alak a yayain.

Roma 8:34

ninu pa ing makayatul kekatamu? I Cristo Jesus kaya? Aliwa! E mu ing mete ya para kekatamu; sinubli ya namang mie at atyu king banda nang wanan ning Dios at makisabi yang mayap para kekatamu!

1 Tesalonica 5:17

manalangin kayung alang patugut.

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.

Hebreo 9:24

Uling e ya linub i Cristo king metung a Banal a Lugal a gewa da ring tau at anino nang mistula ning tune, nune linub ya karin banua mismu at ngeni atyu arap ning Dios at mamilatan ya para kekatamu.

1 Samuel 2:28

Karing sabla nang tribu ning Israel pinili keng maging kanakung pari ban mangasiwa king kanakung altar, duluk insenso, at magdala king efod arapan ku; at king pamilya ning penibatan mu karin ku la tituk ding sablang ain-a-durulukan a idala da ring Israelita.