Exodo 30:1 - Ing Mayap a Balita Biblia

¹ Gawa kang altar a pidulukan insenso; dutung a akasia ing gamitan mu.

Exodo 30:1 Iomraidhean Croise

1 Ari 6:20

Iting kuartu sukad yang atlung pulung talampakan king kaba, atlung pulung talampakan king lualas, at atlung pulung talampakan ya munaman king katas, at makabalut ya king gintung puru. Makabalut ne mang tablang sedro ing altar.

1 Ari 6:22

Makabalut yang gintu ing kabilugan nang kilub ning Templo, pati na ing Kabanal-banalan a Lugal.

1 Ari 7:48

Pepagawa na la ngang Solomon deting kasangkapan a gintu king Templo na ning Ginu: ing altar, ing lamesang pibibilianan king tinape a iyain,

1 Cronica 28:18

at ing timbang ning gintung puru a gamitan king pamangawa king altar, nung nu ra dulukan ing insenso at ing pamangawa karing karwahe para karing kerubin a makaladlad a pakpak babo na ning Kaban ning Kasunduan ning Ginu.

1 Cronica 6:49

I Aaron at ding anak na ila ring bukud miyayain karing ain-a-durulukan at duruluk insenso king altar. Ila ring manimuna karing kasuyuan king Kabanal-banalan a Lugal, at babie ain para king pangapatawaran na ning kasalanan ning Israel, agpang king inutus nang Moises, ing talasuyu na ning Dios.

2 Cronica 26:16

Migmatas ya i Uzzia inyang meging mayupaya ya, at iti ing pepasari king pangabagsak na. E ya meging tapat king Ginung Dios na. Lepastangan ne ing Ginung Dios na inyang linub ya king Templo ban duluk insenso king altar.

Exodo 30:10

Misan king pabanua sukat neng gampanan Aaron ing seremonia ning pamaglinis keting altar king kapamilatan na ning pamangaskas na karing apat nang sagu king daya ning animal a miyain para king pangapatawaran na ning kasalanan. Sukat marapat iti misan king pabanua at king kapilan pa man. Sukat yang lubus banal iting altar a makatalaga para kanaku, ing Ginu.

Exodo 30:2

Gawan meng kuadradu; labing walung pulgada ya king kaba, labing walung pulgada ne man king lapad, at atlung pulu't anam a pulgada ya king katas. Kailangan ing makasukung la ding peka sagu na karing apat nang suluk niti anting dake na.

Exodo 31:8

ing lamesa at ding gamit na, ing tumpakan-sulung megawa king gintung puru, at ding sabla nang kasangkapan; ing altar a pidulukan insenso;

Exodo 35:15

ing altar a pidurulukan insenso at ding tambayuk na; ing larung paglania; ing mabanglung insenso; ing tabing king pasbul ning Tolda;

Exodo 39:38

ing altar a gintu; ing larung paglania; ing mabanglung insenso; ing tabing king pasbul a palub king Tolda;

Exodo 40:5

Ibili me ing altar a gintu para king pamanduluk insenso king arap ning Kaban ning Kasunduan at isabit me ing tabing king pasbul ning Tolda.

Ezekiel 41:22

altar a megawa king dutung. Lima yang talampakan king katas, at apat yang talampakan king lualas. Dutung la ngan ding bitis na niti, at antimu rin ing talpakan na at ding dingding na. Ngana niting lalaki kanaku, Iti ya ing lamesang atyu arapan na ning Ginu.

Levitico 4:18

Dinan na la namang daya ding sagung atyu makapaligid king altar ning pidurulukan insenso. Itugtug na ing dayang mitagan king talpakan na ning altar a pidurulukan ain a atyu king tulid nang pasbul ning Tolda.

Levitico 4:7

Kaybat, ibili na ing ditak a daya karing sagung atyu karing suluk ning altar a pidurulukan king mabanglung insenso kilub ning Tolda. Itugtug na kanita ing dayang mitagan king talpakan na ning altar a pidurulukan karing ain a atyu king tulid nang pasbul ning Tolda.

Ding Bilang 3:31

Ila ring ating katungkulan king Kaban ning Kasunduan, ing lamesa, ing tumpakan-sulu, ding altar, ding kasangkapan a gagamitan da ring pari king Banal a Lugal, at king tabing palub king Kabanal-banalan a Lugal. Ila naman ding ating katungkulan king pangaingat da reting mebanggit king kasuyuan.

Ding Bilang 4:11

Takpan ya king imalan a kule asul ing gintung altar at takpan ne man iti king balat kambing at ibili la ring tambayuk.

Hebreo 9:4

Atyu karin ing altar a pidurulukan dang insenso at ing Kaban ning Kasunduan a parehung binalut king gintu. Kilub na ning Kaban atyu ing metung a gintung kuran a ating laman a manna, at ing tukud nang Aaron, ing tukud a mika bulung, at ding aduang tinabas a batu nung nu la makasulat ding kautusan.

Kapahayagan 8:3

Dinatang ya ing metung pang anghel. Magdala yang insensaryung gintu at tinalakad ya arap ning altar. Mirinan yang dakal a insenso ban iyain na iting kayabe da ring panalangin da ring sablang pinili na ning Dios babo ning gintung altar a atyu arap ning tronu.