Exodo 3:8 - Ing Mayap a Balita Biblia

⁸ Inya tinipa ku ban iligtas ku la king gamat da ring tau Ehipto at idala ku lang lual Ehipto king gabun a malualas at mataba nung nukarin labis-labis ing kabiayan. Iti ya ing gabun da ring Cananeo, Hiteo, Amoreo, Perezeo, Heveo, at Jebuseo.

Exodo 3:8 Iomraidhean Croise

Genesis 11:5

Tinipa ya ing Ginu ban lawan ne ing siudad at ing toreng telakad da ring tau.

Genesis 11:7

Mayap pa ing puntalan ta la at guluan a salita ban e la mikakaintindi.

Genesis 15:13

Ngana ning Ginu kang Abram, Tandanan mung masalese iti. Manuknangan la ding maging lahi mu king metung a bansang e karela. Gawan da lang ipus karin at pasakitan king bigsikan kilub ding apat a ralan a banua.

Genesis 15:14

Oneng parusan ke itang bansang ita. King katataulian, magdala lang dakal a pibandian ding maging lahi mu potang mako na la king bansang ita.

Genesis 18:21

Kailangan ku lang puntalan ban abalu nung tutu pin o ali ing sumbung da kanaku laban karela.

Genesis 43:11

Kanita nganang Israel karela, Nung ala ta nang aliwang akarapat, sige na pen. Magdala kayu karing maniaman a bungang tanaman at lamnan yu la ding saku yu king ditak a balsamu, pulut-panilan, astragalo, laudano, alponsigo ampon almendro, at ibie yu bilang regalu king gobernador ning Ehipto.

Genesis 46:4

Kayabe yu kung munta Ehipto at iyuli da kayu naman keti. Atyu king siping mu i Jose potang mate ka.

Genesis 50:24

Nganang Jose karing kapatad na, Malapit na kung mate. Pero e na kayu paburen ning Dios. Ilual na kayu king bansang iti at idala king gabun a pengaku na kang Abraham, Isaac, at Jacob.

1 Cronica 1:15

Heveo, Arkiteo, Sineo,

Nehemias 9:8

Ikit mu king tapat ya keka, inya kang Abraham ka ginawang kasunduan. Pengaku mung ibie mu la kang Abraham ding gabun da ring Cananeo, Heteo, Amoreo, Perezeo, Jebuseo, at Girgaseo, ban karin la manuknangan ding lahi na. Tiparan mu ing kekang pengaku uling tune kang tapat.

Ding Dalit 12:5

Oneng ngana ning Ginu, Kimut na ku para karing gigipitan dang kalulu, at karing sasaingsing saup karela kakung ibie.

Ding Dalit 12:6

Ding amanu na ning Ginu apanaligan la, pilak ing kalupa ra a dinalan mekatapitu king ornu.

Ding Dalit 34:8

Pilasan yu at subukan ing kayapan na! Tumula ya ing taung lalapit king Ginu!

Ding Dalit 91:15

Potang maus la kaku kaku lang pakibatan; kaku lang saupan king karelang kagutgutan; kaku lang iligtas at parangalan.

Exodo 12:41

Meko la Ehipto ding sablang memalen na ning Ginu king aldo a miyangganan la deting apat a ralan at atlung pulung banua.

Exodo 12:51

King aldong ita liwal na la Ehipto ning Ginu ding tribu na ning Israel.

Exodo 13:5

Tapat nang pengaku ning Ginu karing makatua yu king ibie ne kekayu ing bansa da ring Cananeo, Hiteo, Amoreo, Heveo, at Jebuseo. Gabun yang masanting at mataba. Potang ikua na na kayung adala king lugal a ita, sukat yeng pagselebran iting piesta king mumuna nang bulan ning balang banua.

Exodo 3:17

Inari ku king lub ku king ilual ku la king bansang babie kasakitan karela. Idala ku la king gabun nung nu labis-labis ing kabiayan, ing gabun a ngeni tutuknangan da ring Cananeo, Hiteo, Amoreo, Perezeo, Heveo, at Jebuseo.

Exodo 34:11

Pamintuan yu la ding utus a babie ku kekayu king aldo ngeni at itabi ku la ding taung darasan yu, ding Amoreo, ding Cananeo, ding Hiteo, ding Perezeo, ding Heveo, at ding Jebuseo.

Exodo 5:23

Manibat na kanitang pekikitan ke ing ari ban sabian ku ing pasabi yu, e na na la pepatugutan pepasakitan. At ala kayu mang gewa ban iligtas la!

Isaias 36:17

angga king alipat na kayu ning ari king bansa a kalupa na ning kekayu, nung nukarin atin munamang mulahan ubas a babie alak at ating trigung malyari yung gawan tinape.

Isaias 64:1

Baket e me gabakan ing banua at tipa ka? Akit da ka kanita ding bunduk at galgal la king takut.

Jeremias 11:5

Tuparan ku kanita ing pangakung binie ku karing karelang makatua, king ibie ke ing mayap at matabang gabun a ngeni bandi ra na. Ngaku, Opu, Ginu.

Jeremias 2:7

Dela ku la king matabang gabun, ban nabangnan da ing pupul at miyayaliwang bage mayap. Makanyan man karas da karin selaula de ing kakung bansa; gewa deng karumaldumal ing bansang binie ku karela.

Jeremias 32:22

Binie me karela iting mayap at matabang gabun a pengaku mu karing karelang makatua.

Ezekiel 20:6

Kanita ku pengaku karela king ilako ku la Ehipto at idala king pinili kung gabun a mataba at labis-labis ing kabiayan.

Levitico 20:24

Pengaku ku kekayu king ibie ke kekayu iting gabun a masanting at mataba ban maging bandi yu. Aku ing Ginung kekayung Dios at aku ing memili kekayu bilang memalen ku.

Amos 2:10

Leko da kang ibat Ehipto at seupan da ka king disyerto kilub ding apat apulung banua, at binie ku keka ing gabun ding Amoreo ban maging bandi mu.

Ding Bilang 13:18

Lawan yu nung nanu yang uring gabun. Siasatan yu nung masikan la o maina ding taung manuknangan karin, nung dakal la o nung ditak la.

Ding Bilang 13:19

Lawan yu nung masanting ya o ali ing gabun karin at nung makabakud lang pader o ali la ding tuknangan dang siudad ding tau.

Ding Bilang 13:27

Ngarang memalita kang Moises, Selugsugan mi ya ing gabun nung nu mu kami tinubud. Mataba ya at labis-labis ing kabiayan karin. Oreni ding mapilan karing bungang tanaman karin.

Juan 3:13

Ala pang miyukiat king banua subali mu ing Anak ning Tau a tinipang ibat banua.

Juan 6:38

uling tinipa kung ibat banua e ban daptan ing sarili kung kaburian, nune ing kaburian na nitang mitubud kanaku.

Deuteronomio 1:25

Inyang migbalik la migdala lang bunga da ring tanaman a tutubu karin at belita ra king ing gabun a babie na ning Ginung kekatamung Dios tune yang gabun a mataba.

Deuteronomio 1:7

Magsadia na kayu at kaybat munta na kayu karing bulubundukan dang balen ding Amoreo at pati na karing sablang kasiping dang gabunkarin king Kapatagan ning Jordan, karing bulubundukan a balen at karing mababang lugal, karin king dane mauli, at angga na king bebe na ning Mediteraneo. Munta kayu king gabun ning Canaan at sumulung kayu pa lagpus king Bunduk ning Lebanon at angga na king Ilug ning Eufrates.

Deuteronomio 27:3

Isulat yu la karin ding sablang kautusan kabud miras kayu king gabun a babie na kekayu ning Ginung kekayung Dios, ing gabun a mataba at labis-labis king kabiayan, antimo ing pengaku na para kekayu ning Ginung Dios da ring makatua yu.

Deuteronomio 28:11

Pabandian na kayu king sablang daraptan yu, parakalan na la ding anak yu at ding baka yu, at dinan na kayung maragul a pupul king gabun a pengaku nang ibie kekayu king kapamilatan da ring makatua yu.

Deuteronomio 6:3

Inya makiramdam kayu, O memalen ning Israel, at mamintu. Kanita mipakayap kayu at dakal kayu at maging mayupayang bansa antimo ing pengaku na ning Ginung Dios karing makatua yu king gabun a mataba at labis-labis king kabiayan.

Deuteronomio 7:1

Idala na kayu ning Ginung kekayung Dios king gabun a babie na kekayu ban bandian. Itabi na la ding tau da ring pitung bansang manuknangan karinding Hiteo, Girgaseo, Amoreo, Cananeo, Perezeo, Heveo, at Jebuseo. Mas dakal la at mayupaya kesa kekayu.

Josue 9:1

Meging pikabaluan la ring tagumpe da ring Israelita karing sablang ari dane albugan na ning Jordan: ding atyu karing bunduk-bundukan, karing kapatagan, karing lele ning Dagat ning Mediteraneo angga na Lebanon dane norti. Ila deti ring ari da ring Hiteo, ding Amoreo, ding Cananeo, ding Perezeo, ding Heveo, at ding Jebuseo.

Josue 9:7

Oneng ngarang mekibat ding memalen na ning Israel karing Heveo, Ba't mo gawa ke pa mung kasunduan kekayu? Marahil malapit ya mu ing tuknangan yu.