Exodo 3:4 - Ing Mayap a Balita Biblia

⁴ Inyang ikit na ning Ginu king lalapit ya i Moises, inaus ne ibat king milalablab a tanaman. Ngana, Moises, Moises! Nanu pu? nganang mekibat Moises.

Exodo 3:4 Iomraidhean Croise

Genesis 22:1

Kaybat dang milyari deting bage, sibukan ne ning Dios i Abraham. Abraham, ngana. Nanu pu? nganang mekibat.

Genesis 22:11

Oneng inaus ne ning anghel ning Ginu. Ngana, Abraham, Abraham! Nanu pu? nganang mekibat.

Genesis 28:16

Nganang Jacob kagising na, Wa, ing Ginu atyu keni agyamang e ku balu iti!

Genesis 46:2

Itang benging matudtud ya migsalita ya ing Dios kang Jacob king kapamilatan na ning tagimpan. Jacob! ngana. Nanu pu ita? nganang mekibat.

Ding Dalit 62:11

E mu mekatadua ku ne dimdam ing Dios, agpang king sasabian na, bukud mung bandi na ing kayupayan

Exodo 19:3

Minukiat ya king bunduk i Moises ban makikit king Dios. Minaus ya kang Moises ing Ginu ibat king bunduk, at sinabi na king sabian na karing Israelita, ding lahi nang Jacob, ing anti kaniti:

Exodo 3:2

At karin pepakit ya kang Moises ing anghel ning Ginu antimong milalablab a api a manibatan libutad ning metung a tanaman a mababa. Apansin nang Moises king mitatau ya ing tanaman, oneng e ne man masisilab.

Exodo 33:12

Nganang Moises king Ginu, Ikayu ing sinabi kanaku king panimunan ku la ding taung deti king gabun a ita, oneng e yu naman sinabi kanaku nung ninung itubud yung akayabe ku. Sinabi yu naman kanaku king tune yu kung balu at king tutula kayu kanaku.

Exodo 4:5

Ngana ning Ginu, Gawan mu ing anti kanyan ban patunayan mu karing Israelita king ing Ginu, ing Dios ding makatua da, ing Dios nang Abraham, Isaac, at Jacob pepakit ya keka.

Levitico 1:1

Karin king Toldang tuknangan ning Ginu inaus ne i Moises at ngana,

Ding Dapat 10:13

Dimdam ne ing metung a bosis a sasabi: Talakad ka, Pedro, makamate ka karen ba mu lang apangan!

Ding Dapat 10:3

Misan a gatpanapun, itang bandang alas tres, menakit yang vision nung nu ne ikit masalese dinatang keya ing metung a anghel na ning Dios at dimdam nang inaus ne lagyu, Cornelio!

Ding Dapat 9:4

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku?

Deuteronomio 33:16

Mikatmuan ya sana ing gabun na king sablang mangayap a bunga a babie na nitang manuknangan libutad ning milalablab a tanaman. Paburen kang Jose datang iting sablang bendisyun uling karing kapatad na ya ing memuntukan.

1 Samuel 3:10

Dinatang ya ing Ginu at lepitan ne i Samuel; inaus ne kalupa ning gewa na. Ngana, Samuel, Samuel! Magsalita kayu, Ginu, at makiramdam ya ing talasuyu yu, nganang mekibat Samuel.

1 Samuel 3:4

Kanita nganang minaus ning Ginu kang Samuel, Samuel, Samuel! Nanu pu ita? nganang mekibat.

1 Samuel 3:6

Nganang pasibayung minaus ning Ginu, Samuel! Mibangun ya i Samuel at minta ya kang Eli at ngana, Ausan yu ku po? Nanu pung buri yu? Pekibat nang Eli, E ra ka inaus, anak ko; sulung matudtud na kang pasibayu.

1 Samuel 3:8

King katlung besis inaus na ne naman ning Ginu i Samuel. Mibangun ya iti at minta ya kang Eli at ngana, Ausan yu ku po? Nanu pung buri yu? Kanita na aintindian Eli king ing Ginu ya ing mamaus king anak.