Exodo 3:21 - Ing Mayap a Balita Biblia

²¹ Paratangan ku la ganaka kekayu ding tau Ehipto ban kanita e ra kayu palakuan a alang bitbit a daralan.

Exodo 3:21 Iomraidhean Croise

Genesis 15:14

Oneng parusan ke itang bansang ita. King katataulian, magdala lang dakal a pibandian ding maging lahi mu potang mako na la king bansang ita.

Genesis 39:21

Oneng e ne pepaburen ning Ginu i Jose kabang atyu ya king sukulan. Pepakit na ing lugud na kang Jose at gewa neng maganaka kang Jose ing pekapun da ring guardia king sukulan, at

1 Ari 8:50

at ipatawad mu ing kalapastanganan at kasalanan a depat da keka. Tagkilan mu la pusu ding mekabihag karela ban malunus la karela,

Nehemias 1:11

O Ginu, pakiramdaman mu sana ing panalangin ku at ing panalangin da ring aliwang talasuyu mu a bisang munie parangal keka. Papagtagumpen mu sana ngeni ing lakad ku at malunus ya sa kanaku ing ari. Kanitang panaun a ita aku ing talaingat king kopa nang alak ning ari.

Ding Dalit 105:37

Kaybat tinaid neng linual ing Israel; gintu at pilak karelang daralan. Masikan la ngan at masalese pamikakatawan.

Ding Dalit 106:46

Ginawa yang paralan ban ding mekabihag karela lumunus la karela.

Exodo 11:2

Magsalita ka ngeni karing memalen na ning Israel at sabian mu karela ngan king maniawad lang alahas a gintu at pilak karing kasiping dang bale.

Exodo 11:3

Birian na ning Ginu ing maging maganaka la ding tau Ehipto karing Israelita. King kamatutuanan ding tau Ehipto at ding opisyal da kikilalanan deng taung marangal i Moises.

Exodo 12:35

Tiparan da ring Israelita itang inutus nang Moises karela, inya memaniawad lang alahas a gintu, pilak ampon baru karing tau Ehipto.

Exodo 12:36

At birian na naman ning Ginu ing maging maganaka la karela at binie da karela itang karelang aduan. Makanyan dang ikua ding Israelita ing pibandian da ring tau Ehipto.

Ding Kasebian 16:7

Makaibie tula king Ginu ing mayap a ugali ning tau; pati ing kalaban na maging kakaluguran ne.

Ding Dapat 7:10

Linigtas ne king sablang kaligaligan a delanan na. Binendisyunan ne ning Dios i Jose at dininan neng kabiasnan inyang minarap ya king ari ning Ehipto. Inya tilduan ne ning ari a maging gobernador na ning mabilug a bansa ampon ning palasyu na.

Deuteronomio 15:13

Potang mako ne e ye palakuan a alang bakal.