Exodo 3:2 - Ing Mayap a Balita Biblia

² At karin pepakit ya kang Moises ing anghel ning Ginu antimong milalablab a api a manibatan libutad ning metung a tanaman a mababa. Apansin nang Moises king mitatau ya ing tanaman, oneng e ne man masisilab.

Exodo 3:2 Iomraidhean Croise

Genesis 21:17

Dimdam na ning Dios ing kiak ning anak at ibat banua kinulait ya kang Agar ing anghel ning Dios. Ngana, Nanung kababalisa mu, Agar? E ka tatakut uling dimdam na ning Dios ing kiak ning anak ketang kabilian na.

Genesis 22:11

Oneng inaus ne ning anghel ning Ginu. Ngana, Abraham, Abraham! Nanu pu? nganang mekibat.

Genesis 48:16

Bendisyunan no sana ning anghel a mikabus kanaku king heganaganang e mayap ding anak a reti; karela ya sana manatili ing lagyu ku antimu rin ing lagyu ra di Abraham at Isaac a kanakung pipumpunan, dakal la sana ding ayanak da keti king yatu.

Ding Dalit 66:12

Peintulut mu ing masambut kami karing kalaban; king silab at albug karin mu ke pepadalanan, makanyan man kekang peintulutan ing miras ke king ligtas a lugal.

Exodo 19:18

Mitakpan ya king asuk ing kabilugan a Bunduk ning Sinai, uling kinuldas ya karin ing Ginu libutad na ning api. Minta babo ing asuk kalupa na ning asuk ning metung a ornu, at ginalgal lang e mu nanu ding tau.

Exodo 23:20

Itubud keng makauna kekayu ing metung a anghel ban ingatan na kayu king pamaglakbe yu, at isadsad ketang lugal a sidia ku para kekayu.

Exodo 24:17

Ikit da naman ding Israelita ing makasilo nang aslag ning panga-atyu ning Ginu a balamu aping e matatda babo ning bunduk.

Exodo 3:16

Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Isaias 43:2

Neng daralan ka karing malalam a danuman, patnubayan da ka; e ra ka daigan ding kekang kaguluan. Nung dumalan ka libutad ning api, e ka masilab; ding mabayat a kapagsubukan e ra ka sambutan.

Isaias 63:9

king sabla rang kasakitan. E ya metung a anghel, nune ing Ginu mismu ya ing migligtas karela. Linigtas na la uli na ning lugud na at lunus. Ya ing parating mimingat karela king milabas a panaun.

Daniel 3:27

Mitipun la ding gobernador, talapanibala, tagapayu, at ding aliwa pang pamuntuk ning ari ban lawan da la ring atlung lalaking e na ananu balang ning api. E man misalabsaban ing buak da, e mesilab ing imalan da ni memaung asuk.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Marcos 12:26

Tungkul naman king pamaniubli rang mebie ding mete, e ye pa wari abasa king Libru nang Moises itang dake babanggit king milalablab a tanaman? Makasulat karin ing sinabi na ning Dios kang Moises. Ngana, Aku ing Dios nang Abraham, ing Dios nang Isaac, at ing Dios nang Jacob.

Lucas 20:37

Agyang i Moises patutuan na king subli lang mie ding mete. Uling king istoria tungkul king mababang tanaman a milalablab, ing Ginu inaus neng Dios nang Abraham, Dios nang Isaac, at Dios nang Jacob.

Juan 1:14

Meging tau ya ing Amanu at mekipanuknangan ya kekatamu. Ikit mi ing kamalan na a mitmung lugud at katutuan, ing kamalan a mangaintulid mung bukud king bugtung nang Anak ning Ibpa.

Roma 8:3

Depat na ning Dios ing e na arapat ning Kautusan uli na ning keinan ning tau. Tinubud ne ning Dios ing Anak na a dinatang kalupa na ning taung makasalanan ban ilako na ing kasalanan. King kapamilatan na ning depat nang iti ning Dios perusan na ing kasalanan a magobra king keinan na ning tau

Deuteronomio 33:16

Mikatmuan ya sana ing gabun na king sablang mangayap a bunga a babie na nitang manuknangan libutad ning milalablab a tanaman. Paburen kang Jose datang iting sablang bendisyun uling karing kapatad na ya ing memuntukan.

Deuteronomio 4:20

Gewa na kayung malaya ngeni ning Ginu king pangayalipan yu karin king Ehipto, itang mikakalukung ornu, ban maging memalen na.

2 Tesalonica 1:7

At ikayu namang mibata dinan na kayung kasnawan at antimu rin ikami. Daptan na iti potang datang yang manibat banua ing Ginung Jesus a kayabe ding mayupaya nang anghel.

Ukum 13:13

Pekibat ning anghel ning Ginu, Kailangan ing tukian na ngan ning asawa mu ing sablang sinabi ku.