Exodo 3:19 - Ing Mayap a Balita Biblia

¹⁹ Balu ku king e na kayu paintulutan mako ning ari ning Ehipto, nung e ya mangapuersa.

Exodo 3:19 Iomraidhean Croise

Exodo 10:20

Oneng pepasiasan na ne naman a pusu ning Ginu ing ari, at e na la peintulutan mako ding Israelita.

Exodo 11:10

Gewa da la ngan di Moises at Aaron deting sablang bage pagmumulalan king arapan na ning ari, oneng pepasiasan ne pusu ning Ginu, at e ya mebisang palakuan na la ding Israelita king bansang sasakupan na.

Exodo 11:9

Kanita ngana ning Ginu kang Moises, Tanggi yang pasibayung makiramdam keka ing ari ban aku makarapat kung lalung dakal a bage pagmumulalan king sasakupan na ning Ehipto.

Exodo 13:15

Kanitang pepakit yang kesiasan a pusu ing ari ning Ehipto at e ya mebisang palakuan na katamu, pete na la ning Ginu ding balang pangane lalaki king kayarian na ning Ehiptotau at animal. Ita ing sangkan nung inya yayain ta ya ing balang anak a pangane lalaki para king Ginu, oneng atbusan lang pasibayu ding anak a lalaking pangane.

Exodo 4:21

Ngana ning Ginu, Moises, anti na ning magbalik na ka Ehipto, e mu la sana kakalinguan gagawan detang sablang bage pagmumulalan king arapan ning ari. Dininan da kang upayang makarapat kareti. Makanyan man, pasiasan ke lub ing ari at e na la paintulutan mako ding Israelita.

Exodo 5:2

Ngana karela ning ari, Ninu wari ing Ginung yan? Ba't mo kailangan keng pakiramdaman at paintulutan mako ding Israelita? E ke kakilala yang Ginung sasabian yu at e ku la malyaring paintulutan mako ding Israelita.

Exodo 6:1

Kanita ngana ning Ginu kang Moises, Akit mu mu rin nung nanu ing daptan ku king ari. Mapilit yang palakuan na la. Puersan keng itabi na la king kayarian na.

Exodo 8:28

Ngana ning ari, Palakuan da kayu ban miyain ain-sakripisyu king Ginung kekayung Dios karin king disyerto, nung e yu masiadung pakalaut. Pakipanalangin yu ku naman.

Exodo 9:35

antimo ing sinabi na ning Ginu kang Moises kanita pa. E na la pa mu rin peintulutan ning ari ing mako la ding Israelita.

Exodo 9:7

Kitang ning ari nung nanu ing milyari, at pekibat da king alang mete metung man karing animal da ring Israelita. Oneng masias ya pa mu rin a pusu ing ari, at e na la peintulutan mako ding tau.