Exodo 3:17 - Ing Mayap a Balita Biblia

¹⁷ Inari ku king lub ku king ilual ku la king bansang babie kasakitan karela. Idala ku la king gabun nung nu labis-labis ing kabiayan, ing gabun a ngeni tutuknangan da ring Cananeo, Hiteo, Amoreo, Perezeo, Heveo, at Jebuseo.

Exodo 3:17 Iomraidhean Croise

Genesis 46:4

Kayabe yu kung munta Ehipto at iyuli da kayu naman keti. Atyu king siping mu i Jose potang mate ka.

Genesis 50:24

Nganang Jose karing kapatad na, Malapit na kung mate. Pero e na kayu paburen ning Dios. Ilual na kayu king bansang iti at idala king gabun a pengaku na kang Abraham, Isaac, at Jacob.

Genesis 50:25

Kanita pepangakuanan na la ring anak nang Israel. Ngana, Potang dalawan na kayu ning Dios at ilual king lugal a iti, idala yu la ring kanakung butul.

1 Cronica 1:15

Heveo, Arkiteo, Sineo,

Ding Dalit 102:21

Inya ding tau king Zion lagyu na karela yang ipasiag, at ding tau Jerusalem karela yang pasalamatan

Exodo 13:5

Tapat nang pengaku ning Ginu karing makatua yu king ibie ne kekayu ing bansa da ring Cananeo, Hiteo, Amoreo, Heveo, at Jebuseo. Gabun yang masanting at mataba. Potang ikua na na kayung adala king lugal a ita, sukat yeng pagselebran iting piesta king mumuna nang bulan ning balang banua.

Exodo 32:34

Sulung magbalik na ka at panimunan mu na la ding taung papunta ketang lugal a sinabi ku keka. Tandanan mu, ing anghel ku ya ing mantabe kekayu, oneng king aldo a buri ku lang parusan, parusan ku la uli na ning depat dang kasalanan.

Exodo 33:3

Gabun yang mataba at masanting ing lugal a dasnan yu. Aku mismu e ra kayu tukian pota paten da kayu kabang dalan uling metung kayung balen a ating kesiasan a buntuk.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Jeremias 11:5

Tuparan ku kanita ing pangakung binie ku karing karelang makatua, king ibie ke ing mayap at matabang gabun a ngeni bandi ra na. Ngaku, Opu, Ginu.

Jeremias 32:22

Binie me karela iting mayap at matabang gabun a pengaku mu karing karelang makatua.

Ezekiel 20:6

Kanita ku pengaku karela king ilako ku la Ehipto at idala king pinili kung gabun a mataba at labis-labis ing kabiayan.

Levitico 20:24

Pengaku ku kekayu king ibie ke kekayu iting gabun a masanting at mataba ban maging bandi yu. Aku ing Ginung kekayung Dios at aku ing memili kekayu bilang memalen ku.

Ding Bilang 13:27

Ngarang memalita kang Moises, Selugsugan mi ya ing gabun nung nu mu kami tinubud. Mataba ya at labis-labis ing kabiayan karin. Oreni ding mapilan karing bungang tanaman karin.

Deuteronomio 26:9

Dela na kami keti at binie ne iting gabun nung nukarin mataba ing gabun at labis-labis ing kabiayan.

Deuteronomio 6:3

Inya makiramdam kayu, O memalen ning Israel, at mamintu. Kanita mipakayap kayu at dakal kayu at maging mayupayang bansa antimo ing pengaku na ning Ginung Dios karing makatua yu king gabun a mataba at labis-labis king kabiayan.

Josue 24:11

Delakitan ye ing Ilug ning Jordan at miras kayu Jerico. Lebanan da kayu ding memalen na ning Jerico at antimu rin ding Amoreo, ding Perezeo, ding Cananeo, ding Hiteo, ding Girgaseo, ding Heveo, at ding Jebuseo. Pero pepagtagumpen da kayu karela ngan.

Josue 9:1

Meging pikabaluan la ring tagumpe da ring Israelita karing sablang ari dane albugan na ning Jordan: ding atyu karing bunduk-bundukan, karing kapatagan, karing lele ning Dagat ning Mediteraneo angga na Lebanon dane norti. Ila deti ring ari da ring Hiteo, ding Amoreo, ding Cananeo, ding Perezeo, ding Heveo, at ding Jebuseo.