Exodo 3:16 - Ing Mayap a Balita Biblia

¹⁶ Puntalan mu na la at tipunan ding manimuna ning Israel at sabian mu karela king aku, ing Ginu, ing Dios ding makatua da, ing Dios nang Abraham, Isaac, at Jacob, pepakit ku keka. At sabian mu karela king ikit ku ing pamipasakit a daraptan da karela ding tau Ehipto.

Exodo 3:16 Iomraidhean Croise

Genesis 1:7

lelangan ne ning Dios ing suklub at kewani na niti ing danum babo na ning suklub king danum lalam na.

Genesis 21:1

E ne kelinguan ning Ginu i Sarah antimo ing sinabi na keting babai. Tiparan na itang pangaku na kang Sarah.

Genesis 28:13

Atyu ing Ginu makatalakad siping na. Ngana, Aku, ing Ginu, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Genesis 48:15

At binendisyunan ne i Jose at ngana: Bendisyunan na ko sana ning Dios a pemintuan da ring pipumpunan kung di Abraham at Isaac, ing Dios a kakung talataid ibat na kanitang mibait ku angga na king aldong iti.

Genesis 50:24

Nganang Jose karing kapatad na, Malapit na kung mate. Pero e na kayu paburen ning Dios. Ilual na kayu king bansang iti at idala king gabun a pengaku na kang Abraham, Isaac, at Jacob.

Ding Dalit 102:21

Inya ding tau king Zion lagyu na karela yang ipasiag, at ding tau Jerusalem karela yang pasalamatan

Ding Dalit 33:18

Oneng ing Ginu ingatan na la detang ating takut at gagalang, at sablang manalig king lugud na.

Ding Dalit 8:4

nanu ya ing tau ba't keka yang gaganakan; nanu ya ing tau ba't keka yang pagmalasakitan?

Exodo 1:8

Linabas ing panaun at ing Ehipto mika bayu yang ari a ala nang bitasang balu tungkul kang Jose.

Exodo 13:19

Dela na lang Moises ding butul nang Jose bilang kapamintuan king kapagnasan nang Jose karing Israelita ing idala da la ring butul na potang mako na la Ehipto. Nganang Jose kanitang panaun a ita, Potang iligtas na na kayu ning Dios, kailangan ing idala yu la ding butul ku king paglako yu.

Exodo 15:14

Inyang iti abalitan ding bansa, ginalgal la king takut da; mengatmu la king takut ding tau Filistia.

Exodo 17:5

Ngana ning Ginu kang Moises, Mituki kang mapilan karing manimuna na ning Israel at muna na kayu karing tau. Idala mia naman itang tukud a pemarug mu king Ilug ning Nilo.

Exodo 18:12

Migdala ya kanita i Jetro metung a ain-a-durulukan mabilug at aliwa pang ain ban iyain king Dios. Tinuki ya i Aaron at ding sablang manimuna na ning Israel ban makisulu ketang banal a pamisulusulu bilang metung a dake na ning kapanyamban.

Exodo 2:25

Ikit ning Dios ing kabilian da ring Israelita, at melunus ya karela.

Exodo 24:11

Oneng e na la ninanan balang ning Dios deting lalaking peka manimunang makatua na ning Israel. Kaybat deng ikit ing Dios, mengan la at minum karin.

Exodo 3:2

At karin pepakit ya kang Moises ing anghel ning Ginu antimong milalablab a api a manibatan libutad ning metung a tanaman a mababa. Apansin nang Moises king mitatau ya ing tanaman, oneng e ne man masisilab.

Exodo 3:6

Aku ing Dios ding makatua mu, ing Dios nang Abraham, Isaac, at Jacob. Tikpan neng Moises ing lupa na uling tatakut neng lawan ing Dios.

Exodo 4:1

Kanita nganang mekibat Moises, O nu mo pung e ra ku paniwalan ding Israelita at e la makiramdam king sabian ku karela? Nanu pu ing gawan ku potang sabian da king e ya tutung pepakit kanaku ing Ginu?

Exodo 4:29

Meko la ilang adua at minta Ehipto at saka ra la tinipun ding sablang manimuna na ning Israel.

Exodo 4:31

Meniwala la ding tau at inyang dimdam da king ing Ginu ya ing dinalo karela at king ikit na ing kasakitan a daralanan da Ehipto, dinuku la ngan at simban de ing Ginu.

Exodo 4:5

Ngana ning Ginu, Gawan mu ing anti kanyan ban patunayan mu karing Israelita king ing Ginu, ing Dios ding makatua da, ing Dios nang Abraham, Isaac, at Jacob pepakit ya keka.

Mateo 26:3

Ketang penandit a ita, ding pamuntuk da ring pari at ding makatua na ning balen makatipun la king palasyu nang Caifas, ing Pekapun ding Pari.

Lucas 1:68

Purian ta ya ing Ginu, ing Dios ning Israel! Inatdanan na lang kasaupan ding memalen na at pinalaya na la.

Lucas 19:44

Lasakan da kang lubus at pati na ding anak mung atyu kilub ding kekang pader. Ala lang itagan metung mang batu a makatumpak king kalupa nang batu uling e mu kilala ing paniatang na ning Dios keka ba na kang iligtas!

Ding Dapat 11:30

Depat da iti at pekiparala da la ring salapi kari Bernabe at Saulo ba da lang ibie karing makatua na ning iglesia.

Ding Dapat 15:14

Kaybat-ibat na pa mung lerawan Simon nung makananu nang minunang pepakit ning Dios ing malasakit na karing paganu inyang atin yang piniling balen karela a maging sarili na.

Ding Dapat 20:17

Inyang atyu Mileto i Pablo menabilin ya karin Efeso; pekiduang na king pakikitan de sa ring makatua.

1 Pedro 2:12

Ing kekayung panugali libutad ding paganu sukat sanang maging kapuripuri. Kanita bisa la mang magsalitang kasiran laban kekayu, ala lang aliwang akit nune mu ding dapat yung mayap. Uli na ning mayap yung dapat purian de ing Dios king Aldo ning paniatang na.

1 Pedro 5:1

Antimong metung a makatuang talapangasiwa, aku mismu ausan ku la kapanamdaman ding makatuang talapangasiwa na ning iglesia libutad yu. Metung ku karing menakit king pamailasa nang Cristo at metung na karing mirakayanan king ligayang mipakilala king paintungul. Ausan da kayu kapanamdaman:

Ruth 1:6

Karin king Moab na abalitan Naomi king binendisyunan na la ning Dios ding memalen na king kapamilatan na ning maragul a pupul. Inari na king lub na ing lakuan ne ing Moab, at ituki na la ding adua nang manuyang king balen nang tibuan.