Exodo 3:14 - Ing Mayap a Balita Biblia

¹⁴ Ngana ning Dios kang Moises, Aku ing Aku. At ngana pa ning Dios, Sabian mu karela ini: Ing ausan dang i Aku tinubud na ku kekayu.

Exodo 3:14 Iomraidhean Croise

Job 11:7

Malyari mu kayang pakibaluan ing kalalalaman na at angganan ning degulan na at upaya ning Dios?

Ding Dalit 68:4

Magkanta kayu para king Dios, purian ya ing lagyu na; isadia yang dalan para ketang daratang king biga makasake. Ginu ing lagyu na, magsaya kayu arapan na.

Ding Dalit 90:2

Bayu mo pa pepalto ding kabundukan o ing yatung kekang lelangan, ika na ing Dios a alang kayangganan, at Dios ka kapilan man.

Exodo 15:3

Mengari yang gerero ing Ginu, Ginu ing lagyu na.

Exodo 23:21

Pakiramdaman ye at tuparan ing sablang sabian na kekayu. E ye lalabanan uling aku ing mitubud keting anghel, at e na ipanupaya ing nanumang kapaglabanan.

Exodo 3:13

Nganang Moises, Pota pung miras na ku karing Israelita at sabian ku karela king ikayu, ing Dios ding makatua da, ya ing mitubud kanaku at nung sakaling ikutang da kanaku, Nanu ing lagyu na? nanu mo pu ing ipakibat ku karela?

Exodo 6:2

Migsalita ya ing Dios kang Moises. Ngana, Aku ing Ginu.

Exodo 6:3

Pepakit ku kang Abraham, kang Isaac, at kang Jacob bilang Dios a Mayupayang tutu, oneng e ke pepabalu karela king ing lagyu ku Ginu.

Isaias 42:8

Aku, ing Ginu, iti ya ing lagyu ku. Alang aliwang dios a malyaring makirake king kakung ligaya; e ku paintulut karing idolo ing makirake la king kakung kapurian.

Isaias 44:6

Ing Ginung sasakup at mimingat king Israel, ing Ginung Mayupaya, sasabian na, Aku ing mumuna, ing tauli, ing bukud mung Dios, ala nang aliwang dios subali kaku.

Mateo 18:20

Uling nukarin man ating adua o atlu kataung mititipun king lagyu ku, atyu ku libutad da.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Juan 8:24

Inya sinabi ku kekayu king mate kayu karing kasalanan yu. Talagang mate kayu karing kasalanan yu, nung e kayu maniwala king Aku pin Ya.

Juan 8:28

Inya sinabi nang Jesus, Potang ikua yu neng tinas ing Anak ning Tau, kanita yu abalu king Aku pin Ya; at king ala kung daraptan king sarili kung upaya nune magsalita ku agpang king tiru na kanaku ning Ibpa.

Juan 8:58

Mekibat ya i Jesus, Ing katutuan sasabian ku kekayu: atyu na ku bayu ya mibait i Abraham.

2 Corinto 1:20

Uling ya ing katuparan na ning sablang pengaku na ning Dios. Uli na, makapakibat tamung Amen king ikaligaya na ning Dios.

Hebreo 13:8

I Jesu-Cristo ya naman ing napun, ing kasalukuyan, at king kapilan pa man.

Kapahayagan 1:17

Inyang ikit ke, miragsa kung anting mete king arap na. Pinatung ne kanaku ing wanan nang gamat at ngana, E ka tatakut. Aku ing Mumuna at ing Katataulian!

Kapahayagan 1:4

Iti ibat kang Juan at parala ne karing pitung iglesia king probinsia na ning Asia: Miyabie sana kekayu ing grasya at kapayapan ning Dios, ing Dios ning kasalukuyan a panaun, ning milabas, at ning panaun a daratang, at ibat karing pitung espiritu a atyu arap ning tronu na,

Kapahayagan 1:8

Aku ing Alpha at ing Omega, ngana ning Ginung Dios a Mayupaya, ing Dios ning kasalukuyan, ning milabas, at ning panaun a daratang.

Kapahayagan 4:8

Tianam la pakpak ding apat a mabie lelangan; mitmu yang mata kilub at lual ing balang metung karela. Aldo't bengi ala lang tuknang magkanta. Ngara, Banal, banal, banal ya ing Ginung Dios a Mayupaya king sabla, ing Dios napun, ngeni at king daratang a panaun.