Exodo 3:12 - Ing Mayap a Balita Biblia

¹² Ngana ning Dios, Patnubayan da ka at oyni ing tanda king aku ing mitubud keka. Potang ikua mu na lang alual Ehipto ding Israelita, samban yu ku keting bunduk.

Exodo 3:12 Iomraidhean Croise

Genesis 15:1

Kaybat na nita, dimdam neng migsalitang Abram ing Ginu king kapamilatan na ning metung a vision. Ngana, E ka tatakut Abram! Aku ing kekang kambilan at maragul ing galal a ibie ku keka.

Genesis 15:8

Nganang mengutang Abram, O Ginung Dios, makananu kung abalung abandi ku iti?

Genesis 26:3

Manatili ka king lugal a ita. Antabayanan da ka at bendisyunan da ka. Ibie ku keka at karing maging lahi mu ing kabilugan a gabun at tuparan ke ing pangaku ku kang tata mung i Abraham.

Genesis 31:3

Kanita ngana ning Ginu kang Jacob, Magbalik na ka king tuknangan da ring kekang makatua at kamaganak at antabayanan da ka!

2 Ari 19:29

Kaybat nganang Isaias kang Aring Hezekia, Oyni ing tanda ning bage mapalyari kaniting banuang salukuyan at king tutuking banua. Ing bukud mung kanan ya ing kabud na tinubu, oneng king tutuking banua makatanam kang trigu at pupulan mu at makatanam ka namang ubas at makapangan ka karing bunga ra.

1 Cronica 9:20

Menuknangan ya naman karin i Fineas a anak nang Eleazar, at metung ya karing meging manimuna da. Sana matnube ya ing Ginu kang Fineas.

Ding Dalit 86:17

Kaku patutuan mu, O Ginu, ing kekang kayapan; ban detang taung kaku masama mangapakarine la kabud akit dang pematulan mu ku at seupan.

Exodo 18:5

Dinatang ya i Jetro, kayabe ne ing asawa nang Moises ampon ding adua nang anak, king disyerto nung nu ya makakampu i Moises, king lele na ning banal a bunduk.

Exodo 3:1

Misan a aldo, kabang papastulan na lang Moises ding tupa at kambing ning katuangan nang i Jetro, ing pari ning Midian, dela na la ding papastulan na lipat na ning disyerto at miras ya king Horeb, ing bunduk ning Dios.

Exodo 3:13

Nganang Moises, Pota pung miras na ku karing Israelita at sabian ku karela king ikayu, ing Dios ding makatua da, ya ing mitubud kanaku at nung sakaling ikutang da kanaku, Nanu ing lagyu na? nanu mo pu ing ipakibat ku karela?

Exodo 33:14

Ngana ning Ginu, Aku ing mantabe keka at aku ing munie tagumpe keka.

Exodo 4:12

Sulung, lumakad na ka! Saupan da kang magsalita at ituru ku keka nung nanu ing sukat mung sabian.

Exodo 4:15

Pakisabian me at sabian mu itang sukat nang sabian. Parehu da kayung saupan magsalita at ituru ku kekayu nung nanu ing sukat yung gawan.

Exodo 8:27

Kailangan ing maglakad keng atlung aldo libutad ning disyerto ban makayain kaming ain-sakripisyu king Ginung kekaming Dios, antimo nung makananu nang inutus kekami.

Isaias 37:30

Kaybat nganang Isaias kang Aring Hezekia, Oyti ing tanda king bage mapalyari kaniting banuang kasalukuyan at king tutuking banua. Ing bukud mung kanan ya pin ing trigu a kabud na tinubu, oneng makatanam kang trigu king tutuking banua at pupulan mu iti, at makatanam ka namang ubas at makapangan ka karing bunga ra.

Isaias 41:10

E ka tatakut; kayabe mu ku! Aku ing kekang Dios; e ka sa mitatakutan. Gawan da kang masikan at kakung saupan; ingatan da ka at iligtas.

Isaias 43:2

Neng daralan ka karing malalam a danuman, patnubayan da ka; e ra ka daigan ding kekang kaguluan. Nung dumalan ka libutad ning api, e ka masilab; ding mabayat a kapagsubukan e ra ka sambutan.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Jeremias 1:8

E ka tatakut karela uling kayabe mu ku at ingatan da ka. Aku, ing Ginu, ing migsalita!

Ding Bilang 16:28

Nganang Moises karing memalen, Abalu yu ngeni king tinubud na ku ning Ginu ban daptan ku la deting bage at iti e king sarili kung kaburian.

Ding Bilang 23:21

Ala yang ikit a kapahamakan king Israel o nanumang kaguluan a datang. Ing Ginung karelang Dios kayabe re; ya ing karelang ari a karela matnube.

Mateo 28:20

at ituru yu lang tupad king sablang inutus ku kekayu. Tandanan yu: kayabe yu ku kapilan man angga king kawakasan na ning panaun!

Marcos 16:20

Meko la ding alagad at menaral la karing sablang lugal. Seupan na la ning Ginu king obrang iti at pepatunayan na ing panaral da king kapamilatan na ning binie nang upaya karela, ing upayang makagawang milagru. Amen.] [

Ding Dapat 11:21

Inantabayanan na la ning Ginu at sinalpantaya la ding tutung dakal a tau at mekonberti la king Ginu.

Ding Dapat 7:7

Oneng aku ing matul king bansang manipus karela, nganang mengaku ning Dios, at kaybat mako la ketang bansang ita at samba la kanaku king lugal a iti.

Roma 8:31

King heganaganang iti, nanu ing malyari tamung asabi? Nung ing Dios atyu king panig tamu, ninu ing laban kekatamu?

Deuteronomio 31:23

Kaybat na nita, telaga ne ning Ginu i Josue, ing anak nang Nun, at ngana, Josue, magpakatatag ka; siknangan mu ing lub mu, uling ika ing manimuna karing memalen ning Israel king pamamunta ra king gabun a pengaku kung ibie karela. Mantabe ku keka.

Hebreo 13:5

Ingatan yung e mididinatan ing bie yu king lugud king salapi at maging kontentu kayu king nanumang atyu kekayu. Uling ing Dios mismu sinabi na, E ra kayu lakuan kapilan man; e ra kayu paburen kapilan man.

Josue 1:5

Alang taung malyaring maniambut keka kabang mabie ka. Kayabe mu ku antimo nung makananu na kung akayabe Moises. E ku magkulang keka; e ra ka lakuan.

Ukum 6:12

Karin ya pepakit ing anghel ning Ginu at ngana kang Gideon, Ing Ginu kayabe me, O lalaking masikan at matapang.

Ukum 6:16

Nganang mekibat ning Ginu, Arapat mu uling saupan da ka at mayan mu lang sambutan uling anti lang metung mung tau.

Ukum 6:17

Mekibat ya i Gideon, Nung metula kayu kanaku, dinan yu kung palatandanan king ikayu pin ing Ginu a kasabi ku.

Ukum 6:21

Tigkilan na king punta ning tukud a tatalnan na ning anghel ning Ginu ing karni at ing tinape alang lebadura at kaybat biglang siniklab ing api manibat king batu, at gisan ning api ing karni at ding tinape, at mewala ya king akakit na ing anghel ning Ginu.

Ukum 7:11

Damdaman mu ing pisasabian da at mika tetagan kang lusuban mu la. Inya kinuldas ya i Gideon, kayabe ne ing ipus nang i Pura, king gilid na ning kampu da ring kalaban.

1 Samuel 14:10

Nung sabian da, Munta kayu keni, kanita lumapit kata; uling tanda ya iti king binie na na la ning Ginu kekata.